India's largestHyperlocal short
news App
Get daily news updates that are tailored for you based on your preferred language & location.
ముంబై ఇండియన్స్ స్టార్ ప్లేయర్ రోహిత్ శర్మ.. మయాంక్ అగర్వాల్ను ఆటపట్టించారు. ఉప్పల్ స్టేడియంలో ప్రాక్టీస్ సందర్భంగా మయాంక్కు ఫ్లయింగ్ కిస్ ఇచ్చారు. ఇటీవల కోల్కతాతో మ్యాచ్లో మయాంక్ అగర్వాల్ను ఔట్ చేసిన అనంతరం బౌలర్ హర్షిత్ రానా.. మయాంక్ దగ్గరకు వెళ్లి ఫ్లయింగ్ కిస్ ఇచ్చిన విషయం తెలిసిందే. రోహిత్.. ఆ ఘటనను గుర్తు చేస్తూ ఇమిటేట్ చేశారు.
గుజరాత్ టైటాన్స్తో మ్యాచ్లో చెన్నై సూపర్ కింగ్స్ బ్యాటర్లు అదరగొట్టారు. ధోనీకి బ్యాటింగ్ చేసే అవకాశం రాలేదు. అయితే.. ధోనీ ఈ మ్యాచ్లో బౌలింగ్ చేస్తారా? అనేది ఆసక్తికరంగా మారింది. ఎందుకంటే.. మ్యాచ్కి ముందు ధోనీ లెగ్స్పిన్ ప్రాక్టీస్ చేశారు. ఆ ఫొటోను IPL ట్విటర్లో షేర్ చేస్తూ CSK బౌలింగ్ లైనప్లో మరో బౌలర్ చేరతారా? అని రాసుకొచ్చింది. ధోనీ గతంలో ఓ వన్డేలో బౌలింగ్ వేసి ఒక వికెట్ తీశారు.
AP: ఎన్నికలు సమీపిస్తున్న వేళ సీఈవో ముకేశ్ కుమార్ మీనా కీలక సూచనలు చేశారు. ఇంటింటి ప్రచారం, సభలు, ర్యాలీలు చేపట్టేందుకు అనుమతి తీసుకోవాల్సిందేనని స్పష్టం చేశారు. సభలు, సమావేశాలు, ఎన్నికల ప్రచార కార్యక్రమాల అనుమతులకు రాజకీయ పార్టీలు 48గంటల ముందే సువిధ పోర్టల్ ద్వారా సంబంధిత రిటర్నింగ్ అధికారికి దరఖాస్తు చేసుకోవాలన్నారు. అప్లై చేసిన 24గంటల్లో అనుమతులు జారీ అవుతాయన్నారు.
చెన్నై సూపర్ కింగ్స్, గుజరాత్ టైటాన్స్ మ్యాచ్లో డైరెక్టర్ బాబీ, సంగీత దర్శకుడు తమన్ సందడి చేశారు. చెన్నైలోని చిదంబరం స్టేడియానికి వెళ్లిన వారు మ్యాచ్ను తిలకించారు. ‘స్టేడియంలో నేను చూస్తున్న మొదటి మ్యాచ్ ఇదే. నా అభిమాన క్రికెటర్ మహేంద్ర సింగ్ ధోనీని చూడటానికి వెయిటింగ్’ అని బాబీ ట్వీట్ చేశారు.
గుజరాత్తో మ్యాచ్లో చెన్నై అదరగొట్టింది. GT ముందు 206 పరుగుల భారీ లక్ష్యాన్ని ఉంచింది. CSK ఓపెనర్లు రుతురాజ్, రచిన్ చెరో 46 పరుగులతో చెలరేగి జట్టుకు శుభారంభాన్ని ఇచ్చారు. తర్వాత వచ్చిన రహానే 12 పరుగులకే ఔట్ అయ్యి నిరాశపరిచినా దూబే ధనాధన్ బ్యాటింగ్తో అలరించారు. 23 బంతుల్లోనే 51 పరుగులు చేశారు. దీంతో చెన్నై 20 ఓవర్లలో 206 రన్స్ చేసింది. CSK బ్యాటర్ల హిట్టింగ్ ముందు GT బౌలర్లు తేలిపోయారు.
సాధారణ వేగంతో రోజుకు 3600 అడుగులు వేయడం వల్ల గుండె ఆగిపోయే ప్రమాదం 26శాతం తక్కువగా ఉంటుందని ఓ అధ్యయనంలో తేలింది. బఫెలో విశ్వవిద్యాలయం శాస్త్రవేత్తలు 63 నుంచి 99 ఏళ్ల మధ్య వయసు గల 6వేల మంది అమెరికన్ మహిళలపై అధ్యయనం చేశారు. ఏడున్నర ఏళ్ల పాటు అధ్యయనంలో భాగంగా నడిచిన 407 మంది హార్ట్ పేషంట్స్లో గుండె ఆగిపోయే ప్రమాదం తక్కువగా ఉందని తెలిసింది.
TG: రాష్ట్రంలో తాగునీటి సరఫరాపై ప్రజలు ఆందోళన చెందవద్దని సీఎస్ శాంతికుమారి స్పష్టం చేశారు. తాగునీటి సరఫరాపై కలెక్టర్లతో సమీక్షించిన ఆమె.. ‘3 ప్రధాన జలాశయాల్లో నీటి లభ్యత ఉంది. సమ్మర్ యాక్షన్ ప్లాన్ కోసం నిధులు విడుదల చేశాం. బోరు బావుల ఫ్లషింగ్, పైపుల మరమ్మతులు పూర్తయ్యాయి. SRSP, ఎల్లంపల్లి, సాగర్లో నీటి నిల్వలున్నాయి. ఏప్రిల్ 2వ వారంలో జలాశయాల నుంచి ఎమర్జెన్సీ పంపింగ్ నిర్వహిస్తాం’ అని తెలిపారు.
అమెరికాలోని బాల్టిమోర్లో ఓడ ఢీకొన్న ఘటనలో ఫ్రాన్సిస్ స్కాట్ కీ బ్రిడ్జి కుప్పకూలిన విషయం తెలిసిందే. కాగా ఈ ఓడలోని సిబ్బంది అంతా భారతీయులేనని గుర్తించారు. మొత్తం 22 మంది ఉన్నట్లు యూఎస్ పోలీసులు నిర్ధారించారు. సింగపూర్ ఫ్లాగ్ ఉన్న ఆ నౌక బాల్టిమోర్ నుంచి కొలంబోకు వెళ్తుండగా ఈ ఘటన జరిగింది. కాగా బ్రిడ్జి ఘటనపై అమెరికా పలు అనుమానాలు వ్యక్తం చేస్తోంది. ఇది ఉగ్రదాడిగా సందేహం వ్యక్తం చేస్తోంది.
మనీ లాండరింగ్ను ఉద్దేశిస్తూ ఎన్ఫోర్స్మెంట్ డైరెక్టరేట్ ట్విటర్లో వాషింగ్ మెషీన్ ఫొటోను షేర్ చేసింది. ఢిల్లీ, హైదరాబాద్, ముంబై, కురుక్షేత్ర, కోల్కతాలోని పలు కంపెనీల్లో సోదాలు నిర్వహించినట్లు వెల్లడించింది. ఈ సోదాల్లో కీలక పత్రాలు, డిజిటల్ పరికరాలు, రూ.2.54 కోట్లు లభ్యమైనట్టు తెలిపింది. వాటిని సీజ్ చేసి, 47 బ్యాంకు ఖాతాలను ఫ్రీజ్ చేసినట్లు పేర్కొంది.
తమిళంలో హిట్గా నిలిచిన ‘లవర్’ సినిమా OTT స్ట్రీమింగ్ డేట్ ఖరారైంది. జై భీమ్, గుడ్నైట్ సినిమాలతో మంచి గుర్తింపు తెచ్చుకున్న కె.మణికందన్ ఈ సినిమాలో నటించగా.. డిస్నీ+హాట్స్టార్లో ఈ సినిమా ఇవాళ అర్ధరాత్రి(మార్చి 27) నుంచి స్ట్రీమింగ్ కానుంది. తెలుగుతో పాటు కన్నడ, మలయాళం, హిందీ భాషల్లో అందుబాటులోకి రానుంది. తెలుగులో ఫిబ్రవరి 10న విడుదలైన ఈ మూవీ మంచి విజయాన్ని అందుకుంది.
Sorry, no posts matched your criteria.