India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 25, 2024
పిన్నెల్లిని ఇంకా ఎందుకు అరెస్ట్ చేయలేదు: జీవీ ఆంజనేయులు
AP: మాచర్ల YCP MLA పిన్నెల్లి రామకృష్ణారెడ్డిని ఇంకా ఎందుకు అరెస్ట్ చేయలేదని టీడీపీ నేత జీవీ ఆంజనేయులు ప్రశ్నించారు. సీఐని కొట్టి గాయపరిచినా అరెస్ట్ చేసేందుకు ఎందుకు భయపడుతున్నారని నిలదీశారు. ‘ఈవీఎం ధ్వంసం కేసులో మాత్రమే పిన్నెల్లికి హైకోర్టు రక్షణ కల్పించింది. ఆయనను అరెస్ట్ చేసేందుకు పోలీసులు భయపడుతున్నట్లు కనిపిస్తోంది. పోలీసులు కౌంటింగ్ రోజునైనా రక్షణ కల్పిస్తారా?’ అని ఆయన మండిపడ్డారు.
News May 25, 2024
నటాషాకి 70% ఆస్తిని ఇవ్వనున్న పాండ్య?
హార్దిక్ – నటాషా విడాకుల వార్తలు సోషల్ మీడియాను షేక్ చేస్తున్నాయి. తాజాగా పాండ్య తన ఆస్తిలోని 70శాతం వాటాను నటాషాకు ఇవ్వనున్నట్లు పుకార్లు వినిపిస్తున్నాయి. అయితే, విడాకుల వార్తలపై ఓ రెడ్డిట్ యూజర్ చేసిన పోస్ట్ వైరలవుతోంది. ‘భార్య పుట్టినరోజైన మార్చి 4న పాండ్య ఎలాంటి పోస్ట్ చేయలేదు. పాండ్యకు సపోర్ట్ చేసేందుకు ఆమె స్టేడియానికి రాలేదు. జట్టు గెలుపోటములపై ఒక్కసారీ స్పందించలేదు’ అని పోస్ట్ చేశారు.
News May 25, 2024
నీళ్లు, నిధులు, నియామకాలు పక్కదారి: ఈటల
TG: పదేళ్లు అధికారంలో ఉన్న బీఆర్ఎస్ యువతకు ఉద్యోగాలు కల్పించలేకపోయిందని బీజేపీ నేత ఈటల రాజేందర్ విమర్శించారు. మూడేళ్లుగా ఫీజు రీయింబర్స్‌మెంట్ చెల్లించడం లేదని ఆరోపించారు. ఇప్పుడు కాంగ్రెస్ డిక్లరేషన్లు, గ్యారంటీలు అమలు కావడం లేదని ఫైరయ్యారు. నీళ్లు, నిధులు, నియామకాలన్నీ పక్కదారి పట్టాయన్నారు. గ్రాడ్యుయేట్లను చిన్నచూపు చూసిన పార్టీలకు ఎమ్మెల్సీ ఉపఎన్నికలో బుద్ధి చెప్పాలని పిలుపునిచ్చారు.
News May 25, 2024
ఆ కెప్టెన్ల జాబితాలో చేరిన పాట్ కమిన్స్
ఐపీఎల్‌లో సన్‌రైజర్స్ హైదరాబాద్ కెప్టెన్ పాట్ కమిన్స్ అరుదైన ఘనత సాధించారు. కెప్టెన్‌గా ఉంటూ ఒక సీజన్‌లో అత్యధిక వికెట్లు తీసిన బౌలర్ల జాబితాలో చేరారు. ఈ సీజన్‌లో 17 వికెట్లు తీసి.. అనిల్ కుంబ్లే రికార్డును(ఆర్సీబీ, 2010) సమం చేశారు. 19 వికెట్లతో ఈ లిస్టులో షేన్ వార్న్(RR, 2008) అగ్ర స్థానంలో కొనసాగుతున్నారు. 15 వికెట్లతో అశ్విన్(PBKS, 2019) మూడో స్థానంలో ఉన్నారు.
News May 25, 2024
ట్రోల్స్ చూసి బాధేసేది: మంచు లక్ష్మీ
తనను కొందరు ట్రోల్స్ చేయడం చూసి బాధేసేదని నటి మంచు లక్ష్మీ ప్రసన్న తెలిపారు. తాను నటించిన ‘యక్షిణి’ ట్రైలర్ లాంచ్ ఈవెంట్‌లో ఆమె మాట్లాడారు. ‘నాది మొదటి నుంచి ముక్కుసూటిగా మాట్లాడేతత్వం. అది కొందరికి నచ్చుతుంది.. కొందరికి నచ్చదు. నచ్చని వారిలో కొందరు ట్రోల్స్ చేస్తారు. చాలా మంది నన్ను అభిమానిస్తారు. నా కెరీర్, నా కుమార్తె భవిష్యత్ కోసం ముంబైలో ఉంటున్నా’ అని ఆమె పేర్కొన్నారు.
News May 25, 2024
‘పుణే’ ప్రమాద నిందితుడి తాత అరెస్టు
పుణేలో సంచలనం రేపిన లగ్జరీ కారు ప్రమాద ఘటనలో నిందితుడి తాత సురేంద్ర అగర్వాల్‌ను పోలీసులు అరెస్టు చేశారు. ఇప్పటికే నిందితుడి తండ్రిని కూడా అదుపులోకి తీసుకున్న సంగతి తెలిసిందే. మనవడి బదులు నేరాన్ని అంగీకరించమని డ్రైవర్‌ను సురేంద్ర బలవంతం చేసినందుకే అరెస్టు చేసినట్లు పోలీసులు వెల్లడించారు. 17 ఏళ్ల ఆయన మనవడి నిర్లక్ష్యపూరిత డ్రైవింగ్ కారణంగా మే 19న ఇద్దరు మృతిచెందారు.
News May 25, 2024
అమ్మానాన్నలకు గుడి.. నిత్య పూజలు
TG: కన్నవాళ్లకు అన్నం పెట్టని బిడ్డలను చూస్తున్న ఈరోజుల్లో తల్లిదండ్రులకు గుడికట్టి ముగ్గురు కుమారులు నిత్యం పూజలు చేస్తున్నారు. సిద్దిపేట(D) అక్కన్నపేటకు చెందిన గొట్టె కనకయ్య, కొమురవ్వ దంపతులకు సదయ్య, మహేందర్, చిరంజీవి సంతానం. 4 ఏళ్ల క్రితం తల్లి, గతేడాది తండ్రి మృతి చెందగా.. నిత్యం తమ కళ్ల ముందే ఉండేలా పొలంలో గుడి నిర్మించి, విగ్రహాలను ప్రతిష్ఠించారు. నిన్న తండ్రి ప్రథమ వర్ధంతి నిర్వహించారు.
News May 25, 2024
వారంలో అద్దె చెల్లించకుంటే మళ్లీ స్వాధీనం: TGSRTC
TG: నిజామాబాద్ జిల్లా ఆర్మూర్‌లోని జీవన్‌రెడ్డి మాల్ వారంలోగా తమకు బకాయిలు చెల్లించకపోతే మళ్లీ స్వాధీనం చేసుకుంటామని TGSRTC MD సజ్జనార్ తెలిపారు. ‘హైకోర్టు ఆదేశాల ప్రకారం భవిష్యత్తులో అద్దె సకాలంలో చెల్లించకుంటే ముందస్తు నోటీసులు లేకుండా స్వాధీనం చేసుకోవచ్చు. మాల్‌లోని సబ్ లీజ్ దారుల ప్రయోజనం దృష్ట్యా ఓపెన్ చేయాలని హైకోర్టు ఆదేశించడంతో నిన్న మాల్ తెరిచేందుకు అనుమతి ఇచ్చాం’ అని Xలో పేర్కొన్నారు.
News May 25, 2024
IPL: రాజస్థాన్ ఆటగాడికి జరిమానా
రాజస్థాన్ రాయల్స్ ఆటగాడు షిమ్రాన్ హెట్‌మెయర్‌కు బీసీసీఐ ఫైన్ విధించింది. హైదరాబాద్‌తో జరిగిన క్వాలిఫయర్ మ్యాచ్‌లో ఐపీఎల్ నిబంధనలు ఉల్లంఘించడంతో మ్యాచ్ ఫీజులో 10 శాతం కోత విధించింది. కాగా అభిషేక్ శర్మ బౌలింగ్‌లో క్లీన్ బౌల్డ్ అయ్యాక హెట్‌మెయర్‌ స్టంప్స్‌ను బ్యాట్‌తో బాదేందుకు ప్రయత్నించినట్లు తెలుస్తోంది. అందుకే అతడికి జరిమానా విధించినట్లు సమాచారం.
News May 25, 2024
తీవ్ర తుఫానుగా మారనున్న వాయుగుండం!
AP: బంగాళాఖాతంలో ఏర్పడిన వాయుగుండం ఇవాళ ఉదయానికి తుఫానుగా మారి రాత్రికి తీవ్ర తుఫానుగా బలపడనున్నట్లు భారత వాతావరణ శాఖ తెలిపింది. దీని ప్రభావంతో ఏపీలో శని, ఆదివారాల్లో వర్షాలు కురవనున్నాయి. అల్లూరి, అనకాపల్లి, కాకినాడ, చిత్తూరు, VZM, మన్యం, విశాఖ, కోనసీమ, తూ.గో, ప.గో, కృష్ణా, GNT, బాపట్ల, అన్నమయ్య, TPT, శ్రీసత్యసాయి, YSR జిల్లాల్లో ఈదురుగాలులు, పిడుగులతో కూడిన వర్షాలు కురవనున్నాయి.
Featured News
Sorry, no posts matched your criteria.