India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 22, 2024
డిసెంబర్ 7న రాష్ట్రవ్యాప్తంగా ఆటోల బంద్
TG: తమ డిమాండ్ల సాధనకు డిసెంబర్ 7న రాష్ట్రవ్యాప్తంగా ఆటోల బంద్‌తో పాటు HYDలో లక్ష మందితో భారీ ర్యాలీ, సభ నిర్వహిస్తామని రాష్ట్ర ఆటో డ్రైవర్స్ యూనియన్ జేఏసీ ప్రకటించింది. HYDలో 20వేల కొత్త ఆటోలకు పర్మిట్ ఇవ్వాలని, థర్డ్ పార్టీ ఇన్సూరెన్స్ చెల్లించి, యాక్సిడెంట్ బీమాను రూ.10లక్షలకు పెంచాలని డిమాండ్ చేసింది. ఒక్కో ఆటో డ్రైవర్ కుటుంబానికి రూ.12వేల ఆర్థిక సాయం పథకాన్ని వెంటనే అమలు చేయాలని పేర్కొంది.
News November 22, 2024
నేటితో ముగియనున్న ఏపీ అసెంబ్లీ సమావేశాలు
ఈనెల 11న ప్రారంభమైన ఏపీ అసెంబ్లీ బడ్జెట్ సమావేశాలు ఇవాళ్టితో ముగియనున్నాయి. ‘రాజధాని అమరావతిలో గత ప్రభుత్వం సాగించిన విధ్వంసం, కూటమి ప్రభుత్వంలో రాజధాని పునర్నిర్మాణానికి చేపడుతున్న చర్యలు’ అనే అంశంపై నేడు సభలో చర్చ జరగనుంది. అనంతరం 2047-విజన్ డాక్యుమెంట్‌పై మంత్రి పయ్యావుల కేశవ్ ప్రకటన రిలీజ్ చేయనున్నారు. వరదలు, రుషికొండ ప్యాలెస్ తదితర అంశాలపైనా చర్చిస్తారని సమాచారం.
News November 22, 2024
కాస్కో రేవంత్: బీఆర్ఎస్
TG: లగచర్ల గ్రామస్థుల అరెస్టుకు నిరసనగా తాము <<14666575>>మహబూబాబాద్‌లో<<>> చేపట్టనున్న నిరసనకు హైకోర్టు అనుమతిచ్చిందని బీఆర్ఎస్ ట్వీట్ చేసింది. ‘కాస్కో రేవంత్. నువ్వెన్ని ఆంక్షలు పెట్టినా పేద దళిత, గిరిజన, ఆది వాసీ ప్రజల పక్షాన నిలబడతాం. న్యాయం జరిగే వరకు పోరాడతాం’ అని పేర్కొంది. ఈనెల 25న ఉ.10 నుంచి మధ్యాహ్నం ఒంటి గంట వరకు 1000 మందితో ధర్నా చేసుకోవచ్చని బీఆర్ఎస్‌కు హైకోర్టు అనుమతి ఇచ్చింది.
News November 22, 2024
భోగాపురం ఎయిర్‌పోర్టుకు అల్లూరి పేరు: సీఎం చంద్రబాబు
AP: భోగాపురం ఇంటర్నేషనల్ ఎయిర్‌పోర్టుకు అల్లూరి సీతారామరాజు పేరు పెట్టాలని నిర్ణయించినట్లు సీఎం చంద్రబాబు అసెంబ్లీలో వెల్లడించారు. విమానాశ్రయం పక్కన అల్లూరి స్మారక మ్యూజియం ఏర్పాటు చేస్తామన్నారు. అలాగే పార్లమెంటులో అల్లూరి, ఎన్టీఆర్ విగ్రహాలు పెట్టాలని అనుకున్నామని చెప్పారు. అవసరమైతే దీనిపై తీర్మానం చేసి కేంద్రానికి పంపిస్తామని తెలిపారు.
News November 22, 2024
వచ్చే నెల 9 నుంచి అసెంబ్లీ సమావేశాలు
TG: అసెంబ్లీ శీతాకాల సమావేశాలను డిసెంబర్ 9 నుంచి నిర్వహించాలని ప్రభుత్వం నిర్ణయించింది. వారం నుంచి పది రోజులపాటు ఈ సమావేశాలు జరగనున్నట్లు సమాచారం. ఈనెల 9న ఏడాదిలో చేసిన కార్యక్రమాలపై చర్చించిన అనంతరం సెక్రటేరియట్‌లో తెలంగాణ తల్లి విగ్రహాన్ని CM రేవంత్ ఆవిష్కరించనున్నారు. DEC 7 నాటికి ఏడాది పాలన పూర్తవుతున్న నేపథ్యంలో ఆలోగా క్యాబినెట్ విస్తరణను పూర్తి చేయాలని భావిస్తున్నట్లు సమాచారం.
News November 22, 2024
ఉద్యోగాలను ఏఐ ఇప్పట్లో భర్తీ చేయలేదు: గూగుల్ రీసర్చ్ హెడ్
టెక్ ఇండస్ట్రీలో AI వినియోగం పెరగడంపై గూగుల్ రీసర్చ్ హెడ్ యోస్సీ మాటియాస్ కీలక వ్యాఖ్యలు చేశారు. హ్యూమన్ డెవలపర్లను ఇప్పట్లో AI భర్తీ చేయలేదని అన్నారు. కోడింగ్ నేర్చుకోవడం ఇప్పటికీ ముఖ్యమేనని పేర్కొన్నారు. కొన్ని టాస్క్‌లలో AI టూల్స్‌ను వినియోగిస్తున్నప్పటికీ, హ్యూమన్ కోడర్‌లకు AI ప్రత్యామ్నాయం కాదని తెలిపారు. AI- రూపొందించిన కోడ్‌కు హ్యూమన్ రివ్యూ, వాలిడేషన్ అవసరం అని ఓ ఇంటర్వ్యూలో చెప్పారు.
News November 22, 2024
పాక్‌లోకి త్వరలో చైనా సైన్యం.. ఎందుకంటే?
పాక్‌లో ఉంటున్న తమ దేశస్థులపై దాడులు పెరుగుతున్న నేపథ్యంలో వారి భద్రత కోసం చైనా సెక్యూరిటీని ఏర్పాటు చేస్తోంది. ఇందుకోసం ఇప్పటికే మూడు ప్రైవేట్ కంపెనీలను నియమించుకుంది. అలాగే తమ సైన్యాన్ని కూడా పాక్‌లో మోహరించాలని యోచిస్తోంది. CPEC ప్రాజెక్ట్స్ కోసం దాదాపు 30వేల మంది చైనా ఇంజినీర్లు, కార్మికులు అక్కడ ఉంటున్నారు. వారి భద్రతపై చైనా ఆందోళన చెందడంతో పాక్ సర్కార్ కూడా రక్షణ రంగానికి నిధులను పెంచింది.
News November 22, 2024
BGT: ఫ్రీగా ఎక్కడ చూడాలంటే?
బోర్డర్-గవాస్కర్ ట్రోఫీలో భాగంగా ఆస్ట్రేలియా, భారత్ మధ్య తొలి టెస్టు మరి కొద్ది గంటల్లో ప్రారంభం కానుంది. కాగా ఈ మ్యాచ్‌ను స్టార్ స్పోర్ట్స్‌తోపాటు హాట్ స్టార్‌లో కూడా వీక్షించవచ్చు. స్థానిక భాషల్లోనూ మ్యాచ్ లైవ్ అవుతుంది. కాకపోతే ఈ ఛానళ్లను సబ్‌స్క్రిప్షన్ తీసుకోవాల్సి ఉంటుంది. డీడీ స్పోర్ట్స్‌లో ఫ్రీగా చూడవచ్చు. ఇందుకు ఎలాంటి డబ్బులు చెల్లించాల్సిన అవసరం లేదు.
News November 22, 2024
JEE MAIN: నేడే లాస్ట్ డేట్
జేఈఈ మెయిన్-2025 జనవరి సెషన్ రిజిస్ట్రేషన్ గడువు నేటితో ముగియనుంది. ఇవాళ రా.9 గంటలలోపు విద్యార్థులు దరఖాస్తు చేసుకోవాలని, రా.11.50 వరకు ఫీజు చెల్లించవచ్చని NTA తెలిపింది. ఈనెల 26, 27 తేదీల్లో దరఖాస్తు సవరణకు అవకాశం కల్పించనుంది. వచ్చే ఏడాది జనవరి 22 నుంచి 31వ తేదీ మధ్య ఈ పరీక్ష జరగనుంది. ఏప్రిల్‌లో సెకండ్ సెషన్ ఎగ్జామ్ ఉంటుంది.
వెబ్‌సైట్: jeemain.nta.nic.in
News November 22, 2024
మా డాడీ ఫస్ట్ బైక్ ఇదే: సల్మాన్ ఖాన్
బాలీవుడ్ స్టార్ హీరో సల్మాన్ ఖాన్ తన తండ్రి సలీమ్ ఖాన్ కొనుగోలు చేసిన తొలి బైక్ ఏంటో సోషల్ మీడియాలో వెల్లడించారు. ట్రయంఫ్ టైగర్ 100 బైకును 1956లో కొన్నట్లు తెలిపారు. తన తండ్రి, ఆ బైకుతో తీసుకున్న ఫొటోలను Xలో పోస్ట్ చేశారు. కాగా ప్రస్తుతం ఆయన ఏఆర్ మురగదాస్ దర్శకత్వంలో ‘సికందర్’ అనే సినిమాలో నటిస్తున్నారు. రష్మిక మందాన హీరోయిన్‌గా నటిస్తున్న ఈ మూవీ వచ్చే ఏడాది రిలీజ్ కానుంది.
Featured News
Sorry, no posts matched your criteria.