• Download our app
News September 25, 2025

హైడ్రాకు భారీగా నిధుల విడుదల

image

TG: విపత్తు నిర్వహణ కోసం ఏర్పాటైన హైడ్రాకు ప్రభుత్వం రూ.69 కోట్ల నిధులు విడుదల చేసింది. అత్యవసర అవసరాలను దృష్టిలో పెట్టుకొని అదనపు నిధులు రిలీజ్ చేసినట్లు ఉత్తర్వుల్లో పేర్కొంది. దీంతో పాటు ఔట్ సోర్సింగ్ ఉద్యోగుల కోసం GHMC నుంచి మ్యాచింగ్ గ్రాంట్స్ కింద రూ.20 కోట్లు విడుదల చేసినట్లు అధికారులు తెలిపారు. ఈ నిధులతో హైడ్రా మరింత సమర్థవంతంగా పనిచేసే అవకాశం ఉందని భావిస్తున్నారు.

News September 25, 2025

పుట్టినరోజు శుభాకాంక్షలు

image

ఈ రోజు పుట్టినరోజు జరుపుకుంటున్న అందరికీ శుభాకాంక్షలు. పరిమితుల దృష్ట్యా ఫొటో ఎంపిక కాని వారు మన్నించగలరు. > ఫొటో, పేరు, ఊరు, పుట్టిన తేదీ వివరాలతో.. teluguteam@way2news.comకు SUBJECT: BIRTHDAYతో ముందురోజు (ex: MAY 1న పుట్టినరోజు అయితే APR 30న) ఉదయం గం.8:00-08:05 లోపు మెయిల్ చేయండి. పుట్టినరోజున మీ సన్నిహితులను ఆశ్చర్యపర్చండి.

News September 25, 2025

శుభ సమయం (25-09-2025) గురువారం

image

✒ తిథి: శుక్ల చవితి పూర్తిగా
✒ నక్షత్రం: స్వాతి సా.5.34 వరకు
✒ శుభ సమయములు: ఏమీ లేవు
✒ రాహుకాలం: మ.1.30-3.00 వరకు
✒ యమగండం: ఉ.6.00-7.30 వరకు
✒ దుర్ముహూర్తం: 1)ఉ.10.00-10.48 వరకు 2)మ.2.48-3.06 వరకు
✒ వర్జ్యం: రా.11.47-1.33 వరకు
✒ అమృత ఘడియలు: ఉ.7.53-9.39 వరకు

News September 25, 2025

TODAY HEADLINES

image

☛ తిరుమలలో సీఎం చంద్రబాబు పర్యటన.. శ్రీవారికి పట్టువస్త్రాల సమర్పణ
☛ చంద్రబాబు ప్రభుత్వం చేయకూడని పనులన్నీ చేస్తోంది: జగన్
☛ TG: ‘OG’ సినిమా టికెట్ రేట్ల పెంపు జీవోను రద్దు చేసిన హైకోర్టు
☛ TG: గ్రూప్-1 విషయంలో సింగిల్ బెంచ్ తీర్పుపై స్టే
☛ CBSE 10th, 12th ఎగ్జామ్స్ షెడ్యూల్ ప్రకటన
☛ మెడికల్ సీట్ల పెంపునకు కేంద్రం ఆమోదం

News September 25, 2025

ఆసియాకప్: ఫైనల్ చేరిన టీమ్ ఇండియా

image

ఆసియాకప్ 2025లో టీమ్ ఇండియా ఫైనల్ చేరింది. బంగ్లాదేశ్‌తో జరిగిన సూపర్-4 మ్యాచులో 41 పరుగుల తేడాతో గెలుపొందింది. భారత బౌలర్లు విజృంభించడంతో 169 పరుగుల <<17819377>>లక్ష్య<<>> ఛేదనలో బంగ్లాదేశ్ క్రమం తప్పకుండా వికెట్లు కోల్పోయింది. ఓపెనర్ సైఫ్ హాసన్(69) పోరాడినా ప్రయోజనం లేకపోయింది. భారత బౌలర్లలో కుల్దీప్ 3, వరుణ్, బుమ్రా తలో 2 వికెట్లు తీశారు. రేపు బంగ్లా-పాక్ మ్యాచ్‌తో భారత్ ఫైనల్ ప్రత్యర్థి ఖరారు కానుంది.

News September 25, 2025

‘OG’ సూపర్ హిట్ కావాలి: లోకేశ్

image

AP: రేపు విడుదల కానున్న పవర్ స్టార్ పవన్ మూవీ ‘OG’ సూపర్ హిట్ కావాలని మంత్రి నారా లోకేశ్ ట్వీట్ చేశారు. ‘#OG అంటే Original Gangster. కానీ అభిమానులకు మాత్రం Original God. పవర్ స్టార్ ఫ్యాన్స్ ఎప్పుడెప్పుడా అని ఎదురుచూస్తున్న OG సినిమా విడుదల సందర్భంగా పవన్ అన్నకు శుభాకాంక్షలు’ అని పేర్కొన్నారు. ఇప్పటికే తెలుగు రాష్ట్రాలతో పాటు USలో మూవీ ప్రీమియర్స్ స్టార్ట్ అయ్యాయి.

News September 25, 2025

ఇందిరమ్మ ఇళ్ల లబ్ధిదారులకు రూ.1618 కోట్లు చెల్లింపు

image

TG: రాష్ట్రంలో 2.12 లక్షల ఇందిరమ్మ ఇళ్ల నిర్మాణం చురుగ్గా సాగుతోందని హౌసింగ్ కార్పొరేషన్ డైరెక్టర్ గౌతం తెలిపారు. ఇప్పటివరకు ₹1618 కోట్లను లబ్ధిదారుల ఖాతాల్లో జమ చేశామని వెల్లడించారు. ప్రతి ఇంటికి ₹5లక్షల వరకు ఇస్తున్నామన్నారు. ఈవారంలోనే 17వేల మందికి ₹188Cr విడుదల చేశామన్నారు. ఎవరికైనా నిధులు జమ కానిపక్షంలో బ్యాంకుకు వెళ్లి అకౌంట్‌కు ఆధార్ నంబర్‌ను లింక్ చేసుకోవాలని సూచించారు.

News September 25, 2025

పవన్ ‘OG’ సినిమా పబ్లిక్ టాక్

image

పవర్ స్టార్ పవన్ కళ్యాణ్ ‘OG’ సినిమా ప్రీమియర్లు స్టార్ట్ అయ్యాయి. హీరో టైటిల్ కార్డు, ఎంట్రీ అదిరిపోయాయని ఫ్యాన్స్ సోషల్ మీడియాలో పోస్టులు పెడుతున్నారు. పవన్ లుక్, ఎలివేషన్లు, ఫైట్ సీన్లు, తమన్ BGM ఆకట్టుకుంటున్నాయని చెబుతున్నారు. మరికొన్ని గంటల్లో Way2News రివ్యూ.

News September 24, 2025

PHOTOS: విద్యుద్దీపాల వెలుగుల్లో ఇంద్రకీలాద్రి

image

AP: ఇంద్రకీలాద్రిపై దసరా శరన్నవరాత్రి ఉత్సవాలు ఘనంగా జరుగుతున్నాయి. విజయవాడ ఆధ్యాత్మిక శోభతో నిండిపోయింది. మూడో రోజు అమ్మవారు అన్నపూర్ణ దేవి అలంకారంలో దర్శనమిచ్చారు. విద్యుత్ దీపాల వెలుగులతో ఇంద్రకీలాద్రి పర్వతం దేదీప్యమానంగా వెలిగిపోతోంది. ప్రకాశం బ్యారేజ్ సైతం రంగురంగుల విద్యుత్ వెలుగుల్లో మెరిసింది. డ్రోన్ విజువల్స్‌ను పైన ఫొటో గ్యాలరీలో చూడవచ్చు.

News September 24, 2025

నాకు ఏ కష్టమొచ్చినా వేంకటేశ్వరస్వామి ఆదుకున్నారు: సీఎం

image

AP: తిరుమల శ్రీవారికి ఎక్కువసార్లు పట్టువస్త్రాలు సమర్పించే భాగ్యం తనకు దక్కిందని CM చంద్రబాబు అన్నారు. ‘బ్రహ్మోత్సవాల్లో 14సార్లు పట్టువస్త్రాలిచ్చే అవకాశం కల్పించారు. చిన్నప్పటి నుంచి వేంకటేశ్వరుడిని చూస్తూనే పెరిగా. నాకు ఎలాంటి కష్టం వచ్చినా స్వామి ఆదుకున్నారు. ఆయన దయ వల్లే ఎవరికైనా శాంతి, సౌభాగ్యం. హిందువులుండే ప్రతిచోటా, అన్ని రాష్ట్రాల రాజధానుల్లో శ్రీవారి ఆలయాలు నిర్మించాలి’ అని అన్నారు.

Featured News

Sorry, no posts matched your criteria.

↑