India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 27, 2024
ప్రపంచంలోనే అత్యధిక వయస్కుడు మృతి
ప్రపంచంలో అత్యధిక వయసుగల వ్యక్తిగా పేరొందిన జాన్ టిన్నిస్‌వుడ్ కన్నుమూశారు. ఆయన వయసు 112 ఏళ్లు. బ్రిటన్‌లోని సౌత్‌పోర్ట్‌‌లో జాన్ సోమవారం కన్నుమూసినట్లు ఆయన కుటుంబం ప్రకటించింది. 1912లో జన్మించిన జాన్‌ను ఈ ఏడాది APRలో వరల్డ్ ఓల్డెస్ట్ మెన్‌గా గిన్నిస్ బుక్ గుర్తించింది. టైటానిక్ ఓడ మునిగిన ఏడాదే(1912) ఆయన పుట్టడంతో ఆ విధంగానూ జాన్ ప్రాచుర్యం పొందారు. ఆయన జీవితాంతం లివర్‌పూల్ FC అభిమానిగా ఉన్నారు.
News November 27, 2024
మహారాష్ట్ర CM పేరు ప్రకటనపై ఆలస్యం.. కారణమిదే!
ఫలితాలొచ్చి 4రోజులు అవుతున్నా మహారాష్ట్ర CM ఎవరనేదానిపై ఉత్కంఠ వీడలేదు. నిన్న శిండే రాజీనామా చేయగా BJP అధిష్ఠానం పేరు ప్రకటిస్తుందనుకున్నా అలా జరగలేదు. మిత్రపక్షాల మధ్య విభేదాలు రావొద్దనే సమయం తీసుకుంటున్నట్లు సీనియర్ BJP నేత వెల్లడించారు. MHలో దీర్ఘకాల ప్రయోజనాల దృష్ట్యా CMను ఖరారు చేసే అవకాశముందని మరో నేత తెలిపారు. దేవేంద్ర ఫడణవీస్, శిండే CM కుర్చీపై ఆశలు పెట్టుకున్న విషయం తెలిసిందే.
News November 27, 2024
బంగ్లాలో హిందువులపై హింస.. పవన్ ఆందోళన
ఇస్కాన్ గురువు చిన్మయ్ కృష్ణదాస్‌‌ను బంగ్లాదేశ్ సర్కార్ అరెస్ట్ చేయడాన్ని అందరూ ఖండించాలని పవన్ కళ్యాణ్ పిలుపునిచ్చారు. హిందువులపై దాడులను ఆపాలని బంగ్లా ప్రభుత్వాన్ని కోరారు. బంగ్లా ఏర్పాటు కోసం భారత సైన్యం రక్తం చిందించిందని, ఎంతో మంది జవాన్లు ప్రాణాలు కోల్పోయారని గుర్తుచేశారు. హిందువులను లక్ష్యంగా చేసుకుని హింసకు పాల్పడటం తీవ్రంగా కలచివేస్తోందని, ఈ విషయంలో UN కలగజేసుకోవాలని ట్వీట్ చేశారు.
News November 27, 2024
త్వరలోనే డీఎస్సీ-2008 అభ్యర్థుల నియామకం
TG: డీఎస్సీ-2008 అభ్యర్థుల నియామక ప్రక్రియ కొలిక్కి వచ్చింది. 1400 మంది ఉద్యోగాలు చేయడానికి ముందుకు రాగా త్వరలోనే వీరిని కాంట్రాక్టు టీచర్లుగా నియమించనుంది. ఇప్పటికే వీరికి సర్టిఫికెట్ వెరిఫికేషన్ పూర్తయింది. ఇటీవల 10వేల మంది కొత్త టీచర్లను నియమించగా వీరి సర్దుబాటుపై అధికారులు కసరత్తు చేస్తున్నారు. కాగా SGT పోస్టుల్లో 30% డీఈడీ పూర్తి చేసిన వారికి కేటాయించడంతో కొందరు అభ్యర్థులు నష్టపోయారు.
News November 27, 2024
అఖిల్‌కు కాబోయే మామ బ్యాక్‌గ్రౌండ్ ఇదే..!
అఖిల్ అక్కినేనికి కాబోయే భార్య తండ్రి జుల్ఫీ రవ్‌డ్జీ గత జగన్ ప్రభుత్వంలో ముఖ్యమంత్రి సలహాదారుగా పని చేశారు. మిడిల్ ఈస్ట్ దేశాల్లో ప్రభుత్వ ప్రత్యేక ప్రతినిధిగా క్యాబినెట్ హోదాలో ఉండేవారు. రియల్ ఎస్టేట్, కన్‌స్ట్రక్షన్ వ్యాపారాలు చేసే జుల్ఫీ కుమారుడు జైన్ ప్రస్తుతం ZR Renewable Energy Pvt Ltd. ఛైర్మన్, ఎండీగా ఉన్నారు.
News November 27, 2024
న్యాయం చేయండి: 317 జీవో బాధితులు
TG: గత ప్రభుత్వం తీసుకొచ్చిన 317 జీవోపై కాంగ్రెస్ సర్కార్ వేసిన సబ్ కమిటీ రిపోర్ట్‌ను బహిర్గతం చేయాలని ఉద్యోగ, ఉపాధ్యాయులు డిమాండ్ చేస్తున్నారు. అసలు అందులో ఏముందో చెప్పాలంటున్నారు. అధికారంలోకి రాగానే 48 గంటల్లో 317 జీవోను రద్దు చేస్తానన్న హామీని సీఎం రేవంత్ రెడ్డి నిలబెట్టుకోవాలని కోరుతున్నారు. సొంత జిల్లాలకు దూరంగా ఉంటున్న తమకు స్థానికత ఆధారంగా న్యాయం చేయాలని విజ్ఞప్తి చేస్తున్నారు.
News November 27, 2024
చిన్మయ్ కృష్ణదాస్‌ అరెస్టుపై స్పందించిన బంగ్లాదేశ్
ఇస్కాన్ గురువు చిన్మయ్ కృష్ణదాస్‌ అరెస్ట్‌పై బంగ్లాదేశ్ విదేశాంగ శాఖ స్పందించింది. ఆయన్ను ప్రత్యేక పరిస్థితుల్లో అరెస్ట్ చేశామంది. దేశ న్యాయశాఖకు పూర్తి స్వేచ్ఛ ఉందని, ఆ విషయంలో జోక్యం చేసుకోబోమని తెలిపింది. తాము మైనార్టీల హక్కులకు రక్షణ కల్పిస్తామంది. మతపరమైన హింసను ప్రోత్సహించబోమని, చిన్మయ్ అరెస్టైన వేళ జరిగిన అల్లర్లలో అడ్వకేట్ సైఫుల్ ఇస్లాం హత్యను తీవ్రంగా పరిగణిస్తున్నట్లు చెప్పింది.
News November 27, 2024
అఖిల్‌కు కాబోయే భార్య వయసు ఎంతంటే?
అక్కినేని అఖిల్ (30) తన ప్రేయసి జైనబ్ రవ్‌డ్జీతో ఎంగేజ్మెంట్ చేసుకున్న సంగతి తెలిసిందే. అఖిల్ కంటే వయసులో జైనబ్ 9 ఏళ్లు పెద్ద అని పలు కథనాలు పేర్కొన్నాయి. మూవీ కోసం గుర్రపు స్వారీ నేర్చుకునే క్రమంలో వీరిద్దరి మధ్య ప్రేమ చిగురించినట్లు సమాచారం. అయితే జైనబ్ వయసు 27 ఏళ్లేనని మరి కొన్ని కథనాలు తెలిపాయి. ఏది ఏమైనా ప్రేమకు వయసు అడ్డు కాదని ఇద్దరి మనసులు కలవడం ముఖ్యమని అభిమానులు కామెంట్లు చేస్తున్నారు.
News November 27, 2024
కోస్తాంధ్రకు ఒకటో నంబర్ ప్రమాద హెచ్చరిక
AP: దక్షిణ బంగాళాఖాతంలో ఏర్పడిన తీవ్ర వాయుగుండం ఇవాళ తుఫానుగా రూపాంతరం చెందుతుందని వాతావరణ శాఖ తెలిపింది. దీని ప్రభావంతో ఉత్తర, దక్షిణ కోస్తాలో భారీ నుంచి అతి భారీ వర్షాలు పడే సూచనలున్నాయని పేర్కొంది. కోస్తాంధ్రలో ఒకటో నంబర్ ప్రమాద హెచ్చరిక జారీ చేసింది. తీర ప్రాంతాల్లో 35-55KMS వేగంతో ఈదురుగాలులు వీస్తాయని, దక్షిణ కోస్తాలో మత్స్యకారులు వేటకు వెళ్లవద్దని సూచించింది.
News November 27, 2024
బజరంగ్ పునియాకు NADA షాక్
జాతీయ డోపింగ్ నిరోధక సంస్థ (NADA) రెజ్లర్ బజరంగ్ పునియాకు షాక్ ఇచ్చింది. డోప్ పరీక్షకు నమూనా ఇచ్చేందుకు నిరాకరించినందుకు 4 ఏళ్ల నిషేధం విధించింది. జాతీయ జట్టు ట్రయల్స్ వేళ గత మార్చి 10న డోపింగ్ టెస్టుల కోసం పునియా శాంపిల్ ఇవ్వలేదు. దీంతో ఏప్రిల్‌లో తాత్కాలికంగా సస్పెండ్ చేసింది. దీనిపై నాడా క్రమశిక్షణ ప్యాన‌ల్‌ను బజరంగ్ ఆశ్రయించగా, విచారణలో దోషిగా తేలడంతో నిషేధం అమల్లోకి వచ్చింది.
Featured News
Sorry, no posts matched your criteria.