India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 19, 2024
సామర్థ్యానికి తగ్గ పదవి ఇచ్చారు: నాగబాబు
AP: డిప్యూటీ సీఎం పవన్ కళ్యాణ్‌కు తగిన పదవులు, శాఖలు వచ్చాయని జనసేన నేత నాగబాబు అన్నారు. పవన్ సామర్థ్యానికి తగిన పదవి దక్కిందని చెప్పారు. పవన్ అన్ని విషయాల్లో అవగాహన ఉన్న వ్యక్తి అని, డిప్యూటీ సీఎంగా చూడడం ఆనందంగా ఉందన్నారు. ఇవన్నీ చూస్తుంటే రాష్ట్రానికి మంచి రోజులు వచ్చినట్లు కనిపిస్తున్నాయని పేర్కొన్నారు. సమాజంలో చాలా విషయాల్లో రిపేర్లు చేయాల్సిన అవసరం ఉందన్నారు.
News June 19, 2024
ధరలు పెరిగిన పంటలివే(క్వింటాళ్లలో)
వరి ధాన్యం రూ.117 పెరిగి ధర రూ.2,300కి చేరింది. జొన్న (రూ.191 పెరిగి) రూ.3,371, మొక్కజొన్న(రూ.135) రూ.2,225, సజ్జలు(రూ.125) రూ.2,625. రాగి(రూ.444) రూ.4,290, కంది(రూ.550) రూ.7,550, పెసర్లు(రూ.124) రూ.8,682, మినుములు(రూ.450) రూ.7,400, వేరు శనగ(రూ.406) ధర రూ.6,783, సన్ ఫ్లవర్(రూ.520) రూ.7,280, సోయా(రూ.292) రూ.4,892, నువ్వులు(రూ.632) రూ.9,267, ఒడిసలు(రూ.983) రూ.8,717, పత్తి (రూ.501) రూ.7,121.
News June 19, 2024
బేబీ బంప్‌ ఫొటో రివీల్ చేసిన దీపిక
బాలీవుడ్ నటి దీపికా పదుకొణె బేబీ బంప్‌తో ఉన్న ఫొటోలు రివీల్ చేశారు. గత ఫిబ్రవరిలోనే బిడ్డకు జన్మనివ్వబోతున్నట్లు ప్రకటించిన ఆమె తాజాగా బేబీ బంప్‌తో ఫొటో షూట్‌కు పోజులిచ్చారు. ఆ ఫొటోలను ఇన్‌స్టాగ్రామ్ వేదికగా పంచుకున్నారు. 2018లో వివాహం చేసుకున్న దీపిక, బాలీవుడ్ హీరో రణ్‌వీర్ సింగ్‌ వచ్చే సెప్టెంబర్‌లో బిడ్డకు స్వాగతం పలకబోతున్నారు.
News June 19, 2024
‘బేటీ పఢావో.. బేటీ బచావో’ రాయలేకపోయిన కేంద్ర మంత్రి
కేంద్ర శిశు సంక్షేమ శాఖ సహాయ మంత్రి సావిత్రి ఠాకూర్ ‘బేటీ పఢావో, బేటీ బచావో’ నినాదాన్ని హిందీలో రాయలేకపోయారు. మధ్యప్రదేశ్‌లోని బ్రహ్మకుండిలో గల ప్రభుత్వ పాఠశాలలో జరిగిన ‘స్కూల్ ఛలో అభియాన్’ కార్యక్రమంలో కేంద్ర మంత్రి పాల్గొన్నారు. ఈ సందర్భంగా బోర్డుపై స్లోగన్‌ను సరిగ్గా రాయలేకపోయారు. అయితే, అఫిడవిట్‌లో ఆమె 12వ తరగతి వరకు చదువుకున్నట్లు పేర్కొన్నారు. దీనిపై విమర్శలొస్తున్నాయి.
News June 19, 2024
APలో IASల బదిలీ
*కార్మిక శాఖ ప్రత్యేక ప్రధాన కార్యదర్శిగా గోపాలకృష్ణ ద్వివేది
*పురపాలకశాఖ ప్రత్యేక ప్రధాన కార్యదర్శిగా అనిల్ కుమార్ సింఘాల్
*సివిల్ సప్లై కమిషనర్‌గా సిద్ధార్థ్ జైన్
*CRDA కమిషనర్‌గా కాటమనేని భాస్కర్
*ఉన్నత విద్యాశాఖ కార్యదర్శిగా సౌరభ్ గౌర్
*పాఠశాల విద్యాశాఖ కార్యదర్శిగా కోన శశిధర్
*ఉద్యాన, మత్స్య, సహకార కార్యదర్శిగా అహ్మద్ బాబు
*వ్యవసాయశాఖ ప్రత్యేక ప్రధాన కార్యదర్శిగా రాజశేఖర్
News June 19, 2024
FLASH: APలో భారీగా IASల బదిలీ
ఏపీలో భారీగా IASలు బదిలీ అయ్యారు. పురపాలకశాఖ, ఎక్సైజ్, పాఠశాల విద్యాశాఖ ప్రధాన కార్యదర్శులు శ్రీలక్ష్మి, రజత్ భార్గవ, ప్రవీణ్ ప్రకాశ్‌లను ప్రభుత్వం జీఏడీకి అటాచ్ చేసింది. జలవనరులశాఖ ప్రత్యేక ప్రధాన కార్యదర్శిగా సాయిప్రసాద్, పంచాయతీ రాజ్, గ్రామీణాభివృద్ధి శాఖ ముఖ్యకార్యదర్శిగా శశిభూషణ్ కుమార్‌లను నియమించింది.
News June 19, 2024
21న కాంగ్రెస్ దేశవ్యాప్త ఆందోళనలు
నీట్ పరీక్షలో జరిగిన అక్రమాలకు వ్యతిరేకంగా ఈ నెల 21న దేశవ్యాప్తంగా కాంగ్రెస్ పార్టీ ఆందోళనలకు పిలుపునిచ్చింది. దేశవ్యాప్తంగా అన్ని పార్టీ యూనిట్లతో నిరసనలు చేపట్టాలని ఆ పార్టీ నేత కేసీ వేణుగోపాల్ కోరారు. విద్యార్థులకు న్యాయం అందేలా చేసేందుకే ఆందోళనలకు పిలుపునిస్తున్నట్లు తెలిపారు. కాగా నీట్ పరీక్ష అక్రమాలపై దేశవ్యాప్తంగా విద్యార్థులు, పలు రాజకీయ పార్టీలు ఆందోళనలు నిర్వహిస్తున్నాయి.
News June 19, 2024
ITI విద్యార్థులకు టాటా కంపెనీతో నైపుణ్య శిక్షణ: మంత్రి ఉత్తమ్
TG: తమ ప్రభుత్వం వచ్చిన 6 నెలల్లోనే 30వేల ఉద్యోగాలు భర్తీ చేసిందని మంత్రి ఉత్తమ్ కుమార్ రెడ్డి తెలిపారు. గత పదేళ్లలో 2 లక్షల ఉద్యోగాలు ఖాళీగా ఉన్నా BRS ప్రభుత్వం ఒక్క ఉద్యోగం కూడా ఇవ్వలేదని విమర్శించారు. రాష్ట్రవ్యాప్తంగా 65 ఐటీఐ కాలేజీలు ఉన్నాయని, టాటా కంపెనీ ఆధ్వర్యంలో ఐటీఐ విద్యార్థులకు నైపుణ్య శిక్షణ అందిస్తామని చెప్పారు. వారికి అప్రెంటీస్ ఆధారంగా ఉద్యోగాలు ఇస్తామని ఆయన వివరించారు.
News June 19, 2024
రైల్వే భద్రతా విభాగంలో 1.5లక్షల పోస్టులు ఖాళీ
రైల్వే భద్రతా విభాగంలో మంజూరైన పది లక్షల పోస్టులకు గాను 1.5లక్షలకు పైగా ఖాళీగా ఉన్నట్లు ఆ శాఖ తెలిపింది. RTI దరఖాస్తుకు ఈ మేరకు సమాధానమిచ్చింది. ఇందులో లోకో పైలట్ 14,429, అసిస్టెంట్ డ్రైవర్ 4,337 పోస్టులను భర్తీ చేయాల్సి ఉందని తెలిపింది. అలాగే రైల్వే భద్రతా ప్రాజెక్టుల కోసం 2004-14 మధ్య కాలంలో రూ.70 వేల కోట్లు, 2014-24 సంవత్సరాల్లో రూ.1.78 లక్షల కోట్లు వెచ్చించినట్లు ఓ అధికారి చెప్పారు.
News June 19, 2024
టీమ్ఇండియాకు మరో టెన్షన్
T20 వరల్డ్ కప్ సూపర్ 8 స్టేజీకి సంబంధించిన మ్యాచ్ అంపైర్లను ICC ప్రకటించింది. అందులో రిచర్డ్ కెటిల్‌బరో ఉండటంతో టీమ్ఇండియా అభిమానులు ఆందోళన చెందుతున్నారు. ఈనెల 24న జరిగే ఆస్ట్రేలియా VS ఇండియా మ్యాచ్‌లో ఆన్-ఫీల్డ్ అంపైర్‌గా ఆయన వ్యవహరించనున్నారు. రిచర్డ్ ఉన్న ప్రతి మ్యాచ్‌లో ఇండియా ఓడిపోతూ వస్తోంది. ఆయన అంపైరింగ్‌లో 2014 T20 WC, 2015 ODI WC, 2016 T20 WC, 2017 CT, 2019 ODI WCలోనూ ఇండియా ఓడిపోయింది.
Featured News
Sorry, no posts matched your criteria.