India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 17, 2024
RCB ప్లేఆఫ్స్‌కు వెళ్లాలంటే?
బెంగళూరు ప్లేఆఫ్స్‌కు వెళ్లాలంటే రన్ రేట్ ఇలా ఉండాలి. RCB మొదట బ్యాటింగ్ చేసి 200 టార్గెట్ ఇస్తే.. CSKను 182 రన్స్‌కే కట్టడి చేయాలి. ఒకవేళ వర్షం వల్ల ఓవర్లు కుదిస్తే 10ఓవర్లలో 130 రన్స్ చేసి CSKని 112 పరుగులకు ఆలౌట్ చేయాలి. RCB ఛేజింగ్ చేస్తే 201 రన్స్ టార్గెట్‌ని 18.1 ఓవర్లలో ఛేదించాలి. ఒకవేళ 10 ఓవర్లలో 131 టార్గెట్‌ని ఛేదించాల్సి వస్తే 8.1 ఓవర్లలో పూర్తిచేయాలి. మరి RCB ప్లేఆఫ్స్‌కు వెళ్తుందా?
News May 17, 2024
వారికి సమన్లు మాత్రమే ఇవ్వాలి: SC
కేసు నమోదు సమయానికి నిందితులను <<13261624>>ED<<>> అరెస్ట్ చేయకపోతే సెక్షన్ 44(1)(B) ప్రకారం.. ప్రత్యేక కోర్టు వారికి సమన్లు మాత్రమే జారీ చేయాలని సుప్రీంకోర్టు స్పష్టం చేసింది. ‘నిందితులు బెయిల్‌పై ఉన్నా వారికి వారెంట్ ఇవ్వరాదు. విచారణకు వస్తానని వారి నుంచి బాండు కోరవచ్చు. నిర్దేశిత తేదీన కోర్టుకు రాకపోతే తొలుత బెయిలబుల్ వారెంట్ జారీ చేయాలి. అప్పటికీ హాజరుకాకపోతే నాన్‌బెయిలబుల్ వారెంట్ జారీ చేయాలి’ అని పేర్కొంది.
News May 17, 2024
జూన్ 29 నుంచి అమర్నాథ్ యాత్ర
ఏటా లక్షలాది మంది భక్తులు సందర్శించే అమర్నాథ్ యాత్ర జూన్ 29న ప్రారంభం కానుంది. 53రోజులు సాగి ఆగస్టు 19న ముగుస్తుందని అమర్నాథ్ బోర్డు తెలిపింది. యాత్రకు వెళ్లే రెండు రూట్లలో 12 క్రిటికల్ స్పాట్స్‌ను గుర్తించామంది. ఈ ప్రాంతాల్లో SDRF, NDRF, CRPF రెస్క్యూ టీమ్స్‌ ఉంటాయంది. భక్తులకు అత్యవసర పరిస్థితులు ఎదురైతే సహాయం అందించేందుకు J&K పోలీసు విభాగానికి చెందిన 1,300 మంది సిద్ధంగా ఉంటారని తెలిపింది.
News May 17, 2024
తెలంగాణ హైకోర్టుకు ఎన్టీఆర్
ప్లాట్ కొనుగోలు వివాదంలో స్టార్ హీరో NTR హైకోర్టును ఆశ్రయించారు. ఆయన 2003లో లక్ష్మీ అనే మహిళ వద్ద జూబ్లీహిల్స్‌లో ఒక ప్లాట్ కొన్నారు. అయితే.. ఆ ప్లాట్‌పై ఆమె అప్పటికే లోన్ తీసుకున్న విషయాన్ని దాచిపెట్టారు. దీంతో ప్లాట్‌ను స్వాధీనం చేసుకునేందుకు బ్యాంకులు యత్నించాయి. ఈ నేపథ్యంలో 2019లోనే బ్యాంకు మేనేజర్లపై NTR పోలీసులకు ఫిర్యాదు చేశారు. తాజాగా ఆయనకు వ్యతిరేకంగా DRT రావడంతో కోర్టు మెట్లెక్కారు.
News May 17, 2024
ఓటర్లకు ఎందుకీ సహన పరీక్ష!
AP: ఓటు మన హక్కు అంటూ చైతన్యపర్చే ఎన్నికల సంఘం.. ఓటర్లకు సరైన సౌకర్యాలు కల్పించడంలో ఫెయిల్ అవుతుందనే విమర్శలు వెల్లువెత్తుతున్నాయి. ఈ ఎన్నికల్లో 5600 కేంద్రాలకు ఒక్కోచోట 1200కు పైగా ఓటర్లను కేటాయించింది. చాలా చోట్ల అర్ధరాత్రి వరకు ఓటింగ్ జరిగింది. ఒక్కో వ్యక్తి ఓటేయడానికి 2ని.ల సమయం పడుతుండటంతో ఓటరుకి నాలుగైదు గంటల నిరీక్షణ తప్పట్లేదు. 400-500 మందికి ఓ కేంద్రం పెట్టలేరా? అనే ప్రశ్న తలెత్తుతోంది.
News May 17, 2024
నైరుతి రుతుపవనాలు అంటే ఏంటి?
మే 31నాటికల్లా నైరుతి రుతుపవనాలు కేరళను తాకుతాయని వాతావరణ శాఖ తెలిపింది. ఇంతకీ ఈ నైరుతి రుతుపవనాలంటే ఏంటో తెలుసా? భారత్‌లో జూన్ నుంచి సెప్టెంబర్ వరకు నైరుతి దిశగా అంటే అరేబియా సముద్రం మీదుగా హిమాలయాల వైపు గాలులు వీస్తాయి. ఈ గాలులే నైరుతి రుతుపవనాలు. అక్టోబరులో ఈ గాలులు వ్యతిరేక దిశలో వీస్తాయి. అవి ఈశాన్య రుతుపవనాలు.
News May 17, 2024
ఇకపై TGతో రిజిస్ట్రేషన్లు.. కేంద్రం గెజిట్ జారీ
TG: తెలంగాణలో వాహన రిజిస్ట్రేషన్ ప్లేట్లలో TS స్థానంలో TGని అమలుచేసేందుకు ఆదేశిస్తూ కేంద్ర ప్రభుత్వం గెజిట్ నోటిఫికేషన్‌ జారీ చేసింది. ఇకపై రాష్ట్రంలో నంబర్ ప్లేట్లు TGతో జారీ కానున్నాయి. ఇది కేవలం కొత్త వాహనాలకు వర్తిస్తుంది. పాతవి TSతో కొనసాగనున్నాయి. ఈ అంశంపై రాష్ట్ర ప్రభుత్వ విజ్ఞప్తికి కేంద్రం గతంలోనే ఆమోదం తెలపగా.. గెజిట్ జారీతో ఆ నిర్ణయం అధికారికంగా అమలుకానుంది.
News May 17, 2024
INDIAకు 300, NDAకు 200 సీట్లు: DK
ఈ పార్లమెంటు ఎన్నికల్లో తమ INDIA కూటమికి 300 సీట్లు వస్తాయని కర్ణాటక డిప్యూటీ సీఎం, కాంగ్రెస్ నేత డీకే శివకుమార్ ధీమా వ్యక్తం చేశారు. ఎన్డీయేకు దాదాపు 200 సీట్లు వస్తాయని జోస్యం చెప్పారు. సమష్టి నాయకత్వంపై తమకు నమ్మకం ఉందని, ఎన్నికల్లో విజయం సాధించి ప్రభుత్వాన్ని ఏర్పాటు చేసేందుకు కలిసి పనిచేస్తున్నామని ఆయన అన్నారు. యూపీలోని లక్నోలో ఆయన మీడియాతో మాట్లాడారు.
News May 17, 2024
అలాంటి సందర్భంలో నిందితుడిని ED అరెస్ట్ చేయరాదు: సుప్రీంకోర్టు
మనీలాండరింగ్ కేసు ప్రత్యేక కోర్టు పరిశీలనలో ఉన్నప్పుడు నిందితుడిని ED అరెస్ట్ చేయరాదని SC తెలిపింది. సమన్లు పొందిన వ్యక్తి కోర్టు ముందు హాజరు కావడాన్ని కస్టడీలో ఉన్నట్లు భావించలేమంది. అతడిని ED కస్టడీలోకి తీసుకోవాలంటే కోర్టు అనుమతి తప్పనిసరి అని పేర్కొంది. ఇలాంటి కేసులు కోర్టు పరిశీలనలో ఉన్నప్పుడు నిందితుడికి PMLA సెక్షన్ 45లోని 2 నిబంధనలు వర్తిస్తాయా అనే పిటిషన్‌పై SC ఈ విధంగా తీర్పిచ్చింది.
News May 17, 2024
భూముల ధరలు సవరించండి: CM రేవంత్
TG: భూములు, స్థిరాస్తుల మార్కెట్ విలువ భారీగా పెరిగినా రిజిస్ట్రేషన్లు, స్టాంపుల ద్వారా వచ్చే ఆదాయం పెరగలేదని CM రేవంత్ రెడ్డి అన్నారు. ఏడాదికోసారి మార్కెట్ విలువను సవరించాలని, అందుకు అవసరమైన చర్యలు చేపట్టాలని అధికారులను ఆదేశించారు. రాష్ట్ర రాబడి పెంచడంతోపాటు స్థిరాస్తి, నిర్మాణ రంగాన్ని ప్రోత్సహించేందుకు మార్కెట్ ధరలు పెంచాలన్నారు. ఏయే ప్రాంతాల్లో ఎంత సవరించాలనేది నిర్ధారించాలని సూచించారు.
Featured News
Sorry, no posts matched your criteria.