India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 19, 2024
‘కంగువా’ మూవీ రిలీజ్ డేట్ లాక్?
కోలీవుడ్ స్టార్ హీరో సూర్య నటిస్తున్న ‘కంగువా’ మూవీ విడుదల తేదీ ఫిక్స్ అయినట్లు తెలుస్తోంది. ఈ ఏడాది అక్టోబర్ చివరి వారంలో కానీ నవంబర్ 1న కానీ విడుదల చేయనున్నట్లు సమాచారం. దీనిపై అఫీషియల్ అనౌన్స్‌మెంట్ రావాల్సి ఉంది. సిరుతై శివ డైరెక్ట్ చేస్తున్న ఈ మూవీలో దిశా పటానీ హీరోయిన్‌గా నటిస్తున్నారు. బాబీ డియోల్ విలన్ పాత్ర పోషిస్తున్నారు. ఈ చిత్రంలో సూర్య డ్యూయల్ రోల్‌లో కనిపించనున్నారు.
News May 19, 2024
క్రికెటర్లకు NCA నుంచి పిలుపు?
దేశంలోని కొంతమంది టాలెంటెడ్ ప్లేయర్లను NCAకు పంపించాలని BCCI భావించినట్లు తెలుస్తోంది. వారి ఆటతీరు మెరుగుపరిచేందుకే BCCI ఈ నిర్ణయం తీసుకున్నట్లు సమాచారం. శ్రేయస్ అయ్యర్, ఇషాన్ కిషన్, మయాంక్ యాదవ్, ఉమ్రాన్, అవేశ్ ఖాన్, కుల్దీప్ సేన్, హర్షిత్ రాణా, అశుతోష్ శర్మ, తుషార్ దేశ్‌పాండే, రియాన్ పరాగ్, సాయిసుదర్శన్, సాయికిశోర్, పడిక్కల్, పృథ్వీషా, షామ్స్ ములానీతో పాటు మరికొందరు ఆటగాళ్లను NCAకు పంపనుందట.
News May 19, 2024
15% నాన్‌లోకల్ కోటా యథాతథం: బుర్రా వెంకటేశం
TG: రాష్ట్రంలోని ఉన్నత విద్యా కోర్సుల్లో ప్రవేశాలకు గతంలో మాదిరిగానే 15 శాతం నాన్‌లోకల్ కోటా ఉంటుందని విద్యాశాఖ ముఖ్యకార్యదర్శి బుర్రా వెంకటేశం స్పష్టం చేశారు. దీంతో ఏపీ విద్యార్థులు కన్వీనర్ కోటాలో సీట్లు దక్కించుకోవచ్చు. విభజన చట్టం ప్రకారం విధించిన ఈ నిబంధన ఈ ఏడాది జూన్ 2తో ముగియనుంది. అయితే ఈ తేదీలోపే పరీక్షల నోటిఫికేషన్ వెలువరించినందున ఈ విద్యాసంవత్సరానికి పాత విధానాన్నే కొనసాగించనున్నారు.
News May 19, 2024
బీజేపీ ఆఫీస్ ముట్టడికి ఆప్ పిలుపు.. ఢిల్లీలో హైటెన్షన్
ఢిల్లీలో బీజేపీ ఆఫీస్ ముట్టడికి ఆప్ నేతలు సిద్ధమయ్యారు. CM కేజ్రీవాల్ మాజీ పీఎస్ బిభవ్ కుమార్ అరెస్టుకు వ్యతిరేకంగా ఆ పార్టీ నిరసనకు పిలుపునిచ్చిన సంగతి తెలిసిందే. దీంతో బీజేపీ కార్యాలయం వద్ద పోలీసులు భారీగా మోహరించారు. భద్రతను కట్టుదిట్టం చేశారు. కాసేపట్లో ఆప్ నేతలు కమలం పార్టీ ఆఫీసుకు ర్యాలీగా బయల్దేరనున్నారు. దీంతో అక్కడ హైటెన్షన్ వాతావరణం నెలకొంది.
News May 19, 2024
భారీగా పెరిగిన చికెన్ ధర
తెలుగు రాష్ట్రాల్లోని చాలా ప్రాంతాల్లో చికెన్ ధరలు పెరిగాయి. హైదరాబాద్‌లో స్కిన్ లెస్ కేజీ ధర రూ.290-310 వరకు ఉంది. విత్ స్కిన్ అయితే రూ.280-300 వరకు ఉంది. గత వారం కేజీ చికెన్ ధర రూ.260 మాత్రమే ఉండగా.. ఈ వారం ఒక్కసారిగా పెరిగింది. వర్షాలు కురవడం, డిమాండ్‌కు తగ్గ సప్లై లేకపోవడంతో ధరలు పెరిగినట్లు తెలుస్తోంది. మీ ప్రాంతంలో చికెన్ ధర ఎంత ఉందో కామెంట్ చేయండి.
News May 19, 2024
థాయిలాండ్ ఓపెన్-2024 విజేతగా సాత్విక్-చిరాగ్
థాయిలాండ్ ఓపెన్ డబుల్స్ టైటిల్ విజేతగా భారత బ్యాడ్మింటన్ జోడీ సాత్విక్ సాయిరాజ్‌, చిరాగ్ శెట్టి నిలిచారు. ఫైనల్‌లో చైనాకు చెందిన చెన్ బోయాంగ్-లియూ యీపై 21-15, 21-15 తేడాతో గెలుపొందారు. దీంతో వరల్డ్ నంబర్ 1 ర్యాంకును తిరిగి పొందారు. వీరికి ఇది రెండో థాయిలాండ్ ఓపెన్ టైటిల్.
News May 19, 2024
వాట్సాప్‌లో కొత్త ఫీచర్లు
వాట్సాప్‌లో ‘Pinned message preview’, ‘Description for community group chats’ అనే ఫీచర్లు రానున్నాయి. ‘పిన్నెడ్ మెసేజ్ ప్రివ్యూ’తో చాట్‌లో యూజర్లు తాము పిన్ చేసిన మీడియా ఫైల్‌ను ఓపెన్ చేయకుండానే చూసే వీలుంటుంది. అంటే పిన్ చేసిన దగ్గరే థంబ్‌నైల్ రూపంలో ప్రివ్యూ కనిపిస్తుంది. ఇక ‘డిస్క్రిప్షన్ ఫర్ కమ్యూనిటీ గ్రూప్ చాట్స్’ ఫీచర్‌తో కమ్యూనిటీ గ్రూపుల్లో అడ్మిన్స్ తమ గ్రూప్ వివరాల్ని యాడ్ చేసుకోవచ్చు.
News May 19, 2024
గూస్ బంప్స్ గ్యారంటీ: దేవర టీమ్
Jr.NTR బర్త్ డే కానుకగా ‘దేవర’ నుంచి ఇవాళ రాత్రి 7:02 గంటలకు ‘ఫియర్ సాంగ్’ రానుంది. ఈ పాటలోని ప్రతీ లైన్ గూస్‌బంప్స్ తెప్పిస్తుందని మూవీ టీమ్ తెలిపింది. గేయ రచయితలు బ్లేడ్‌లాగా ప్రతి లైన్‌ను చెక్కుతూ రాశారని పేర్కొంటూ రచయితల పేర్లను వెల్లడించింది. తెలుగులో రామజోగయ్య శాస్త్రి, తమిళంలో విష్ణు ఏడవన్, హిందీలో మనోజ్ ముంతాషిర్, కన్నడలో ఆజాద్ వరదరాజ్, మలయాళంలో ఎం.గోపాలకృష్ణన్ రచించినట్లు పేర్కొంది.
News May 19, 2024
బరువు పెరగాలనుకుంటున్నారా?
చాలామంది బరువు తగ్గాలని అనుకుంటారు. కానీ కొంతమంది బరువు పెరగాలని ఆరాటపడుతుంటారు. కొన్ని పద్ధతులు పాటిస్తే బరువు పెరగొచ్చని నిపుణులు చెబుతున్నారు. కొలెస్ట్రాల్ లెవెల్స్ ఎక్కువగా ఉండే రెడ్ మీట్ తింటే బరువు పెరుగుతారు. పాలల్లో ఓట్స్, హోల్ గ్రెయిన్స్ కలిపి తీసుకుంటే ఫలితం ఉంటుంది. పీనట్ బటర్‌ను బ్రెడ్‌తో కలిపి తింటే బరువు పెరగొచ్చు. మామిడి, బొప్పాయి, పైనాపిల్, ఆవకాడో పండ్లు తింటే బరువు పెరుగుతారు.
News May 19, 2024
నాలుగు నెలల్లోనే 1,300 ఫోన్లు ట్యాపింగ్?
TG: ఫోన్ ట్యాపింగ్ కేసులో కొత్త కోణాలు వెలుగులోకి వస్తున్నాయి. MLA ఎన్నికల ముందు ఆగష్టు నుంచి నవంబర్ వరకు 1,300 ఫోన్లు ట్యాపింగ్ చేసినట్లు తెలుస్తోంది. SIB కేంద్రంగా ఈ ట్యాపింగ్ జరిగినట్లు సమాచారం. ఎన్నికలు ముగియగానే ఫోన్ ట్యాపింగ్ కూడా ఆగిపోయినట్లు తెలుస్తోంది. BRS అభ్యర్థులపై పోటీ చేసిన ప్రత్యర్థుల ఫోన్లే ట్యాప్ అయినట్లు టాక్. అధికారులు ఫోన్ ట్యాప్ బాధితుల వాంగ్మూలం తీసుకుంటున్నట్లు సమాచారం.
Featured News
Sorry, no posts matched your criteria.