India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 15, 2024
భార్య అందంగా తయారవుతోందని చంపేశాడు!
భార్య అందంగా తయారు కావడం ఇష్టం లేని ఓ భర్త ఆమెను చంపేశాడు. ఈ ఘటన కర్ణాటకలోని రామనగర జిల్లా మాగడిలో జరిగింది. దివ్య (32), ఉమేశ్ భార్యాభర్తలు. దివ్య ఎప్పుడూ అందంగా కనపడేందుకు లిప్‌స్టిక్ వేసుకునేది, ఓ టాటూ కూడా వేయించుకుంది. దీంతో ఇద్దరి మధ్య గొడవలు జరిగి విడాకుల కోసం కోర్టుకెళ్లారు. కోర్టు విచారణకు హాజరైన అనంతరం ఇక అనుమానించనని ఆమెను నమ్మించి ఓ గుడికి తీసుకెళ్లి తన స్నేహితులతో కలిసి హత్య చేశాడు.
News August 15, 2024
తాడేపల్లిలో జాతీయ జెండాను ఆవిష్కరించిన జగన్
AP: తాడేపల్లిలోని వైసీపీ కేంద్ర కార్యాలయంలో స్వాతంత్య్ర వేడుకలు ఘనంగా జరిగాయి. మాజీ సీఎం వైఎస్ జగన్ జాతీయ జెండాను ఆవిష్కరించారు. సమరయోధుల చిత్రపటాలకు పూల మాలలు వేసి నివాళులర్పించారు. ఈ కార్యక్రమంలో మండలి ప్రతిపక్ష నేత లేళ్ల అప్పిరెడ్డి, మాజీ మంత్రులు, వైసీపీ నేతలు పాల్గొన్నారు.
News August 15, 2024
సూపర్-6 పథకాల అమలుకు షణ్ముఖ వ్యూహం: పవన్
AP: సమరయోధుల బాటలో కుల, మత, ప్రాంతాలకు అతీతంగా సుపరిపాలనను అందిస్తున్నామని డిప్యూటీ సీఎం పవన్ చెప్పారు. కాకినాడలో మాట్లాడుతూ..‘సూపర్-6 అమలుకు షణ్ముఖ వ్యూహంతో ముందుకెళ్తున్నాం. సామాజిక పింఛన్ల మొత్తాన్ని పెంచాం. ఉచితంగా ఇసుక అందిస్తున్నాం. డొక్కా సీతమ్మ పేరిట స్కూళ్లలో మధ్యాహ్న భోజనం, NTR స్ఫూర్తితో పేదలకు రూ.5కే భోజనం కార్యక్రమాలు అమలు చేస్తున్నాం’ అని తెలిపారు
News August 15, 2024
సమంత డేటింగ్ వార్తలు.. ఆ డైరెక్టర్ బ్యాక్‌గ్రౌండ్ ఇదే
‘ది ఫ్యామిలీ మాన్’ డైరెక్టర్ రాజ్‌తో సమంత <<13847640>>డేటింగ్<<>> వార్తలు రావడంతో అతని గురించి తెలుసుకోవడానికి నెటిజన్లు ఆసక్తి చూపుతున్నారు. రాజ్ స్వస్థలం తిరుపతి. SVUలో బీటెక్ చేసి USలో సాఫ్ట్‌వేర్ ఇంజినీర్‌గా పనిచేశారు. 2003లో ఇంగ్లిష్‌లో ‘ఫ్లేవర్స్’ అనే సినిమా చేశారు. ‘99’ చిత్రంతో బాలీవుడ్‌లోకి ఎంట్రీ ఇచ్చారు. ఫ్రెండ్ డీకేతో కలిసి ఇప్పటికి 9 సినిమాలు, 4 వెబ్‌సిరీస్‌లకు డైరెక్షన్ చేశారు.
News August 15, 2024
యోధులకు వందనం.. మీ సేవలు మరువం
కని పెంచిన తల్లిదండ్రుల నుంచే స్వేచ్ఛ లేదని ఈ తరం పిల్లలు రచ్చ చేస్తున్నారు. కానీ వారికి అసలైన స్వేచ్ఛ, స్వాతంత్ర్యం గురించి తెలియాలంటే 1947 AUG 15 కంటే వెనక్కు వెళ్లాలి. వందల ఏళ్లు పరాయివాడి పాలనలో నలిగిపోయి భారతావని కన్నీళ్లుపెట్టింది. తెల్లవారిని తరిమికొట్టి దేశానికి స్వేచ్ఛ కోసం గాంధీ, బోస్, నెహ్రూనే కాదు.. ఎన్నో వేల మంది ప్రాణ త్యాగాలు చేశారు. అలాంటి యోధులకు వందనం.. మీ సేవలు ఎన్నటికీ మరవం.
News August 15, 2024
దేశంలో అత్యాచారాలను తీవ్రంగా ఖండిస్తున్నా: మోదీ
కోల్‌కతాలో ట్రైనీ వైద్యురాలు హత్యాచార ఘటన దేశవ్యాప్తంగా సంచలనం రేపుతున్న నేపథ్యంలో PM మోదీ స్పందించారు. దేశంలో అత్యాచారాలను తీవ్రంగా ఖండిస్తున్నానని స్వాతంత్ర్య దినోత్సవం సందర్భంగా ఎర్రకోట వద్ద ప్రసంగంలో వ్యాఖ్యానించారు. మహిళా ఉద్యోగుల మెటర్నిటీ సెలవులను 12 వారాల నుంచి 26 వారాలకు పెంచామని ఆయన గుర్తు చేశారు. తాము మహిళలను గౌరవించడమే కాకుండా వారి కోసం ఎన్నో సంక్షేమ పథకాలు అమలు చేస్తున్నామన్నారు.
News August 15, 2024
ఈసారి ప్రధాని తలపాగా ప్రత్యేకత ఏంటంటే..
2014 నుంచి ప్రతీ పంద్రాగస్టు వేడుకలకు PM మోదీ ఒక్కో సంస్కృతి విశిష్టతను సూచించేలా తలపాగాను ధరిస్తూ వస్తున్నారు. ఈరోజు కాషాయం, పసుపు, పచ్చ వర్ణాలు కలిగిన రాజస్థానీ లెహెరియా తలపాగాను ధరించారు. రాజస్థాన్ ఎడారుల్లో గాలి కారణంగా ఏర్పడే ఇసుక తిన్నెల ఆకారాల స్ఫూర్తిగా లెహెరియా తలపాగాల డిజైన్ ఉంటుంది. కాగా.. గత ఏడాది పసుపు, పచ్చ, ఎరుపు రంగులతో కూడిన బంధనీ ప్రింట్ తలపాగాతో ప్రధాని కనిపించారు.
News August 15, 2024
కొడుకు రూ.2.40 కోట్ల అప్పు.. తీర్చలేక పేరెంట్స్ ఆత్మహత్య
AP: ఒక్కగానొక్క కొడుకని అల్లారుముద్దుగా పెంచినందుకు తన వ్యసనాలతో తల్లిదండ్రుల ఉసురుతీసి రుణం తీర్చుకున్నాడో దుర్మార్గుడు. నంద్యాల(D) అబ్దుల్లాపురానికి చెందిన మహేశ్వర్, ప్రశాంతి దంపతుల కొడుకు నిఖిల్. డిగ్రీ కోసం బెంగళూరుకు పంపితే బెట్టింగులకు బానిసై ₹2.40 కోట్ల అప్పు చేశాడు. పేరెంట్స్ 10 ఎకరాల భూమి, ఇల్లు అమ్మేసినా అప్పు తీరలేదు. రుణదాతల నుంచి ఒత్తిడి పెరగడంతో పురుగు మందు తాగి సూసైడ్ చేసుకున్నారు.
News August 15, 2024
సిద్ధార్థ్ మల్హోత్రాతో శ్రీలీల మూవీ?
టాలీవుడ్ హీరోయిన్ మరో బాలీవుడ్ చిత్రంలో నటిస్తున్నట్లు తెలుస్తోంది. బల్వీందర్ సింగ్ రూపొందించనున్న ‘మిట్టి’ మూవీలో ఆమె నటించనున్నట్లు సమాచారం. ఈ చిత్రంలో సిద్ధార్థ్ మల్హోత్రాతో కలిసి ఆమె స్క్రీన్ షేర్ చేసుకుంటున్నట్లు టాక్. ఈ సినిమా అక్టోబర్‌లో సెట్స్‌పైకి వెళ్లనున్నట్లు తెలుస్తోంది. కాగా ఇప్పటికే సైఫ్ అలీఖాన్ కుమారుడు ఇబ్రహీం అలీఖాన్ హీరోగా తెరకెక్కుతున్న ‘దిలేర్’ మూవీలో శ్రీలీల నటిస్తున్నారు.
News August 15, 2024
మనం ఎలాంటి స్వాతంత్య్రాన్ని జరుపుకుంటున్నాం?: ఉపాసన
కోల్‌కతాలో మహిళా వైద్యురాలిపై <<13822185>>హత్యాచార<<>> ఘటనపై ఉసాసన ఆవేదన వ్యక్తం చేశారు. ‘మానవత్వాన్నే అపహాస్యం చేసే ఘటన ఇది. సమాజంలో అనాగరికత కొనసాగుతుంటే మనం ఎలాంటి స్వాతంత్య్రాన్ని జరుపుకుంటున్నాం? దేశ ఆరోగ్య సంరక్షణకు మహిళలే వెన్నెముక. ఎక్కువ మంది స్త్రీలను వర్క్‌ఫోర్స్‌లోకి తీసుకురావాలనే నా లక్ష్యం బలపడింది. వారికి భద్రత, గౌరవాన్ని అందించేందుకు కృషి చేద్దాం’ అని ట్వీట్ చేశారు.
Featured News
Sorry, no posts matched your criteria.