India's largestHyperlocal short
news App
Get daily news updates that are tailored for you based on your preferred language & location.
download Way2News app now
News September 21, 2024
జానీ మాస్టర్ భార్య అరెస్ట్‌కు రంగం సిద్ధం?
TG: అత్యాచార ఆరోపణలతో అరెస్టై చంచల్‌గూడ జైల్లో ఉన్న జానీ మాస్టర్ కేసులో మరో ట్విస్ట్ చోటు చేసుకోనున్నట్లు తెలుస్తోంది. ఇదే కేసులో ఆయన భార్య ఆయేషాను పోలీసులు అరెస్ట్ చేసేందుకు సిద్ధమైనట్లు సమాచారం. బాధితురాలి ఇంటికి వెళ్లి ఆమెపై దాడి చేసేందుకు యత్నించారన్న ఆరోపణలతో ఆమెపై పోలీసులు కేసు నమోదు చేయనున్నట్లు తెలుస్తోంది. ఇప్పటికే ఆ యువతిని ఆయేషా బెదిరించినట్లు రిమాండ్ రిపోర్టులో పోలీసులు పేర్కొన్నారు.
News September 21, 2024
దేశాన్ని విడ‌దీయ‌డానికి రాహుల్ వెనుకాడ‌రు: కంగన
రాహుల్ గాంధీ అధికారం కోసం దేశాన్ని విడ‌దీయ‌డానికి వెనుకాడ‌బోర‌ని BJP MP కంగ‌నా ర‌నౌత్ విమ‌ర్శించారు. రాహుల్ విదేశాల్లో భార‌త్ గురించి ఎలాంటి విష‌యాలు మాట్లాడుతార‌న్న‌ది అంద‌రికీ తెలిసిన విష‌య‌మే అన్నారు. ‘కొంత మంది ప్రజల్ని వాడుకుంటున్నారు. కొన్ని వ‌ర్గాల్ని రెచ్చ‌గొడుతున్నారు. దేశంపై రాహుల్‌కు ఉన్న భావ‌న‌లు తెలిసిందే. అధికారం కోసం ఆయన దేశాన్ని విడ‌దీయ‌డానికి వెనుకాడ‌రు’ అని కంగన విమ‌ర్శించారు.
News September 21, 2024
దేవుడికీ కల్తీ బాధ తప్పలేదు!
కల్తీ.. కల్తీ.. కల్తీ.. ఎక్కడ చూసినా, ఏది తిన్నా కల్తీనే. ముఖ్యంగా వంటనూనెల్లో ఈ సమస్య ఎక్కువగా కనిపిస్తోంది. జంతువుల ఎముకలను బాగా వేడి చేసి అందులో నుంచి నూనె తీసి అమ్ముతున్నారు. రేటు తక్కువ అని కొంటే ఆస్పత్రి పాలవ్వడం ఖాయం. తిరుమల శ్రీవేంకటేశ్వరస్వామికి కూడా ఈ కల్తీ బాధ తప్పలేదు. డబ్బు ఆశ, పెరుగుతున్న జనాభాకు సరిపడా వనరులు లేకపోవడమూ కల్తీకి ఓ కారణమని నిపుణుల అభిప్రాయం. దీనిపై మీ కామెంట్.
News September 21, 2024
నెయ్యి కల్తీ అయిందా? ఇంట్లోనే ఇలా తెలుసుకోండి..
☛ స్వచ్ఛమైన నెయ్యి గోల్డ్ కలర్‌లో, మృదువుగా, సువాసనతో, రుచికరంగా ఉంటుంది.
☛ గ్లాస్ వేడి నీటిలో కొద్దిగా నెయ్యి వేయండి. పూర్తిగా కరిగిపోతే అది ప్యూర్ అని, వాటర్‌లో ఏమైనా అవశేషాలు కనిపిస్తే అది కల్తీ అని అర్థం.
☛ ప్యూర్ నెయ్యి వేడి చేస్తే వెంటనే కరిగిపోతుంది. పొగ, కాలిన వాసన ఎక్కువగా రాదు.
☛ ఫ్రిడ్జ్‌లో కొన్ని గంటలపాటు ఉంచితే నెయ్యంతా ఒక్కటిగా గడ్డకడుతుంది. అలా జరగలేదంటే అది ప్యూర్ కాదు.
News September 21, 2024
విష్ణు ట్వీట్‌కు స్పందించిన ప్రకాశ్ రాజ్
మంచు విష్ణు తనకిచ్చిన కౌంటర్‌పై ప్రకాశ్ రాజ్ స్పందించారు. విష్ణు కన్నప్ప సినిమా టీజర్‌లోని ఆఖరి డైలాగ్‌ను హేళన చేస్తూ ట్వీట్ చేశారు. ‘ఓకే శివయ్యా.. నాకు నా దృక్కోణం ఉంటే మీకు మీ ఆలోచన ఉంటుంది. నోటెడ్’ అని ట్వీట్ చేశారు. దానికి జస్ట్ ఆస్కింగ్ అని హాష్ ట్యాగ్ ఇచ్చారు. విష్ణు, ప్రకాశ్ ఇద్దరూ మా అధ్యక్ష ఎన్నికల్లో ప్రత్యర్థులుగా తలపడిన సంగతి తెలిసిందే.
News September 21, 2024
ఇంటెల్ కంపెనీని కొంటున్న క్వాల్‌కామ్!
ఇంటెల్‌ను టేకోవర్ చేయాలని క్వాల్‌కామ్ భావిస్తోందని తెలిసింది. ఇప్పటికే దాన్ని సంప్రదించినట్టు వాల్‌స్ట్రీట్ జర్నల్ పేర్కొంది. నియంత్రణ సంస్థల ఆమోదం లభించి ఈ డీల్ పూర్తవ్వడానికి చాలా కాలమే పట్టొచ్చని అంచనా. ఆండ్రాయిడ్ ఫోన్లలో వాడే స్నాప్‌డ్రాగన్ ప్రాసెసర్లను ఉత్పత్తి చేసే క్వాల్‌కామ్ ఈ మధ్యే పీసీ ప్రాసెసర్ల రంగంలోకి ఎంటరైంది. ఇక $1.6 బిలియన్ల లాస్‌లో ఉన్న ఇంటెల్ షేర్లు 2024లో 60% క్రాష్ అయ్యాయి.
News September 21, 2024
ఈ 7 అలవాట్లతో పిల్లల ఆరోగ్యానికి ముప్పు
కొన్ని అలవాట్లు పిల్లల ఆరోగ్యాన్ని దెబ్బతీస్తాయి. అవి 1.గోర్లు కొరకడం. దీని వల్ల బ్యాక్టీరియా కడుపులోకి వెళుతుంది. 2.తినేటప్పుడు TV/ఫోన్ చూడటం. 3.ఎక్కువగా హెడ్‌ఫోన్స్ వాడటం. 4.నిద్రపోయే ముందు ఫోన్ చూడటం. 5.బెడ్‌పై పడుకొని తినడం. ఇలా తింటే జీర్ణక్రియ సరిగా జరగదు. 6.పళ్లు కొరకడం. దీని వల్ల సెన్సిటివిటీ, దవడ నొప్పి వస్తుంది. 7.పికీ ఈటింగ్‌. దీని వల్ల పోషకాలున్న ఆహారాన్ని కోల్పోయే ప్రమాదం ఉంది.
News September 21, 2024
ప్రకాశ్ రాజ్‌కు మంచు విష్ణు కౌంటర్!
లడ్డూ విషయంలో ఏపీ డిప్యూటీ <<14151603>>సీఎం పవన్ కళ్యాణ్‌‌పై ప్రకాశ్ రాజ్ విమర్శలు <<>>చేసిన సంగతి తెలిసిందే. ఆయనకు ‘మా’ అధ్యక్షుడు మంచు విష్ణు కౌంటర్ ఇచ్చారు. ‘ప్రకాశ్ రాజ్ గారూ. తిరుమల లడ్డూ అంటే కేవలం ప్రసాదం కాదు. నాలాంటి కోట్లాదిమంది హిందువులకు ఓ నమ్మకం. దర్యాప్తు జరగాలంటూ పవన్ కళ్యాణ్ కరెక్ట్‌గా మాట్లాడారు. మతకల్లోలాల రంగు ఎవరు ఎక్కడ పులుముతున్నారో మీరు ఒకసారి ఆలోచించుకుంటే మంచిదేమో’ అని సూచించారు.
News September 21, 2024
భారీగా పెరిగిన బంగారం ధరలు
హైదరాబాద్ మార్కెట్లో ఇవాళ బంగారం ధరలు భారీగా పెరిగాయి. 10 గ్రాముల 24 క్యారెట్ల గోల్డ్ రేటు రూ.820 పెరిగి రూ.75,930కి చేరింది. 10 గ్రా. 22 క్యారెట్ల పసిడి రూ.750 పెరిగి రూ.69,600 పలుకుతోంది. మరోవైపు కేజీ వెండి ధర రూ.500 పెరిగి ప్రస్తుతం రూ.98,000కి చేరింది.
News September 21, 2024
సీఎం చంద్రబాబుకు కృతజ్ఞతలు: జూ.ఎన్టీఆర్
ఏపీ సీఎం చంద్రబాబు, డిప్యూటీ సీఎం పవన్ కళ్యాణ్, మంత్రి కందుల దుర్గేశ్‌కు సినీ హీరో Jr.NTR కృతజ్ఞతలు తెలిపారు. ‘దేవర’ సినిమా టికెట్ల ధర పెంపునకు అనుమతినిస్తూ జీవో జారీ చేసినందుకు ధన్యవాదాలు తెలిపారు. తెలుగు సినిమాకు మద్దతిస్తున్నందుకు కృతజ్ఞతలు అంటూ ట్వీట్ చేశారు.
Featured News
Sorry, no posts matched your criteria.