India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 15, 2024
ఈడీ విచారణలో ‘మంజుమ్మల్ బాయ్స్’ నిర్మాత
‘మంజుమ్మల్ బాయ్స్’ నిర్మాత, నటుడు సౌబిన్ షాహీర్‌ను ఈడీ ప్రశ్నిస్తోంది. మనీలాండరింగ్ కేసులో ఆయనను ఈడీ విచారిస్తోంది. దీని గురించి మరిన్ని వివరాలు తెలియాల్సి ఉంది. కాగా మంజుమ్మల్ బాయ్స్ సినిమా రూ.20 కోట్లతో రూపొందించగా రూ.250 కోట్లకుపైగా కలెక్షన్లు రాబట్టింది. 2006లో 10 మంది స్నేహితులు గుణ కేవ్స్ సందర్శనకు వెళ్తారు. అక్కడ సుభాష్ అనే వ్యక్తి లోయలో పడిపోతాడు. అతడిని ఎలా కాపాడారనేది సినిమా కథ.
News June 15, 2024
స్పామ్ కాల్స్ కట్టడికి ట్రాయ్ చర్యలు
స్పామ్ కాల్స్‌ను అదుపు చేసేందుకు ట్రాన్సాక్షన్, సర్వీస్ వాయిస్ కాల్స్‌కు ‘160 సిరీస్’ను కేటాయిస్తున్నట్లు TRAI ప్రకటించింది. దీంతో కాలర్లను గుర్తించడం యూజర్లకు సులువు అవుతుందని తెలిపింది. RBI, SEBI, IRDAI, PFRDA పరిధిలోని సంస్థలకు తొలుత ట్రాయ్ ఈ సిరీస్ కేటాయించింది. డిజిటల్ కన్సెంట్ మెకానిజమ్స్ (యూజర్ల అనుమతి ఉంటేనే యాడ్ కాల్స్/SMS వెళ్లే విధానం)పై క్షేత్రస్థాయిలో మార్పులు చేసేందుకు సిద్ధమైంది.
News June 15, 2024
వారికే రైతు భరోసా: మంత్రి
TG: బీఆర్ఎస్ హయాంలో పంటలు సాగు చేయని వారికీ రైతు బంధు ఇచ్చారని మంత్రి తుమ్మల నాగేశ్వరరావు విమర్శించారు. దీనివల్ల పథకం దుర్వినియోగమైందనే భావన ప్రజల్లో ఉందని తెలిపారు. అందుకే సాగు చేసే వారికే రైతు భరోసా ఇవ్వాలని తమ ప్రభుత్వం యోచిస్తోందన్నారు. దీనిపై త్వరలోనే నిర్ణయం తీసుకుంటామని చెప్పారు. పంటల బీమా పథకాన్ని కూడా అర్హులకే వర్తించేలా చర్యలు తీసుకుంటామని పేర్కొన్నారు.
News June 15, 2024
కార్ల కొనుగోళ్లలో తగ్గిన జోరు?.. చిక్కుల్లో డీలర్స్! – 1/2
ఎస్‌యూవీలకు డిమాండ్ పెరుగుతున్న వేళ చిన్న కార్లు సహా పలు మోడల్స్ విక్రయాలు స్లో అవడంపై డీలర్లు ఆందోళన చెందుతున్నట్లు తెలుస్తోంది. వివిధ కార్ల బ్రాండ్లకు చెందిన 4.5లక్షల యూనిట్లు డీలర్ల వద్దే ఉండిపోయాయట. వీటి విలువ దాదాపు రూ.54వేల కోట్లు ఉంటుందని అంచనా. ముఖ్యంగా మారుతీ, హ్యుందాయ్ డీలర్లకు ఈ పరిస్థితి తీవ్రంగా ఉంది. ఇక తయారీ ప్లాంట్లలోనూ రూ.20వేలకోట్ల విలువైన స్టాక్ ఉండిపోయినట్లు సమాచారం.
News June 15, 2024
డిస్కౌంట్స్ ఇస్తున్నప్పటికీ..! – 2/2
డీలర్లకు స్టాక్ ఇవ్వడం వరకే సంస్థలు ప్రాధాన్యం ఇవ్వడం, కొనుగోలుదారుల ఛాయిస్ మారడం సేల్స్ నెమ్మదించడానికి ప్రధాన కారణాలుగా తెలుస్తోంది. దీంతో డీలర్లు డిస్కౌంట్లు ఇవ్వాల్సి వస్తోంది. అత్యధికంగా హ్యుందాయ్‌‌లో కోనా ఎలక్ట్రిక్‌కు రూ.3లక్షలు, జిమ్నీకి రూ.50వేలు, టాటాలో నెక్సాన్ పెట్రోల్ 2023 మోడల్‌కు రూ.55వేల డిస్కౌంట్ ఉంటోంది. 20 రోజుల్లో సేల్ అయ్యే స్టాక్‌కు 50 రోజులు పడుతోందని డీలర్లు వాపోతున్నారు.
News June 15, 2024
సునీత కేజ్రీవాల్‌కు ఢిల్లీ హైకోర్టు నోటీసులు
ఢిల్లీ సీఎం అరవింద్ కేజ్రీవాల్ భార్య సునీత కేజ్రీవాల్‌కు ఢిల్లీ హైకోర్టు నోటీసులు జారీ చేసింది. కేజ్రీవాల్ రౌస్ అవెన్యూ కోర్టులో మాట్లాడుతున్న ఓ వీడియోను ఆమె సోషల్ మీడియాలో షేర్ చేయడంతో కోర్టు నోటీసులు పంపింది. ఆ వీడియోను సోషల్ మీడియా నుంచి తొలగించాలని ఆదేశించింది. ఆ వీడియోలను తొలగించాలని సోషల్ మీడియా ప్లాట్‌ఫామ్స్‌ను, మరో ఐదుగురికి కూడా ఆదేశాలు జారీ చేసింది.
News June 15, 2024
తెలంగాణ జిల్లాలకు కొత్త కలెక్టర్లు
★ కామారెడ్డి: ఆశిశ్‌ సంఘ్‌వాన్‌
★ హనుమకొండ: ప్రావిణ్య
★ మంచిర్యాల: కుమార్ దీపక్
★ వికారాబాద్‌: ప్రదీప్ జైన్
★ నల్గొండ: నారాయణరెడ్డి
★ వనపర్తి: ఆదర్శ్‌ సురభి
★ సూర్యాపేట: తేజశ్ నందలాల్ పవార్ ★ వరంగల్: సత్య శారదాదేవి
★ ములుగు: టీఎస్ దివాకర ★ నిర్మల్: అభిలాశ్ అభినవ్
News June 15, 2024
తెలంగాణలో 20 మంది ఐఏఎస్‌ల బదిలీ
TG: రాష్ట్ర ప్రభుత్వం భారీగా ఐఏఎస్‌ల బదిలీలను చేపట్టింది. 20 మంది అధికారులకు స్థానచలనం కలిగిస్తూ సీఎస్ శాంతికుమారి ఉత్తర్వులు జారీ చేశారు. పెద్దపల్లి కలెక్టర్‌గా కోయ శ్రీహర్ష, నాగర్ కర్నూల్ కలెక్టర్‌గా బదావత్‌ సంతోశ్, సిరిసిల్ల కలెక్టర్‌గా సందీప్ కుమార్ ఝా, కరీంనగర్ కలెక్టర్‌గా అనురాగ్ జయంతి, నారాయణపేట కలెక్టర్‌గా సిక్తా పట్నాయక్, భద్రాద్రి కలెక్టర్‌గా జితేశ్ వి పాటిల్ నియమితులయ్యారు.
News June 15, 2024
పవన విద్యుత్ ఉత్పత్తిపై సింగరేణి ఫోకస్
TG: పవన విద్యుత్‌ను ఉత్పత్తి చేయాలని సింగరేణి సంస్థ నిర్ణయించింది. ఇందుకోసం సంస్థ పరిధిలోని ఉపరితల గనుల మట్టిదిబ్బలు, కొండలు, గుట్టలపై గాలిమరలు ఏర్పాటు చేయనుంది. దేశంలో వివిధ ప్రాంతాల్లో ఉన్న ఇలాంటి ప్లాంట్లపై అధ్యయనం చేస్తోంది. గాలిమరల ఏర్పాటుకు అనువైన ప్రాంతాలేవి? వాటిని ఏ దిశలో అమర్చాలి? వాటితో ఎంత విద్యుత్ ఉత్పత్తి చేయవచ్చు? వంటి అంశాలపై మెస్సర్స్ పీఈసీ(ఢిల్లీ) సంస్థతో రీసెర్చ్ చేయిస్తోంది.
News June 15, 2024
కమిషన్ ఛైర్మన్‌గా నరసింహారెడ్డి తప్పుకోవాలి: KCR
TG: విద్యుత్ కొనుగోళ్లపై ఏర్పాటు చేసిన జస్టిస్ నరసింహారెడ్డి కమిషన్ విచారణలో ఏమాత్రం నిష్పాక్షికత కనిపించట్లేదని మాజీ CM KCR అన్నారు. ‘విచారణ అనేది పవిత్రమైన బాధ్యత. కానీ కమిషన్ ఛైర్మన్ గత ప్రభుత్వానికి వ్యతిరేకంగా రిపోర్ట్ ఇవ్వాలని మాట్లాడుతున్నట్లుంది. అందుకే నేను మీ ముందు హాజరై ఏం చెప్పినా ప్రయోజనం ఉండదు’ అని లేఖలో పేర్కొన్నారు. కమిషన్ ఛైర్మన్‌గా నరసింహారెడ్డి తప్పుకోవాలని KCR సూచించారు.
Featured News
Sorry, no posts matched your criteria.