India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 14, 2024
కాసేపట్లో ICET ఫలితాలు.. WAY2NEWSలో వేగంగా..
తెలంగాణ ఐసెట్ ఫలితాలు మరికాసేపట్లో విడుదల కానున్నాయి. ICET అధికారిక సైట్‌తో పాటు Way2News యాప్‌లోనూ ఫలితాలు పొందవచ్చు. మిగతా ప్లాట్‌ఫాంల తరహాలో విసిగించే యాడ్స్, లోడింగ్ సమస్యలు మన యాప్‌లో ఉండవు. ప్రత్యేక స్క్రీన్‌లో హాల్‌టికెట్ నంబర్ ఎంటర్ చేసి క్లిక్ చేస్తే మెరుపు వేగంతో ఫలితాలు వస్తాయి. ఆ తర్వాత వాట్సాప్ సహా ఏ ప్లాట్‌ఫాంకైనా రిజల్ట్‌ను ఒక్క క్లిక్‌తో సులభంగా షేర్ చేసుకోవచ్చు.
News June 14, 2024
ప‌య్యావులకు పెద్ద పీట
AP: తొలిసారి మంత్రి వర్గంలో చోటు దక్కించుకున్న పయ్యావుల కేశవ్‌కు సీఎం చంద్రబాబు నాయుడు కీలకమైన ఆర్థికశాఖను కేటాయించారు. ఎంబీఏ పూర్తి చేసిన ఆయన టీడీపీ నుంచి ఐదుసార్లు ఎమ్మెల్యేగా గెలిచారు. గత ఐదేళ్లూ ప్రజాపద్దుల కమిటీ ఛైర్మన్‌(పీఏసీ)గా విధులు నిర్వర్తించారు. వైసీపీ ప్రభుత్వం అవినీతి చేసిందంటూ పలు సందర్భాల్లో ఆధారాలను బయటపెట్టారు. అంతేగాక మంచి వాగ్దాటి, సబ్జెక్టుపై పట్టున్న నేతగా గుర్తింపు పొందారు.
News June 14, 2024
ఐపీఓ ఫైలింగ్‌కు హ్యుందాయ్ రెడీ
ఐపీఓను అందుబాటులోకి తెచ్చేందుకు ప్లాన్ చేస్తున్న హ్యుందాయ్ మోటార్స్ ఇండియా లిమిటెడ్ నేడు సెబీకి డ్రాఫ్ట్ సమర్పించనుంది. ఈ ఐపీఓతో $3 బిలియన్లు సమకూర్చుకోవాలని, సంస్థ విలువను $20 బిలియన్లకు పెంచాలని ప్లాన్ చేస్తోంది. 140 నుంచి 150 మిలియన్ షేర్లు విక్రయించనున్నట్లు తెలుస్తోంది. హ్యుందాయ్ ప్లాన్స్ సక్సెస్ అయితే ఇది దేశ స్టాక్ మార్కెట్ చరిత్రలో అతిపెద్ద ఐపీఓగా నిలవనుంది.
News June 14, 2024
బీజేపీకి కొత్త చీఫ్‌.. మహిళనే నియమిస్తారా?
తమ పార్టీకి తొలిసారి ఓ మహిళను జాతీయ అధ్యక్షురాలిగా నియమించుకోవాలని బీజేపీ అధిష్ఠానం నిర్ణయించినట్లు సమాచారం. దీనిపై త్వరలోనే స్పష్టత రానుంది. మాజీ మంత్రి స్మృతి ఇరానీని అధ్యక్షురాలిగా నియమించేందుకు అధిష్ఠానం యోచిస్తున్నట్లు తెలుస్తోంది. మరోవైపు వసుంధర రాజే సింథియా, దగ్గుబాటి పురందీశ్వరి పేర్లను కూడా పరిశీలిస్తుందట. కాగా బీజేపీ ఆవిర్భావం నుంచి ఇప్పటివరకు ఓ మహిళ అధ్యక్ష పదవి చేపట్టకపోవడం గమనార్హం.
News June 14, 2024
ఆర్థిక లింగ సమానత్వంలో అట్టడుగున భారత్!
అత్యల్ప స్థాయి ఆర్థిక లింగ సమానత్వం కలిగిన దేశాల(146) సమూహంలో భారత్ 129వ స్థానంలో ఉంది. వరల్డ్ ఎకనామిక్ ఫోరమ్ తాజాగా రిలీజ్ చేసిన గ్లోబల్ జెండర్ గ్యాప్ ఇండెక్స్‌ డేటాలో భారత పురుషులు రూ.100 సంపాదిస్తే మహిళల సంపాదన రూ.40 మాత్రమే. దక్షిణాసియాలో బంగ్లాదేశ్, నేపాల్, శ్రీలంక, భూటాన్ తర్వాత ఇండియా ఐదో స్థానంలో ఉండగా పాకిస్తాన్ చివరి స్థానంలో ఉంది.
News June 14, 2024
వీరి కాంబోలో పల్లెల రూపురేఖలు మారుతాయా?
AP: దేశ ప్రగతికి గ్రామీణ ప్రాంతాల అభివృద్ధి ఎంతో కీలకం. పంచాయతీరాజ్ వ్యవస్థ వచ్చినప్పటి నుంచి ప్రత్యేక నిధులతో పల్లె సీమలు కొత్త రూపు సంతరించుకున్నాయి. కాగా ఈ కీలకమైన శాఖ బాధ్యతలు రాష్ట్రంలో జనసేన అధినేత పవన్ కళ్యాణ్ స్వీకరించారు. ఇటు కేంద్రంలో TDP MP పెమ్మసాని చంద్రశేఖర్ గ్రామీణాభివృద్ధి శాఖ సహాయ మంత్రిగా ఉన్నారు. వీరిద్దరి కలయికతో పల్లెల్లో ఏళ్ల నాటి సమస్యలు తీరే ఛాన్సుందని అంతా ఆశిస్తున్నారు.
News June 14, 2024
లోకేశ్ చేతిలో టెక్నాలజీ రంగం
AP: మంత్రి నారా లోకేశ్‌కు మానవ వనరులు, ఐటీ, RTG శాఖను కేటాయించారు. గత టీడీపీ ప్రభుత్వ హయాంలోనూ ఆయన ఐటీ శాఖనే తీసుకుని సమర్థంగా పని చేశారు. మంగళగిరి కేంద్రంగా ఐటీ అనుబంధ సంస్థలు, యువతకు నైపుణ్య శిక్షణా కేంద్రాలను ఏర్పాటు చేశారు. HCL వంటి దిగ్గజ IT సంస్థను APకి తీసుకురావడంలో కీలక పాత్ర పోషించారు. అలాగే చంద్రబాబు మానస పుత్రికగా భావించే రియల్ టైమ్ గవర్నెన్స్ బాధ్యతలను సైతం లోకేశ్‌కు అప్పగించారు.
News June 14, 2024
కవితతో కేటీఆర్ ములాఖత్
TG: తిహార్ జైలులో ఉన్న ఎమ్మెల్సీ కవితతో ఆమె సోదరుడు కేటీఆర్ ములాఖత్ అయ్యారు. కవిత యోగ క్షేమాలను అడిగి తెలుసుకున్నారు. అనంతరం హైదరాబాద్‌కు తిరుగుపయనం అయ్యారు. లిక్కర్ స్కామ్ కేసులో కవితపై సీబీఐ, ఈడీ వేర్వేరు కేసులు నమోదు చేసిన విషయం తెలిసిందే. మార్చి 15న ఈడీ ఆమెను అరెస్ట్ చేయగా అప్పటి నుంచి జుడీషియల్ రిమాండ్‌లో ఉన్నారు.
News June 14, 2024
ఏపీ మంత్రులకు కేటాయించిన శాఖలు ఇవే..
* గొట్టిపాటి రవికుమార్ – విద్యుత్ శాఖ
* టీజీ భరత్ – పరిశ్రమలు
* జనార్ధన్ రెడ్డి – రోడ్లు, భవనాలు
* గుమ్మడి సంధ్యారాణి – మహిళా, శిశుసంక్షేమం, గిరిజన సంక్షేమం
* కందుల దుర్గేశ్ – పర్యాటకం, సినిమాటోగ్రఫీ
* రాంప్రసాద్ రెడ్డి – ట్రాన్స్‌పోర్ట్, యువజన & క్రీడలు
* కొండపల్లి శ్రీనివాస్ – MSME, సెర్ప్, NRI ఎంపవర్‌మెంట్
* ఎస్.సవిత – బీసీ వెల్ఫేర్, హ్యాండ్లూమ్&టెక్స్‌టైల్స్
News June 14, 2024
BREAKING: మంత్రులకు కేటాయించిన శాఖలు ఇవే
* ఆనం రామనారాయణరెడ్డి – దేవాదాయశాఖ
* పయ్యావుల కేశవ్ – ఆర్థిక, ప్రణాళిక, వాణిజ్య పన్నులు&అసెంబ్లీ వ్యవహారాలు
* అనగాని సత్యప్రసాద్ – రెవెన్యూ, రిజిస్ట్రేషన్& స్టాంప్స్
* కొలుసు పార్థసారథి – హౌసింగ్, I&PR
* D B స్వామి – సాంఘిక సంక్షేమం, వృద్ధులు&వికలాంగుల సంక్షేమం, సచివాలయం&గ్రామీణ వాలంటీర్
* వాసంసెట్టి సుభాష్ – లేబర్, ఫ్యాక్టరీలు, ఇన్సూరెన్స్ మెడికల్ సర్వీసెస్
Featured News
Sorry, no posts matched your criteria.