News December 13, 2024

కేటీఆర్‌పై కేసుకు గవర్నర్ గ్రీన్‌సిగ్నల్?

TG: ఈ-ఫార్ములా రేసు వ్యవహారంలో కీలక పరిణామం చోటు చేసుకుంది. KTRపై కేసు నమోదు చేసేందుకు గవర్నర్ ఆమోదం తెలిపినట్లు సమాచారం. రేసుకు ముందే నిర్వహణ సంస్థకు నిబంధనలకు విరుద్ధంగా విదేశీ కరెన్సీ ఇవ్వడంపై ప్రభుత్వం <<14595374>>విచారణ<<>> చేపట్టిన విషయం తెలిసిందే. దీంతో ప్రజాప్రతినిధి అయిన KTRపై చట్టపరమైన చర్యల కోసం గవర్నర్ అనుమతి కోరింది. ఈ అంశంపై న్యాయసలహా తీసుకున్న గవర్నర్ గ్రీన్‌సిగ్నల్ ఇచ్చినట్లు తెలుస్తోంది.

News December 13, 2024

హైదరాబాద్‌లో న్యూ‌ఇయర్ వేడుకలపై ఆంక్షలు

TG: హైదరాబాద్‌లో న్యూఇయర్ వేళ శాంతి భద్రతలకు విఘాతం కలగకుండా ఉండేందుకు పోలీసులు చర్యలు తీసుకుంటున్నారు. అర్ధరాత్రి 1గంట వరకే ఈవెంట్స్ నిర్వహించాలని, సీసీ కెమెరాలు తప్పనిసరి అని నిర్వహకులకు సూచించారు. 15 రోజుల ముందే కచ్చితంగా అనుమతి తీసుకోవాలన్నారు. వేడుకల్లో అశ్లీల నృత్యాలపై నిషేధం విధించారు. తాగి వాహనం నడిపితే రూ.10వేల ఫైన్, 6 నెలలు జైలుశిక్ష విధిస్తామని హైదరాబాద్ సీపీ సీవీ ఆనంద్ హెచ్చరించారు.

News December 13, 2024

‘గుకేశ్‌పై లిరెన్ ఉద్దేశపూర్వకంగానే ఓడిపోయారు’

వరల్డ్ చెస్ ఛాంపియన్‌షిప్‌లో చైనా ప్లేయర్ డింగ్ లిరెన్ ఉద్దేశపూర్వకంగా ఓడినట్లు రష్యా చెస్ ఫెడరేషన్ ప్రెసిడెంట్ ఆండ్రీ ఫిలాటోవ్ ఆరోపించారు. దీనిపై అంతర్జాతీయ చెస్ ఫెడరేషన్(FIDE) విచారణ జరపాలన్నారు. కీలక సెగ్మెంట్లో లిరెన్ పావుల కదిపిన తీరు అనుమానాస్పదంగా ఉందని చెప్పారు. ఫస్ట్ క్లాస్ ప్లేయర్‌తో ఓడిపోవడం పలు అనుమానాలకు తావిస్తోందని చెప్పారు. 18ఏళ్ల గుకేశ్ వరల్డ్ ఛాంపియన్‌గా నిలిచిన విషయం తెలిసిందే.

News December 13, 2024

నేడు రాష్ట్ర వ్యాప్తంగా YCP పోరుబాట

AP: మద్దతు ధర లేక అల్లాడుతున్న అన్నదాతలకు అండగా నేడు రాష్ట్ర వ్యాప్తంగా పోరుబాటకు సిద్ధమైనట్లు YCP ప్రకటించింది. రైతులతో కలిసి తమ నాయకులు కలెక్టరేట్లకు ర్యాలీగా వెళ్లి వినతిపత్రాలు అందజేస్తారని తెలిపింది. రైతుల గోడు ప్రభుత్వానికి తెలిసేలా నిరసన చేపట్టనున్నట్లు వివరించింది. ధాన్యం కొనుగోలు, రూ.20వేలు పెట్టుబడి సాయం తదితర సమస్యలపై YCP పోరాడుతుందని మాజీ CM జగన్ ఇటీవల ప్రకటించిన విషయం తెలిసిందే.

News December 13, 2024

బాబోయ్.. ఇదేం చలి!

TG: రాష్ట్రంలోని పలు జిల్లాలను చలి వణికిస్తోంది. ఉమ్మడి ఆదిలాబాద్ జిల్లాలో క్రమంగా ఉష్ణోగ్రతలు పడిపోతుండటంతో ప్రజలు తీవ్ర ఇబ్బందులు పడుతున్నారు. గురువారం కనిష్ఠ ఉష్ణోగ్రత 7°C నమోదైంది. సాయంత్రం 6 గంటల నుంచి ఉదయం 9 వరకు చలి ప్రభావం ఉంటుండగా వృద్ధులు జాగ్రత్తలు తీసుకోవాలని వైద్యులు సూచిస్తున్నారు. చలికి తోడు పొగమంచు కారణంగా వాహనదారులు లైట్లు వేసుకొని నెమ్మదిగా వెళ్లాలని పోలీసులు చెబుతున్నారు.

News December 13, 2024

పెదవుల పగుళ్లను నివారించండిలా!

చలికాలంలో ప్రతి ఒక్కరినీ వేధించే సమస్య పెదవుల పగుళ్లు. రాత్రి పడుకునే ముందు పాలతో పెదవులను మర్దన చేసుకొని మార్నింగ్ లేవగానే కడిగేస్తే మంచి ఫలితం ఉంటుంది. అలాగే కొబ్బరి నూనె, ఆ నూనెతో తయారు చేసిన లిప్ బామ్స్ కూడా పగుళ్లను నివారిస్తాయి. తేనె కూడా పెదవుల ఆరోగ్యాన్ని కాపాడుతుంది. రాత్రి పూట రాసి ఉదయాన్నే కడిగితే పెదవులు మృదువుగా మారిపోతాయి. వీటితో పాటు తగినంత నీటిని తాగడం ముఖ్యం.

News December 13, 2024

పాకిస్థాన్ క్రికెట్ టెస్ట్ జట్టు కోచ్ రాజీనామా

పాక్ క్రికెట్ టెస్ట్ జట్టు కోచ్ గిలెస్పీ రాజీనామా చేశారని క్రిక్‌బజ్ తెలిపింది. కొద్ది‌గంటల్లో పాక్ జట్టు సౌతాఫ్రికాకు టెస్ట్ సిరీస్‌ కోసం వెళ్లాల్సి ఉండగా ఆయన పాక్ క్రికెట్ బోర్డ్(PCB)కి ఈ విషయం తెలియజేసినట్లు పేర్కొంది. ‘గిలెస్పీ రాజీనామా చేశారు’ అని PCB అధికార ప్రతినిధి ఒకరు చెప్పారని వివరించింది. దీంతో వన్డే జట్టు తాత్కాలిక కోచ్‌ ఆకిబ్ జావెద్‌నే టెస్టు జట్టుకూ తాత్కాలికంగా PCB నియమించింది.

News December 13, 2024

అల్లు అర్జున్‌కు ఏమైంది?

ఇటీవల పలు ఈవెంట్లలో చేసిన వ్యాఖ్యలతో అల్లు అర్జున్ వ్యవహారంపై కొత్త చర్చకు దారి తీస్తున్నాయి. మొన్న ఈవెంట్‌లో <<14819498>>తెలంగాణ CM పేరును<<>> ఆయన మరిచిపోయారని చర్చ జరిగిన సంగతి తెలిసిందే. తాజాగా ఢిల్లీ ఈవెంట్‌లోనూ సుకుమార్ పేరును <<14859353>>సుకుమార్ రెడ్డి<<>> అని సంబోధించారు. అయితే మరోసారి ఐకాన్ స్టార్ పొరబడ్డారని పలువురు పోస్టులు పెడుతున్నారు. దీంతో అల్లు అర్జున్‌కు ఏమైందని కామెంట్లు చేస్తున్నారు.

News December 13, 2024

అత్యధిక చెస్ టైటిళ్లు గెలిచిన దేశం ఏదంటే?

వరల్డ్ చెస్ ఛాంపియన్ షిప్‌ను అత్యధిక సార్లు గెలిచిన దేశంగా సోవియట్ యూనియన్(17) నిలిచింది. రెండో స్థానంలో రష్యా(6), ఇండియా (6), మూడో స్థానంలో నార్వే (5) ఉన్నాయి. USA, ఉక్రెయిన్, చైనా, ఉబ్జెకిస్థాన్, బల్గేరియా ఒక్కో టైటిల్ సాధించి తర్వాతి స్థానాల్లో ఉన్నాయి.

☛ 1991లో సోవియట్ యూనియన్ 15 దేశాలుగా విడిపోయింది.

News December 13, 2024

పలువురికి పదవులు కేటాయించిన YCP

AP: మాజీ మంత్రి అనిల్ కుమార్ యాదవ్‌ను పొలిటికల్ అడ్వైజరీ కమిటీ(PAC) మెంబర్‌గా YCP నియమించింది. ఆ పార్టీ అధ్యక్షుడు, మాజీ CM జగన్ ఆదేశాల మేరకు నియామకం జరిగింది. అటు, వినుకొండ నియోజకవర్గానికి చెందిన పఠాన్ సలేహా ఖాన్‌ను పల్నాడు జిల్లా మైనార్టీ విభాగ అధ్యక్షుడిగా నియమించింది. అలాగే, మైలవరం నియోజకవర్గానికి చెందిన పామర్తి శ్రీనివాసరావును NTR జిల్లా ఉపాధ్యక్షుడిగా నియమిస్తూ YCP ఉత్తర్వులు జారీ చేసింది.