India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 11, 2024
ఆహారం వృథా కాకుండా జొమాటో కొత్త పథకం
ఆహారం ఆర్డర్ చేసిన వారు వివిధ కారణాలతో దాన్ని రద్దు చేసుకున్నప్పుడు అది వృథా అవుతుంటుందన్న సంగతి తెలిసిందే. ఆ వృథాను అరికట్టేందుకు కొత్త ఆఫర్‌ని తీసుకొచ్చినట్లు జొమాటో ఫౌండర్ దీపిందర్ గోయల్ వెల్లడించారు. ఎవరైనా రద్దు చేసుకున్న ఆర్డర్‌ను ఆ తర్వాతి 2 లేదా 3 నిమిషాల్లో తక్కువ ధరకు వేరే వినియోగదారులకు కేటాయించనున్నట్లు ప్రకటించారు. దీన్ని ‘ఫుడ్ రెస్క్యూ’గా వ్యవహరిస్తున్నట్లు తెలిపారు.
News November 11, 2024
గెలిచే మ్యాచ్‌లో ఓడిన టీమ్ ఇండియా
టీమ్ ఇండియాతో ఉత్కంఠభరితంగా జరిగిన రెండో టీ20లో సౌతాఫ్రికా విజయం సాధించింది. 125 పరుగుల లక్ష్యఛేదనలో తొలుత తడబడ్డ సౌతాఫ్రికా చివర్లో అదరగొట్టింది. స్టబ్స్(41 బంతుల్లో 47*), కోయెట్జీ(9 బంతుల్లో 19*) మరో ఓవర్ మిగిలి ఉండగానే తమ జట్టుకు విక్టరీని అందించారు. వరుణ్ చక్రవర్తి 5 వికెట్లతో సత్తా చాటినా ప్రయోజనం లేకపోయింది.
News November 11, 2024
ఐదు వికెట్లు తీసిన వరుణ్
దక్షిణాఫ్రికాతో జరుగుతున్న రెండో టీ20 మ్యాచులో భారత స్పిన్నర్ వరుణ్ చక్రవర్తి సత్తా చాటారు. 4 ఓవర్లలో 17 పరుగులిచ్చి 5 వికెట్లు తీశారు. టీ20Iల్లో 5 వికెట్లు తీయడం ఆయనకిదే తొలిసారి. మొత్తంగా 11 మ్యాచుల్లో 15 వికెట్లు తీయడం గమనార్హం.
News November 11, 2024
భారీ భూకంపం.. వణికిన క్యూబా
క్యూబాలో భారీ భూకంపం సంభవించింది. బార్టోలోమోకు 40 కి.మీ దూరంలో 13 కి.మీ లోతున భూకంప కేంద్రాన్ని గుర్తించారు. రిక్టర్ స్కేలుపై 6.8 తీవ్రతతో భూమి కంపించినట్లు అధికారులు తెలిపారు. భూకంపం ధాటికి ఆ సమీపంలోని మంజనిల్లో, శాంటియాగో ప్రాంతాలు వణికిపోయాయి. సునామీ హెచ్చరికలేమీ జారీ చేయలేదు.
News November 11, 2024
రాత్రి ఆలస్యంగా నిద్రపోతే ఏమవుతుందో తెలుసా?
రాత్రి త్వరగా నిద్రించి ఉదయం త్వరగా నిద్రలేస్తే మంచిదని డాక్టర్లు చెబుతున్నారు. ఆలస్యంగా పడుకుంటే మెటబాలిజం తగ్గి బరువు పెరుగుతారు. డయాబెటిస్‌ బారిన పడతారు. రోగనిరోధక వ్యవస్థ తగ్గిపోయి తరచూ జలుబు, దగ్గు లాంటి సమస్యలు వస్తాయి. మెదడు పనితీరు మందగిస్తుంది. రోజంతా బద్దకంగా అనిపిస్తుంది. మహిళలకు హార్మోన్ల బ్యాలెన్స్ తప్పి పీరియడ్స్ సరిగ్గా రావని వైద్యులు హెచ్చరిస్తున్నారు.
News November 11, 2024
IPLలో ధోనీలాగే ఆండర్సన్ కూడా: డివిలియర్స్
IPL వేలానికి ఇంగ్లండ్ పేసర్ ఆండర్సన్ తన పేరు ఇచ్చిన సంగతి తెలిసిందే. ఆయన్ను చూస్తే 40 ఏళ్ల తర్వాత కూడా ఫిట్‌గా IPL ఆడుతున్న ధోనీ గుర్తొస్తున్నారని ఆర్సీబీ మాజీ బ్యాటర్ ఏబీ డివిలియర్స్ అన్నారు. ‘42 ఏళ్ల వయసులో ఆండర్సన్ ఒకప్పటిలా బౌలింగ్ చేయలేకపోవచ్చు. బేస్‌ ప్రైజ్‌కి మించి అమ్ముడుకాకపోవచ్చు. కానీ యువ ఆటగాళ్లకు అతడి అనుభవం ఓ వరం. నేనే జట్టు ఓనర్‌నైతే కచ్చితంగా ఆండర్సన్‌ను కొంటా’ అని పేర్కొన్నారు.
News November 10, 2024
మైనర్ బాలుడిని పెట్టి బెల్టు షాపు నడిపిస్తున్నారు: రోజా
AP: కాకినాడ(D) తొండంగి(M) ఆనూరులో మైనర్ బాలుడిని పెట్టి బెల్టు షాపు నడిపిస్తున్నారని మాజీ మంత్రి రోజా ఆరోపించారు. ఈ బెల్టు షాపు వైన్స్‌ను తలదన్నేలా ఉందన్నారు. ‘TDP మేధావి యనమల రామకృష్ణుడి సొంత మండలం, హోంమంత్రి అనిత పక్క నియోజకవర్గంలో ఈ షాపు ఉంది. బెల్టు షాపు కనిపిస్తే బెల్టు తీస్తానన్న CM CBN కోసమే దీనిని పోస్ట్ చేశా. మంచి ప్రభుత్వమంటే ఇదేనా పవన్ కళ్యాణ్? సిగ్గుచేటు’ అని Xలో వీడియో పోస్ట్ చేశారు.
News November 10, 2024
భవన నిర్మాణాల అనుమతికి త్వరలో కొత్త విధానం: మంత్రి
AP: రాష్ట్రంలో భవన నిర్మాణాల అనుమతికి త్వరలో కొత్త విధానాన్ని తీసుకురానున్నట్లు మంత్రి నారాయణ వెల్లడించారు. లైసెన్స్‌డ్ సర్వేయర్ లేదా ఇంజినీర్లు ప్లాన్ సమర్పిస్తే సరిపోతుందని పేర్కొన్నారు. నిర్మాణాలు ప్లాన్ ప్రకారమే ఉండాలని, లేదంటే క్రిమినల్ కేసులు పెడతామని హెచ్చరించారు. అన్ని అనుమతులు/ఫీజుల చెల్లింపు ఆన్‌లైన్‌లోనే జరుగుతుందన్నారు. DECలోపు కొత్త విధానానికి సంబంధించిన ప్రక్రియ పూర్తవుతుందన్నారు.
News November 10, 2024
సౌదీ అరేబియాలో మెట్రో లోకో పైలట్‌గా తెలుగు మహిళ
HYD మెట్రో రైలు లోకో పైలట్ ఇందిర(33) అరుదైన ఘనత అందుకోనున్నారు. వచ్చే ఏడాది సౌదీలోని రియాద్‌లో ప్రారంభమయ్యే ర్యాపిడ్ ట్రాన్సిట్ సిస్టమ్‌లో సేవలు అందించనున్నారు. రైళ్లను నడపడం, స్టేషన్ల ఆపరేటింగ్‌లో ఆమె నైపుణ్యాన్ని గుర్తించి మెట్రో ప్రాజెక్టుకు ఎంపిక చేసి ఐదేళ్ల పాటు శిక్షణ అందించారు. ఇప్పటికే ఆమె ట్రయల్ రైళ్లను నడుపుతున్నారు. తెలుగు బిడ్డగా ఈ ప్రాజెక్టులో భాగమవ్వడం గర్వంగా ఉందని ఇందిర చెప్పారు.
News November 10, 2024
సౌతాఫ్రికా టార్గెట్ 125
SAతో జరుగుతోన్న రెండో టీ20లో భారత బ్యాటర్లు తడబడ్డారు. 20 ఓవర్లలో 6 వికెట్లు కోల్పోయి 124 రన్స్ మాత్రమే చేసింది. ఓపెనర్లు శాంసన్ (0), అభిషేక్ శర్మ (4)తో పాటు సూర్య (4), రింకూ సింగ్ (9) ఫెయిల్ అయ్యారు. తిలక్ 20, అక్షర్ 27, హార్దిక్ 39* రన్స్ చేశారు.
Featured News
Sorry, no posts matched your criteria.