India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 9, 2024
ఒకే కుటుంబం.. ఒకేసారి 17 మందికి పెళ్లి
ఒక పెళ్లి చేయడానికే తంటాలు పడుతున్న రోజులివి. అలాంటిది ఒకే ఇంట్లో 12 మంది మనవరాళ్లు, ఐదుగురు మనవళ్లకు 2 రోజుల్లోనే పెళ్లి చేశాడో తాత. రాజస్థాన్‌లోని బికనీర్ జిల్లాలోని సూర్జారామ్ గోదారా అనే వ్యక్తి తన సొంతింట్లోనే ఈ సామూహిక వివాహాలు జరిపించాడు. ఏప్రిల్ 1, 2 తేదీల్లో ఈ వేడుక జరిగింది. అందరి పేర్లతో ఒకే శుభలేఖ ముద్రించడం విశేషం. అటు ఖర్చు తగ్గించడంతోపాటు వేడుక జీవితంలో గుర్తుండిపోయేలా చేశాడు.
News April 9, 2024
ఈ ఏడాది నా కొడుకుకి చాలా కీలకం: కవిత
బోర్డ్ ఎగ్జామ్స్ రాయనున్న తన కుమారుడికి ఈ ఏడాది చాలా కీలకమని లేఖలో కవిత పేర్కొన్నారు. తల్లిగా కుమారుడి పక్కన ఉండాల్సిన సమయమిదని తెలిపారు. తన చిన్న కుమారుడి పరీక్ష సమయంలో పక్కన లేకపోవడం అతనిపై ప్రభావం చూపిస్తుందనే భయాన్ని ఆమె వ్యక్తం చేశారు. దయచేసి తన బెయిల్ విజ్ఞప్తిని పరిగణనలోకి తీసుకోవాలని జడ్జిని కోరారు.
News April 9, 2024
నా బ్యాచ్‌మేట్‌ను కోల్పోయాను: CV ఆనంద్
తన బ్యాచ్‌మేట్ అయిన తెలంగాణ IPS అధికారి రాజీవ్ రతన్ గుండెపోటుతో చనిపోవడం పట్ల ACB డీజీ సీవీ ఆనంద్ దిగ్భ్రాంతి వ్యక్తం చేశారు. ‘రాజీవ్ చనిపోయారనే వార్తతో నిద్రలేచాను. ఉగాది పండుగ రోజున ఇలాంటి బ్యాడ్ న్యూస్ వింటాననుకోలేదు. గత నెలలోనే మేము ఆల్ ఇండియా పోలీస్ గోల్ఫ్ టోర్నమెంట్‌లో పాల్గొనేందుకు షిల్లాంగ్ వెళ్లాం. ఆయన భార్య, కుమారునికి నా ప్రగాఢ సానుభూతి. కేవలం ఆయన జ్ఞాపకాలే మిగిలాయి’ అని ట్వీట్ చేశారు.
News April 9, 2024
BIG BREAKING: లేఖ విడుదల చేసిన కవిత
లిక్కర్ స్కామ్ కేసులో అరెస్టైన ఎమ్మెల్సీ కవిత మీడియాకు నాలుగు పేజీల లేఖను విడుదల చేశారు. ‘లిక్కర్ కేసుతో నాకెలాంటి సంబంధం లేదు. నేను తప్పు చేశాననడానికి ఆధారాలు కూడా లేవు. రెండున్నరేళ్ల విచారణలో ఎలాంటి రుజువు లభించలేదు. వేరే వ్యక్తుల స్టేట్‌మెంట్‌తో నన్ను అరెస్ట్ చేశారు. ఈ వ్యవహారంలో నేను ఎలాంటి ఆర్థిక లబ్ధి పొందలేదు. కేవలం బాధితురాలిని మాత్రమే’ అని కవిత పేర్కొన్నారు.
News April 9, 2024
చరిత్రలో తొలిసారి
దేశీయ స్టాక్ మార్కెట్ సెన్సెక్స్ రోజు రోజుకూ కొత్త రికార్డులు నమోదు చేస్తోంది. సెన్సెక్స్ చరిత్రలోనే తొలిసారి 75 వేల మార్కును తాకింది. ఇవాళ 300 పాయింట్లకు పైగా లాభంలో కొనసాగుతోంది. నిన్న దేశీయ మార్కెట్‌లో నమోదైన కంపెనీల విలువ రూ.400 లక్షల కోట్ల మార్క్ దాటిన సంగతి తెలిసిందే.
News April 9, 2024
ఫామ్ కోల్పోయిన ఆటగాళ్లకు అండగా RCB?
ఈ IPL సీజన్‌లో ఫామ్‌లోలేని ఆటగాళ్లు RCBపై చెలరేగి ఆడుతున్నారు. దీనిపై నెట్టింట జోకులు పేలుతున్నాయి. తొలి 3 మ్యాచ్‌ల్లో 35 రన్స్ చేసిన బట్లర్.. RCBపై శతకంతో రెచ్చిపోయాడు. అసలు బ్యాటింగే మర్చిపోయిన సునీల్ నరైన్ 22 బంతుల్లోనే 47 రన్స్ బాదాడు. ఫామ్‌లోలేని డీకాక్ 56 బంతుల్లో 81 పరుగులు సాధించారు. హర్‌ప్రీత్ బ్రార్‌కు RCBతో మ్యాచ్ అంటే పండగే. వీళ్లతో మ్యాచ్ అంటే బ్రార్ 2, 3 వికెట్లు తీయాల్సిందే.
News April 9, 2024
పుష్ప-2: ఒక్క సీన్ కోసం.. 51 టేక్స్!
‘పుష్ప-2’ సినిమా కోసం ఐకాన్ స్టార్ అల్లు అర్జున్ తీవ్రంగా శ్రమిస్తున్నారు. ఈ నేపథ్యంలో ఓ వార్త వైరల్ అవుతోంది. సినిమాలో ఓ సీన్ కోసం అల్లు అర్జున్ ఏకంగా 51 టేక్స్ తీసుకున్నట్లు సినీవర్గాల్లో చర్చ నడుస్తోంది. దీంతో క్వాలిటీ కోసం అల్లు అర్జున్ డెడికేషన్ ఇలాగే ఉంటుందని అభిమానులు కామెంట్లు చేస్తున్నారు. పుష్ప సినిమాతో AAకు భారీ ఫాలోయింగ్ ఏర్పడగా.. పార్ట్-2 కోసం దేశవ్యాప్తంగా ఎదురుచూస్తున్నారు.
News April 9, 2024
BREAKING: ఎమ్మెల్సీ కవితకు ఎదురుదెబ్బ
లిక్కర్ స్కామ్ కేసులో BRS MLC కవితకు మరో షాక్ తగిలింది. నేటితో జుడీషియల్ గడువు ముగియగా ED అధికారులు కోర్టులో ప్రవేశపెట్టారు. ఈడీ విజ్ఞప్తి మేరకు రిమాండ్ గడువును ఈ నెల 23 వరకు పొడిగించింది. గత నెల 15న కవితను ED అరెస్టు చేసిన సంగతి తెలిసిందే. కాగా ఆమె మధ్యంతర బెయిల్ పిటిషన్‌ను నిన్న కోర్టు కొట్టేసింది.
News April 9, 2024
సంక్రాంతికి ‘రవితేజ-75’ సినిమా రిలీజ్
ఉగాది సందర్భంగా మాస్ మహారాజా రవితేజ నటించబోయే కొత్త సినిమాకు సంబంధించిన అప్డేట్ వచ్చేసింది. రవితేజ 75వ సినిమాను భాను బోగవరపు తెరకెక్కించనున్నట్లు నిర్మాత నాగవంశీ ప్రకటించారు. ‘వచ్చే సంక్రాంతికి రవన్న దావత్ ఇస్తుండు… రెడీ అయిపొండ్రి’ అంటూ ఆయన ఓ పోస్టర్‌ను రిలీజ్ చేశారు. ఫుల్ టూ కామెడీ, డాన్స్, యాక్షన్ సీన్స్‌తో అదరగొడతామని నాగవంశీ ఫ్యాన్స్‌కు హామీ ఇచ్చారు.
News April 9, 2024
BREAKING: కవిత మాట్లాడేందుకు అనుమతి నిరాకరణ
ఢిల్లీ లిక్కర్ స్కామ్ కేసులో అరెస్టైన బీఆర్ఎస్ ఎమ్మెల్సీ కవిత కోర్టులో మాట్లాడేందుకు జడ్జి అనుమతి నిరాకరించారు. అయితే జడ్జి అనుమతితో కుటుంబ సభ్యులు కవితను కలిశారు. కాగా రిమాండ్ పొడిగించేందుకు ఈడీ వద్ద కొత్తగా కారణమేమీ లేదని కవిత తరఫు న్యాయవాది వాదించారు. కవిత బయట ఉంటే దర్యాప్తును ప్రభావితం చేస్తారని ఈడీ పేర్కొంది.
Featured News
Sorry, no posts matched your criteria.