India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 24, 2024
మూడో రోజుకు చేరిన ఆరోగ్యశ్రీ ఆస్పత్రుల సమ్మె!
AP: తమకు రూ.1,500 కోట్ల బకాయిలు చెల్లించాలని డిమాండ్ చేస్తూ ఆరోగ్యశ్రీ నెట్‌వర్క్ ఆస్పత్రులు చేస్తున్న సమ్మె మూడో రోజుకు చేరింది. ప్రభుత్వం రూ.203 కోట్లు రిలీజ్ చేసినప్పటికీ యాజమాన్యాలు పట్టు వీడటం లేదు. పూర్తిగా చెల్లించాలని స్పష్టం చేస్తున్నాయి. మరోవైపు వైద్యసేవలకు అంతరాయం కలిగించే ఆస్పత్రులపై చర్యలు తీసుకుంటామని వైద్యశాఖ హెచ్చరించింది. రోగులకు ఇబ్బంది కలకుండా చూడాలని కలెక్టర్లను ఆదేశించింది.
News May 24, 2024
పూరీ-నాగ్ కాంబోలో మరో సినిమా?
డైరెక్టర్ పూరీ జగన్నాథ్, కింగ్ అక్కినేని నాగార్జున కలిసి మరో సినిమా చేయబోతున్నట్లు టాక్ వినిపిస్తోంది. ఇందుకోసం ప్రస్తుతం చర్చలు జరుగుతున్నాయని సినీవర్గాలు చెబుతున్నాయి. దీనిపై అధికారిక సమాచారం రావాల్సి ఉంది. గతంలో వీరిద్దరి కాంబోలో శివమణి, సూపర్ అనే రెండు చిత్రాలు వచ్చాయి. ప్రస్తుతం నాగ్ ‘కుబేర’ సినిమాతో బిజీగా ఉండగా, పూరీ ‘డబుల్ ఇస్మార్ట్’ను తెరకెక్కిస్తున్నారు.
News May 24, 2024
IPL: ప్లేఆఫ్స్‌లో ఏ జట్టుకు ఎన్ని విజయాలు?
ఐపీఎల్ చరిత్రలో అత్యధిక ప్లే ఆఫ్ మ్యాచులు ఆడిన, గెలిచిన రికార్డు CSK పేరిట ఉంది. ఆ జట్టు ఇప్పటివరకు 26 మ్యాచులు ఆడి 17 గెలిచింది. ఆ తర్వాత ముంబై 20 మ్యాచుల్లో 13, కేకేఆర్ 14 మ్యాచుల్లో 9, రాజస్థాన్ పదింట్లో ఐదు, SRH 12 ఆడి 5, ఆర్సీబీ 15 మ్యాచుల్లో 5, గుజరాత్ ఐదింట్లో 3, ఢిల్లీ 11 మ్యాచుల్లో 2, PBKS నాలుగింట్లో ఒకటి గెలిచాయి. LSG రెండు మ్యాచులాడి రెండింట్లో ఓడింది.
News May 24, 2024
బంగ్లా MP హత్య: స్నేహితుడే హంతకుడు
బంగ్లాదేశ్ ఎంపీ అన్వరుల్ అజీమ్ అనర్‌ను తన పాత స్నేహితుడే హత్య చేయించినట్లు కోల్‌కతా పోలీసులు నిర్ధారించారు. అజీమ్ హత్యకు ఆయన రూ.5 కోట్ల సుఫారీ ఇచ్చినట్లు గుర్తించారు. చికిత్స కోసం కోల్‌కతాకు వచ్చిన అజీమ్ అమెరికా పౌరసత్వం ఉన్న తన స్నేహితుడి ఇంట్లో ఉన్నారు. ఆ ఇంట్లోనే ఎంపీని హంతకులు ఊపిరాడకుండా చేసి చంపారు. అనంతరం మృతదేహాన్ని ముక్కలుగా చేశారు. ఇప్పటికే ఈ కేసులో పోలీసులు ముగ్గురిని అరెస్ట్ చేశారు.
News May 24, 2024
మోదీ విజయవాడ రోడ్‌షోలో డ్రోన్లు.. కేంద్రం ఆగ్రహం
AP: ఈ నెల 8న ప్రధాని మోదీ విజయవాడలో రోడ్‌షో నిర్వహిస్తుండగా రెండు డ్రోన్లు ఆ పరిధిలోకి రావడాన్ని కేంద్రం సీరియస్‌గా తీసుకుంది. భద్రతా లోపంపై వివరణ ఇవ్వాలని DGP, CSను ఆదేశించింది. బాధ్యులపై కఠిన చర్యలు తీసుకోవాలని, భవిష్యత్తులో ఇలాంటివి పునరావృతం కావొద్దని స్పష్టం చేసింది. మోదీ రోడ్ షో సాగే ప్రాంత గగనతలంలో 2KM మేర రెడ్ జోన్‌గా ప్రకటించారు. అయితే PM రాకకు 45 నిమిషాల ముందు 2 డ్రోన్లు సంచరించాయి.
News May 24, 2024
కవిత బెయిల్ పిటిషన్లపై నేడు విచారణ
MLC కవిత బెయిల్ పిటిషన్లపై ఢిల్లీ హైకోర్టులో నేడు విచారణ జరగనుంది. లిక్కర్ స్కామ్‌కు సంబంధించి ED, CBI కేసుల్లో బెయిల్ కోరుతూ ఆమె హైకోర్టును ఆశ్రయించగా, వీటిపై స్పందన తెలపాలని దర్యాప్తు సంస్థలకు కోర్టు నోటీసులిచ్చింది. నేడు మరోసారి వాదనలు విననుంది. అటు ED ఛార్జిషీట్‌ను పరిగణనలోకి తీసుకునే అంశంపై ట్రయల్ కోర్టు ఈనెల 29న తీర్పునివ్వనున్న నేపథ్యంలో నేటి విచారణ వాయిదా పడొచ్చని నిపుణులు చెబుతున్నారు.
News May 24, 2024
మా ప్రదర్శన పట్ల గర్వంగా ఉంది: కోహ్లీ
ఈ IPLలో తమ జట్టు ఆటతీరుపై గర్వంగా ఉందని RCB స్టార్ ప్లేయర్ కోహ్లీ అన్నారు. ‘వరుస ఓటములతో ఓ దశలో మా టీమ్ కుంగిపోయింది. అప్పుడు ఆత్మగౌరవం కోసం ఆడాలని నిర్ణయించుకున్నాక.. వరుసగా 6 మ్యాచ్‌లలో గెలవడం చాలా గొప్ప అనుభూతి ఇచ్చింది. మాలో ఆత్మవిశ్వాసం పెరిగింది. మొత్తం మారి ప్లేఆఫ్స్‌కు అర్హత సాధించడం ఎంతో ప్రత్యేకం. దీన్ని మర్చిపోను. టోర్నీ నుంచి నిష్క్రమించడం నిరాశ కలిగించింది’ అని కోహ్లీ చెప్పారు.
News May 24, 2024
అన్నతో తేల్చుకోవాలని షర్మిలకు చెప్పా: వీహెచ్
AP: తెలంగాణలో పార్టీ పెట్టిన షర్మిలకు ఏపీ వెళ్లి అన్నతో తేల్చుకోవాలని గతంలోనే చెప్పానని కాంగ్రెస్ సీనియర్ నేత VH హనుమంతరావు తెలిపారు. రాజమండ్రిలో మాట్లాడుతూ.. ఆమె మూడేళ్ల కిందటే ఏపీకి వచ్చి ఉంటే పరిస్థితి మరోలా ఉండేదన్నారు. వచ్చే ఐదేళ్లలో ఇక్కడ కూడా కాంగ్రెస్ బలపడుతుందని ఆశాభావం వ్యక్తం చేశారు. హైదరాబాద్ ఉప్పల్ స్టేడియంలో నెలకొల్పే రాజీవ్ గాంధీ విగ్రహాన్ని రాజమండ్రిలో తయారు చేయిస్తున్నామన్నారు.
News May 24, 2024
బ్లాక్‌లిస్టులో 3 ఈవీ కంపెనీలు?
ఎలక్ట్రిక్ వాహన తయారీ సంస్థలు హీరో ఎలక్ట్రిక్, ఒకినావా, బెన్లింగ్‌లను కేంద్రం బ్లాక్‌లిస్ట్ చేసే అవకాశం ఉంది. ఎలక్ట్రిక్ వాహనాల తయారీని ప్రోత్సహించేందుకు తీసుకొచ్చిన ఫేమ్-2 స్కీమ్ కింద తప్పుడు క్లెయిమ్‌లతో ఈ సంస్థలు ప్రయోజనాలు పొంది.. తిరిగి ఇవ్వలేదు. ఫేమ్-2 కింద స్థానికంగా విడిభాగాలు సేకరించకుండా, దిగుమతి చేసుకున్న వాటితో వాహనాలను రూపొందించాయని ఈ సంస్థలపై ఆరోపణలున్నాయి.
News May 24, 2024
ఈఏపీసెట్.. నేడు బీటెక్ స్ట్రీమ్ ‘కీ’ విడుదల
APEAPCET పరీక్షలు నిన్నటితో ముగిశాయి. ఇంజినీరింగ్ విభాగంలో 2,74,213 మందికి గాను 2,58,373 మంది, అగ్రికల్చర్, ఫార్మసీ విభాగంలో 88,638 మందికి గాను 80,766 మంది పరీక్ష రాసినట్లు సెట్ ఛైర్మన్ తెలిపారు. అగ్రికల్చర్, ఫార్మసీ విభాగం ప్రాథమిక కీ, రెస్పాన్స్ షీట్ విడుదల చేయగా.. 25వ తేదీ ఉదయం 10 గంటల వరకు అభ్యంతరాలు స్వీకరిస్తారు. ఇంజినీరింగ్ విభాగం కీ ఇవాళ రిలీజ్ చేస్తారు. 26 వరకు అభ్యంతరాలు స్వీకరిస్తారు.
Featured News
Sorry, no posts matched your criteria.