India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 29, 2024
జూన్ మొదటి వారంలోనే ‘కల్కి’ ట్రైలర్!
పాన్ ఇండియా స్టార్ ప్రభాస్ హీరోగా నటిస్తోన్న ‘కల్కి’ సినిమా ట్రైలర్ గురించి అప్డేట్ వచ్చింది. జూన్ మొదటి వారంలోనే ట్రైలర్ రిలీజ్ చేసేందుకు మేకర్స్ ప్లాన్ చేస్తున్నారని సినీవర్గాలు తెలిపాయి. నాగ్ అశ్విన్ తెరకెక్కిస్తోన్న ఈ చిత్రంలో సూపర్ స్టార్లు అమితాబ్, కమల్ హాసన్‌తో పాటు దీపికా పదుకొణె కీలక పాత్రలో నటిస్తున్నారు. భారీ బడ్జెట్‌తో తెరకెక్కుతోన్న ఈ సినిమా కోసం ఫ్యాన్స్ ఎంతగానో ఎదురుచూస్తున్నారు.
News May 29, 2024
T20WC జెర్సీలో భారత ప్లేయర్లు
T20 వరల్డ్‌కప్ అమెరికా, వెస్టిండీస్ వేదికగా మరో 4 రోజుల్లో ప్రారంభం కానుంది. ఈ సందర్భంగా టీమ్ ఇండియా ప్లేయర్లు వరల్డ్ కప్ జెర్సీతో ఫొటోషూట్‌లో మెరిశారు. కెప్టెన్ రోహిత్ శర్మ, వైస్ కెప్టెన్ హార్దిక్ పాండ్య, బుమ్రా, కుల్దీప్ యాదవ్, సంజు శాంసన్, శివమ్ దూబేలు ఫొటోలకు ఫోజులిచ్చారు. ఈ ఫొటోలు సోషల్ మీడియాలో వైరల్ అవుతున్నాయి. జూన్ 5న ఐర్లాండ్‌తో భారత్ తొలి మ్యాచ్ ఆడనుంది.
News May 29, 2024
మోదీజీ.. గుడి కట్టిస్తా, అందులోనే కూర్చోండి: మమత
ప్రధాని మోదీ తనను తాను దేవుడిలా భావిస్తున్నారని పశ్చిమ బెంగాల్ సీఎం మమతా బెనర్జీ విమర్శించారు. ‘దేశ ప్రయోజనం కోసం దేవుడు తనను పంపాడంటూ మోదీ ఇటీవల అన్నారు. అయన నిజంగా తనను తాను దేవుడు అనుకుంటే.. నాదొక విన్నపం. మోదీజీ.. మీకో గుడి నిర్మిస్తా. ప్రసాదంగా డోక్లా పెడతా. నిత్యం పూజలు చేస్తా. దయచేసి ఆ గుడిలోనే కూర్చోండి. దేశాన్ని సమస్యల్లోకి నెట్టే ప్రయత్నాలు ఆపేయండి’ అంటూ వ్యంగ్యాస్త్రాలు సంధించారు.
News May 29, 2024
INDIA కూటమికి 300 సీట్లు.. కేజ్రీవాల్ శ్వేతపత్రం
ఈ పార్లమెంటు ఎన్నికల్లో ఇండియా కూటమికి 300, ఎన్డీయేకి 200 సీట్లు వస్తాయని ఆప్ కన్వీనర్, ఢిల్లీ సీఎం కేజ్రీవాల్ టీవీ9 షోలో శ్వేతపత్రంపై రాసిచ్చారు. మరోవైపు తమ కూటమికి ఈసారి 400 సీట్లు వస్తాయని NDA కూటమిలోని ప్రధాన పార్టీ బీజేపీ ధీమా వ్యక్తం చేస్తోంది. ఈ నేపథ్యంలో కేజ్రీవాల్ ఇలా పేపర్‌పై రాసి ఇవ్వడం ఆసక్తికరంగా మారింది. కేజ్రీవాల్ నేతృత్వంలోని ఆప్ ఇండియా కూటమిలో ఉన్న సంగతి తెలిసిందే.
News May 29, 2024
కావాలనే క్యూల్లో చెప్పులు పెట్టిస్తున్నారు: మంత్రి
TG: రాష్ట్ర ప్రభుత్వానికి చెడ్డపేరు తేవాలనే ఉద్దేశంతోనే కొందరు రైతులతో క్యూలో చెప్పులు, పాస్ పుస్తకాలు పెట్టిస్తున్నారని మంత్రి తుమ్మల మండిపడ్డారు. రాష్ట్రంలో పత్తి విత్తనాల కొరత లేదని, ఆదిలాబాద్‌లో రైతులపై లాఠీఛార్జ్ జరగలేదని స్పష్టం చేశారు. ఒకే బ్రాండ్‌ విత్తనాలు కావాలని రైతులు డిమాండ్ చేయడంతోనే ఇబ్బంది ఏర్పడిందని ఆయన వివరించారు. రుణమాఫీ విషయం ఆర్బీఐతో చర్చిస్తున్నట్లు వెల్లడించారు.
News May 29, 2024
మే నెల పెన్షన్ల సొమ్ము విడుదల
మే నెల పెన్షన్ల సొమ్ము ₹1939.35 కోట్లను AP ప్రభుత్వం విడుదల చేసింది. 65.30 లక్షల మంది పెన్షనర్లలో 47.74 లక్షల మందికి JUN 1న ఖాతాల్లో నగదు జమ చేయనుంది. మిగతా వారికి JUN 5లోగా డోర్ టు డోర్ పెన్షన్ పంచనుంది. పంచాయతీ/వార్డు పరిపాలనా కార్యదర్శులు పెన్షన్ డబ్బును మే 31న డ్రా చేసి సచివాలయాల సిబ్బందికి ఇవ్వాలని ప్రభుత్వం ఆదేశించింది. ప్రజలకు ఇబ్బంది లేకుండా పెన్షన్లు పంపిణీ చేయాలని కలెక్టర్లకు సూచించింది.
News May 29, 2024
ఏపీలో వారి సంగతేంటి?: పీవీ రమేశ్
AP: రాష్ట్రంలో అసైన్డ్ భూముల స్కాంపై విచారణ జరిపించాలని మాజీ ఐఏఎస్ పీవీ రమేశ్ డిమాండ్ చేశారు. ‘మాజీ సీఎం హేమంత్ సోరెన్ 8 ఎకరాల విషయంలోనే జైలుకెళ్లారు. అలాంటిది ఏపీలో వేల ఎకరాలు దోచుకుంటున్న రాజకీయ నేతలు, బ్యూరోక్రాట్లు, కాంట్రాక్టర్ల సంగతేంటి? రాష్ట్ర ప్రభుత్వం 2023లో తీసుకొచ్చిన చట్టం వారికి ఓ వరంగా మారింది. తక్షణం ఆ చట్టాన్ని, ల్యాండ్ టైటిలింగ్ యాక్ట్‌ను రద్దు చేయాలి’ అని ఆయన ట్వీట్ చేశారు.
News May 29, 2024
బెలూన్లు ‘చెత్త’తోనే ఎందుకు?
ఉ.కొరియా తాజాగా ద.కొరియాపైకి <<13338040>>చెత్త బెలూన్ల<<>>ను పంపడం చర్చనీయాంశమైంది. ఉ.సరిహద్దుల్లో ఇటీవల ద.కొరియా కరపత్రాలు, చెత్త చెదారం వేసింది. దానికి ప్రతీకారం తీర్చుకుంటామని ఉ.కొరియా మద్దతుదారులు హెచ్చరించారు. ఈ నేపథ్యంలోనే ఉ.కొరియా ఇలా బెలూన్లకు చెత్త జత చేసి ద.కొరియాకు పంపింది. నిజానికి 1950ల్లో జరిగిన కొరియన్ యుద్ధం నుంచే ఇలా ఇరు కొరియాలు ఒకదానిపై మరోటి బెలూన్లను ప్రయోగిస్తున్నాయి.
News May 29, 2024
గంభీర్ మనసు మార్చుకున్నారా?
టీమ్ఇండియా హెడ్‌కోచ్‌గా బాధ్యతలు చేపట్టే విషయమై గౌతం గంభీర్ మనసు మార్చుకున్నట్లు తెలుస్తోంది. ఓ ఛానల్‌కు ఇచ్చిన ఇంటర్వ్యూలో ‘ఐపీఎల్లో విజయవంతమైన జట్టుగా అవతరించేందుకు కోల్‌కతా నైట్ రైడర్స్ మరో 3 ట్రోఫీలు గెలవాల్సి ఉంది. ఆ లక్ష్య సాధనకు మా జర్నీ ఇప్పుడే మొదలైంది’ అంటూ అతడు చేసిన వ్యాఖ్యలు ఇందుకు బలం చేకూరుస్తున్నాయి. మరికొన్నేళ్లు కేకేఆర్‌తో కొనసాగాలని గౌతీ నిర్ణయించుకున్నట్లు వార్తలొస్తున్నాయి.
News May 29, 2024
కౌంటింగ్ రోజున అప్రమత్తంగా ఉండాలి: CBN
AP: ఓటమికి కారణాలు వెతుకుతున్న YCP నేతలు ఈసీ, పోలీసులపై విమర్శలు చేస్తున్నారని TDP అధినేత చంద్రబాబు మండిపడ్డారు. పార్టీ ముఖ్య నేతలతో టెలీకాన్ఫరెన్స్ నిర్వహించిన CBN.. ‘జూన్ 1న జోనల్ స్థాయిలో కౌంటింగ్ ఏజెంట్లకు శిక్షణ ఇవ్వాలి. పోస్టల్ బ్యాలెట్ ఓట్లపై వైసీపీ చేస్తున్న <<13337856>>రాద్ధాంతం<<>> పట్ల, కౌంటింగ్ రోజున అప్రమత్తంగా ఉండాలి’ అని సూచించారు. అటు శుక్రవారం పార్టీ చీఫ్ ఎలక్షన్ ఏజెంట్లతో ఆయన భేటీ కానున్నారు.
Featured News
Sorry, no posts matched your criteria.