India's largestHyperlocal short
news App
Get daily news updates that are tailored for you based on your preferred language & location.
download Way2News app now
News December 2, 2024
హెడ్‌పోన్స్ అతిగా వాడకండి!
కొందరు భారీ శబ్దంతో ఎక్కువ సేపు హెడ్‌ఫోన్స్ వాడుతుంటారు. ఇలానే చేసిన 38 ఏళ్ల లెక్చరర్ అవిక్ బెనర్జీ ఆస్పత్రి పాలయ్యారనే విషయం మీకు తెలుసా? 15 ఏళ్లుగా ఎక్కువ సౌండ్‌తో హెడ్‌సెట్ పెట్టుకొని గేమ్స్ ఆడుతుండగా ఒకరోజు చెవులు వినిపించలేదు. దీంతో ఆస్పత్రికి వెళ్లగా చికిత్స చేశారు. అందుకే తక్కువ శబ్దాన్ని వినాలని, మొబైల్ & స్క్రీన్ ఎక్కువ చూసేవారు 20-20-20 నియమాన్ని అనుసరించాలని వైద్యులు సూచిస్తున్నారు.
News December 2, 2024
మండపంలో కూర్చొని కూడా లూడో ఆడుతున్నాడు బ్రో
మూడు ముళ్లు వేసి, భాగ‌స్వామితో ఏడ‌డుగులు వేయాల్సిన సమయంలో కూడా ఓ పెళ్లికొడుకు లూడో ఆడుతూ క‌నిపించ‌డం వైర‌ల్ అవుతోంది. ఈ ఘ‌ట‌న ఎక్క‌డ జ‌రిగింద‌న్నది తెలియ‌కున్నా పెళ్లికొడుకు Just Relaxగా ఉండడంపై అంద‌రూ ఫిదా అవుతున్నారు. ప్ర‌పంచంలో ఏం జ‌రిగినా స‌రే నువ్వు మాత్రం లూడో ఆడు బ్రో అని ఒక‌రు, Bro has his own priorities అంటూ మ‌రొక‌రు కామెంట్ చేస్తున్నారు. మీ స‌ర్కిల్‌లో ఉన్న లూడో ల‌వ‌ర్‌తో Share This.
News December 2, 2024
మహారాష్ట్ర సీఎంగా దేవేంద్ర ఫడణవీస్?
మహారాష్ట్ర త‌దుపరి సీఎంగా దేవేంద్ర ఫడణవీస్ పేరును BJP అధిష్ఠానం దాదాపుగా ఖ‌రారు చేసిన‌ట్టు PTI తెలిపింది. CM ఎంపిక విషయంలో మ‌హాయుతిలో గత కొన్ని రోజులుగా ప్ర‌తిష్టంభ‌న నెల‌కొన్న విషయం తెలిసిందే. శిండేను బుజ్జ‌గించే వ‌ర‌కు బీజేపీ అధిష్ఠానం పెద్ద క‌స‌ర‌త్తే చేసింది. ఎట్ట‌కేల‌కు ఫ‌డ‌ణ‌వీస్‌ను CMగా నిర్ణ‌యించిన బీజేపీ సోమ‌వారం నాటి శాసనసభాపక్ష సమావేశంలో అధికారికంగా ప్ర‌క‌టించ‌నుందని సమాచారం.
News December 1, 2024
భారత్-బంగ్లాదేశ్‌కు పెద్ద తేడా లేదు: ముఫ్తీ
భారత్-బంగ్లాదేశ్ మ‌ధ్య తేడా లేదని PDP చీఫ్ మెహ‌బూబా ముఫ్తీ తీవ్ర వ్యాఖ్యలు చేశారు. UPలోని సంభ‌ల్ మ‌సీదు సర్వే సంద‌ర్భంగా చెల‌రేగిన అల్ల‌ర్లు, జ‌రిగిన ప్రాణ న‌ష్టాన్ని బంగ్లాదేశ్‌లో మైనారిటీల‌పై జ‌రుగుతున్న దాడుల‌ను పోల్చుతూ ఆమె ఈ వ్యాఖ్యలు చేశారు. ఇటీవ‌ల మ‌సీదులు, ద‌ర్గాల‌పై త‌లెత్తుతున్న వివాదాలు ఆందోళనకరమన్నారు. ఇవి 1947 నాటి దేశ ప‌రిస్థితుల వైపు తీసుకెళ్తున్నాయనే భయం నెలకొందన్నారు.
News December 1, 2024
ఈ జిల్లాలోనూ స్కూళ్లకు సెలవు
AP: ఫెంగల్ తుఫాన్ ప్రభావంతో కురుస్తున్న భారీ వర్షాలతో అన్నమయ్య జిల్లాలోని అన్ని విద్యాసంస్థలకు డిసెంబర్ 2న సెలవు ప్రకటించారు. రేపు అన్ని ప్రభుత్వ, ప్రైవేట్ స్కూళ్లు, కాలేజీలు, అంగన్‌వాడీ కేంద్రాలకు సెలవు ఇస్తున్నట్లు కలెక్టర్ చామకూరి శ్రీధర్ ప్రకటించారు. విద్యాసంస్థలన్నీ సెలవు ఇవ్వకపోతే చర్యలు తీసుకుంటామని ఆయన హెచ్చరించారు. అటు నెల్లూరు, తిరుపతి, YSR జిల్లాల్లోనూ సెలవు ఇవ్వాలని కోరుతున్నారు.
News December 1, 2024
‘పీలింగ్స్’పై స్పందించిన రష్మిక.. అల్లు అర్జున్ కామెంట్ ఇదే!
పుష్ప-2 నుంచి ‘పీలింగ్స్’ సాంగ్ విడుదలైన సంగతి తెలిసిందే. డాన్స్ విషయంలో తన కెరీర్లో ఇప్పటి వరకూ ఇదే అత్యంత కష్టమైన సాంగ్ అని రష్మిక ట్వీట్ చేశారు. ‘పీలింగ్స్ సాంగ్ ఫుల్ వైబ్, ఫుల్ మాస్. ఎవరైనా ఎత్తుకుంటే నాకు చాలా భయం. అల్లు అర్జున్ సార్ వల్ల ఆ భయాన్ని దాటాను. చాలా కష్టమైన పాట కానీ ఎంజాయ్ చేశాను’ అని పేర్కొన్నారు. అద్భుతంగా డాన్స్ చేశారంటూ ‘యూ రాక్డ్’ అని అల్లు అర్జున్ ఆమెకు బదులిచ్చారు.
News December 1, 2024
అలా అయితే దేశం వృద్ధి చెందదు: రాహుల్
ఆర్థిక వ్య‌వ‌స్థ ప్ర‌యోజ‌నాలు కొద్ది మంది బిలియ‌నీర్ల‌కే దక్కినంత కాలం దేశం వృద్ధి చెందదని రాహుల్ గాంధీ వ్యాఖ్యానించారు. పేద‌ల ఆర్థిక సమస్యలు పరిష్కారమైతేనే అభివృద్ధి సాధ్యమని పేర్కొన్నారు. రిటైల్ ద్ర‌వ్యోల్బ‌ణం 14 నెల‌ల క‌నిష్ఠానికి, GDP వృద్ధి రెండేళ్ల క‌నిష్ఠ స్థాయి 5.4 శాతానికి ప‌డిపోవ‌డం ఆందోళనకరమన్నారు. అంద‌రికీ స‌మాన అవ‌కాశాల‌తో ఆర్థిక వ్య‌వస్థ‌కు కొత్త ఆలోచ‌న‌లు అవ‌స‌ర‌మ‌న్నారు.
News December 1, 2024
సెక్స్ వర్కర్లకు పెన్షన్.. ఎక్కడో తెలుసా?
సెక్స్ వర్కర్లకు హక్కులు కల్పిస్తూ బెల్జియం కొత్త చట్టాన్ని తీసుకొచ్చింది. దాని ప్రకారం ఆ దేశంలోని సెక్స్‌వర్కర్లు పెన్షన్లు, అధికారిక ఉద్యోగ ఒప్పందాలు, ఆరోగ్య బీమా, ప్రసూతి సెలవులు, అనారోగ్య సెలవులు అందుకోనున్నారు. కరోనా సమయంలో సెక్స్ వర్కర్లకు ఆదాయం లేకపోవడంతో నిరసనలు మొదలయ్యాయి. దీంతో 2022లోనే సెక్స్ వర్క్‌ను నేరరహితంగా గుర్తించింది. తాజాగా వారి కోసం చట్టం తెచ్చిన మొదటిదేశంగా నిలిచింది.
News December 1, 2024
నాగబాబు ట్వీట్.. ఎవర్ని ఉద్దేశించి?
జనసేన నేత నాగబాబు చేసిన ఓ ట్వీట్ నెట్టింట ఆసక్తిని రేపుతోంది. ‘నువ్వు తప్పుడు దారిలో వెళ్తున్నావని నువ్వే గుర్తిస్తే వెంటనే నీ దారిని మార్చుకో. నువ్వు ఆలస్యం చేసే కొద్దీ, నువ్వు నిజంగా ఎక్కడి వాడివో అక్కడికి వెళ్లడం మరింత కష్టంగా మారుతుంది – స్వామి వివేకానంద’ అని పోస్ట్ చేశారు. ఆయన ఎవర్ని ఉద్దేశించి ఈ పోస్ట్ వేశారోనంటూ ట్వీట్ కింద కామెంట్లలో చర్చ నడుస్తోంది.
News December 1, 2024
ఉస్మా’నయా’ ఆస్పత్రిపై సీఎం సమీక్ష
TG: హైదరాబాద్ గోషామహల్ స్టేడియంలో నిర్మించబోయే ఉస్మానియా ఆస్పత్రిపై సీఎం రేవంత్ రెడ్డి అధికారులతో సమీక్షించారు. ఆస్పత్రికి వెళ్లే రహదారుల నిర్మాణం కోసం తక్షణమే సర్వే ప్రారంభించాలని ఆదేశించారు. ఆస్పత్రికి కావాల్సిన మౌలిక సదుపాయాలు, తాగునీరు, విద్యుత్, డ్రైనేజీ కోసం సమగ్ర ప్రణాళికలు సిద్ధం చేయాలని సూచించారు. అన్ని శాఖలతో సమన్వయం కోసం నోడల్ ఆఫీసర్‌గా సీనియర్ అధికారి దాన కిషోర్‌ను నియమించారు.
Featured News
Sorry, no posts matched your criteria.