India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 2, 2024
అన్నమయ్య జిల్లా సిద్ధమా?: YS జగన్
AP: సీఎం వైఎస్ జగన్ చేపట్టిన ‘మేమంతా సిద్ధం’ బస్సు యాత్ర శ్రీ సత్యసాయి జిల్లాలో ముగించుకుని ఆరో రోజు అన్నమయ్య జిల్లాకు చేరుకుంది. ఈక్రమంలో ‘అన్నమయ్య జిల్లా సిద్ధమా?’ అని జగన్ ట్వీట్ చేశారు. ప్రజలను కలుస్తూ పార్టీకి మద్దతివ్వాలని కోరుతూ ఆయన ఇవాళ జిల్లాలో బస్సు యాత్ర చేయనున్నారు. నిన్నటి సత్యసాయి జిల్లా సభకు భారీగా ప్రజలు తరలివచ్చినట్లు పార్టీ శ్రేణులు తెలిపాయి.
News April 2, 2024
తెలుగు చిత్ర పరిశ్రమలో విషాదం
టాలీవుడ్‌లో మరో <<12970907>>విషాదం<<>> నెలకొంది. చిత్రకారుడు, ప్రముఖ కాస్ట్యూమ్ డిజైనర్ పిట్టంపల్లి సుదర్శన్ కన్నుమూశారు. నల్గొండ(D) మిర్యాలగూడలోని తన స్వగృహంలో గుండెపోటుకు గురయ్యారు. కుటుంబ సభ్యులు ఆస్పత్రికి తరలించగా.. చికిత్స పొందుతూ చనిపోయారు. 1988లో విడుదలైన దాసి సినిమాకు ఆయన జాతీయ అవార్డును అందుకున్నారు. జాతీయ అవార్డు జ్యూరీలోనూ సభ్యుడిగా పనిచేశారు. మంగళవారం మిర్యాలగూడలో అంత్యక్రియలు నిర్వహించనున్నారు.
News April 2, 2024
BREAKING: ఛత్తీస్‌గఢ్‌లో భారీ ఎన్‌కౌంటర్
ఛత్తీస్‌గఢ్‌లో మరోసారి భారీ ఎన్‌కౌంటర్ జరిగింది. బీజాపూర్ జిల్లా పొర్చెలి అటవీ ప్రాంతంలో పోలీసులు, మావోయిస్టుల మధ్య ఎదురుకాల్పులు చోటు చేసుకున్నాయి. ఈ కాల్పుల్లో నలుగురు మావోయిస్టులు మృతి చెందారు. మరోవైపు పోలీసులు గాలింపు చర్యలు కొనసాగిస్తున్నారు. కొన్ని రోజుల క్రితం జరిగిన ఎన్‌కౌంటర్‌లో ఆరుగురు మావోయిస్టులు మరణించిన సంగతి తెలిసిందే.
News April 2, 2024
రిషి సునాక్‌కు మెగా పోల్ షాక్
బ్రిటన్ ప్రధాని రిషి సునాక్‌కు సివిల్ సొసైటీ ప్రచార సంస్థ మెగా పోల్ షాక్ ఇచ్చింది. అధికార కన్జర్వేటివ్ పార్టీకి ఎన్నికల్లో ఎదురుదెబ్బ తగులుతుందని అంచనా వేసింది. 15,029మందిపై ఈ పోల్‌ను నిర్వహించారు. అధికార పార్టీతో పోలిస్తే ప్రతిపక్ష లేబర్ పార్టీ 19పాయింట్ల ఆధిక్యంలో ఉందని, 286 సీట్ల మెజారిటీ సాధిస్తుందని జోస్యం చెప్పింది. ఇప్పటికిప్పుడు ఎన్నికలొస్తే 250 చోట్ల అధికార పార్టీ ఓడిపోతుందని తెలిపింది.
News April 2, 2024
సునీత మరో రబ్రీ దేవి అవుతారా?
లిక్కర్ స్కామ్ కేసులో ఆరోపణలు ఎదుర్కొంటున్న ఢిల్లీ సీఎం కేజ్రీవాల్ తిహార్ జైలులో ఉన్నారు. జైలు నుంచే సర్కార్ నడిపిస్తానని చెప్పినా.. ఆ జైలులో సీఎం ఆఫీస్ ఏర్పాటు సదుపాయాలు లేవని తెలుస్తోంది. దీంతో ఆయన సతీమణి సునీతపై అందరి దృష్టి నెలకొంది. గతంలో బిహార్ సీఎం లాలూ ప్రసాద్ యాదవ్ జైలులో ఉన్నప్పుడు ఆయన భార్య రబ్రీ దేవి ప్రభుత్వాన్ని నడిపించినట్లే సునీత కూడా చేస్తారేమో అనే అభిప్రాయాలు వ్యక్తమవుతున్నాయి.
News April 2, 2024
IPL: ఆరెంజ్ క్యాప్, పర్పుల్ క్యాప్ ఎవరివంటే..
ఐపీఎల్‌లో 14 మ్యాచులు పూర్తయ్యాయి. 3 మ్యాచుల్లో 181 పరుగులతో RCB బ్యాటర్ కోహ్లీ, RR ప్లేయర్ పరాగ్ సంయుక్తంగా అగ్రస్థానంలో కొనసాగుతున్నారు. హైదరాబాద్ స్టార్ హెన్రిచ్ క్లాసెన్ 167 పరుగులతో ఆరెంజ్ క్యాప్ వేటలో ఉన్నారు. ఇక బౌలర్లలో సీఎస్కే బౌలర్ ముస్తాఫిజుర్ రెహ్మాన్ 7 వికెట్లతో టాప్‌లో ఉండగా.. ఆర్ఆర్ స్పిన్నర్ చాహల్ 6 వికెట్లతో రెండో స్థానంలో ఉన్నారు.
News April 2, 2024
నిప్పుల కుంపటి.. సెగలు కక్కుతున్న భానుడు
AP: పార్వతీపురం మన్యం, విజయనగరం జిల్లాల్లో నేడు, రేపు వడగాలుల తీవ్రత అధికంగా ఉంటుందని వాతావరణ శాఖ హెచ్చరించింది. కోస్తాంధ్ర, రాయలసీమ జిల్లాల్లోని పలు ప్రాంతాల్లో గరిష్ఠ ఉష్ణోగ్రతలు నమోదయ్యే అవకాశం ఉందని తెలిపింది. సోమవారం పలు ప్రాంతాల్లో సాధారణం కంటే 2-3 డిగ్రీల ఉష్ణోగ్రత అధికంగా నమోదైంది. నంద్యాల(D) పాణ్యంలో గరిష్ఠంగా 43.7, కర్నూలు(D) నందికొట్కూరులో 43.3, గూడూరులో 42.3 డిగ్రీల ఉష్ణోగ్రత నమోదైంది.
News April 2, 2024
స్వల్పంగా పెరిగిన పత్తి విత్తన ధరలు
TG: కేంద్రం మరోసారి పత్తి విత్తనాల ధరలు పెంచింది. దీంతో గతేడాది 475గ్రాముల ప్యాకెట్ ధర రూ.853 ఉండగా.. ఇప్పుడు రూ.864కి చేరింది. కంపెనీల డిమాండ్లకు అనుగుణంగా కేంద్రం ఏటా ధరలు పెంచుతోంది. 2020-21లో ప్యాకెట్ ధర రూ.730 ఉండేది. ఇప్పుడు రూ.864కు చేరింది. ఇక తెలంగాణలో వరి తర్వాత అత్యధికంగా సాగవుతున్న పంట పత్తి. ఇప్పటికే వర్షాభావంతో అల్లాడుతున్న అన్నదాతలకు ఈ ధరల పెరుగుదల మరికొంత భారం కానుంది.
News April 2, 2024
ట్విటర్ ట్రెండింగ్‌లో ‘వడాపావ్’
రాజస్థాన్ రాయల్స్‌తో జరిగిన మ్యాచ్‌లో ముంబై ఇండియన్స్ ఘోర పరాజయం పొందింది. సొంత గడ్డపై ముంబై ప్లేయర్లు డకౌట్ అవడంతో ఫ్యాన్స్ ఫైర్ అవుతున్నారు. ముఖ్యంగా హిట్‌మ్యాన్ రోహిత్ శర్మ ఎక్కువ సార్లు జీరో డిజిట్‌కే వెనుదిరగడంతో ‘వడాపావ్’ అంటూ ట్రోల్స్ చేస్తున్నారు. వరుసగా ఓడిపోతున్నప్పటికీ ప్లేయర్లు గెలవాలన్న కసితో ఆడట్లేదని విమర్శిస్తున్నారు. దీంతో ‘వడాపావ్’ హాష్‌ట్యాగ్ ట్విటర్‌లో ట్రెండవుతోంది.
News April 2, 2024
వైఎస్ జగన్ యాత్ర నేటి షెడ్యూల్
ఏపీ సీఎం జగన్ ‘మేమంతా సిద్ధం’ యాత్ర 6వ రోజుకు చేరింది. ఈరోజు ఉదయం 9 గంటలకు చీకటిమానిపల్లె నుంచి బస్సుయాత్ర ప్రారంభం కానుంది. గొల్లపల్లి మీదుగా జగన్ అంగళ్లు గ్రామం చేరుకుంటారు. మధ్యాహ్నం 3.30గంటలకు మదనపల్లెలో బహిరంగ సభలో పాల్గొంటారు. అనంతరం నిమ్మనపల్లి, బోయకొండ క్రాస్, చౌడేపల్లి, సోమల మీదుగా అమ్మగారిపల్లెకు చేరుకుంటారు. రాత్రికి అమ్మగారిపల్లె శివారులో బస చేయనున్నారు.
Featured News
Sorry, no posts matched your criteria.