India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 8, 2024
ఫలితాల విడుదలపై కీలక ప్రకటన
TG: మోడల్ స్కూళ్లలో 2024-25 విద్యా సంవత్సరం ప్రవేశాల కోసం నిర్వహించిన ఎంట్రన్స్ టెస్ట్ ఫలితాలపై విద్యాశాఖ కీలక ప్రకటన చేసింది. ఈ మే 25న ఫలితాలను విడుదల చేస్తామని.. అర్హత సాధించిన వారు మే 27 నుంచి 31వ తేదీ వరకు ప్రవేశాలు పొందవచ్చని పేర్కొంది. 194 మోడల్ స్కూళ్లలో 6వ తరగతి నుంచి 9వ తరగతి ప్రవేశాల కోసం ఏప్రిల్ 7న పరీక్ష నిర్వహించిన సంగతి తెలిసిందే.
News April 8, 2024
ముఖాన్ని ఇలా రక్షించుకోవచ్చు!
నేటి కాలుష్యం కారణంగా ముఖ సౌందర్యాన్ని కాపాడుకోవడం సవాలుగా మారుతోంది. అయితే, నీటితో తరచూ శుభ్రం చేసుకుంటే ముఖాన్ని రక్షించుకోవచ్చంటున్నారు సౌందర్య నిపుణులు. ‘మ‌ృతకణాలు, సహజసిద్ధంగా చర్మం నుంచి వచ్చే నూనె వలన వదనం కళావిహీనం అవుతుంటుంది. రోజుకు కనీసం 2సార్లు ముఖాన్ని నీటితో కడుక్కోవడం ద్వారా ఈ సమస్యకు కొంతమేర చెక్ పెట్టొచ్చు. సుదీర్ఘకాలంలో మొటిమలు తగ్గే ఛాన్స్ కూడా ఉంది’ అని నిపుణులు చెబుతున్నారు.
News April 8, 2024
రాహుల్, కొండా సురేఖపై ఈసీకి ఫిర్యాదు
TG: కాంగ్రెస్ అగ్రనేత రాహుల్ గాంధీ, రాష్ట్ర మంత్రి కొండా సురేఖపై తగిన చర్యలు తీసుకోవాలని ఈసీని బీఆర్ఎస్ కోరింది. ఎన్నికల కోడ్ వేళ కేసీఆర్‌పై రాహుల్ దురుద్దేశపూర్వకంగా ఆరోపణలు చేశారని పేర్కొంది. ఎంపీ ఎన్నికల్లో రాహుల్ ప్రచారం చేయకుండా నిషేధించాలంది. మరోవైపు కేటీఆర్‌పై కొండా సురేఖ నిరాధార ఆరోపణలు చేశారని.. ఆమెనూ ప్రచారంలో పాల్గొనకుండా నిషేధించాలని కోరింది.
News April 8, 2024
TWIST: ఆ ఐస్‌క్రీమ్‌‌లో అలాంటివేమీ కలవలేదు
TG: వరంగల్(D) నెక్కొండలో ఐస్‌క్రీములు విక్రయించే వ్యక్తి ఐస్‌క్రీమ్‌ డబ్బాలో వీర్యం/మూత్రం కలిపారనే వీడియో వైరల్ అయిన సంగతి తెలిసిందే. ఈ ఐస్‌క్రీమ్‌ శాంపిల్స్‌ను పరీక్షించిన ఫుడ్ సేఫ్టీ అధికారులు తాజాగా నివేదికను విడుదల చేశారు. దీనిలో ఎలాంటి వీర్యం/మూత్రం ఆనవాళ్లను గుర్తించలేదని నిర్ధారించినట్లు అధికారులు తెలిపారు.
News April 8, 2024
‘హాయ్ నాన్న’కు పురస్కారాల పంట
శౌర్యవ్ దర్శకత్వంలో నాని, మృణాల్ ఠాకూర్ ప్రధాన పాత్రల్లో నటించిన సినిమా ‘హాయ్ నాన్న’. దేశీయంగా వివిధ అవార్డుల్ని సొంతం చేసుకున్న ఈ ఫిల్మ్, అంతర్జాతీయంగానూ సత్తా చాటింది. న్యూయార్క్‌లో జరిగిన ‘ది ఒనిరోస్ ఫిల్మ్ అవార్డ్స్’లో ఏకంగా 11 పురస్కారాలను దక్కించుకుంది. ఉత్తమ చిత్రం సహా ఉత్తమ నటుడు, ఉత్తమ నటి తదితర విభాగాల్లో మూవీకి అవార్డుల పంట పండింది. అంతర్జాతీయంగా ఈ సినిమాను ‘హాయ్ డాడీ’గా రిలీజ్ చేశారు.
News April 8, 2024
జడేజా అరుదైన ఘనత
చెన్నై సూపర్ కింగ్స్ ప్లేయర్ రవీంద్ర జడేజా అరుదైన ఘనత సాధించారు. ఇవాళ KKRతో మ్యాచులు రెండు క్యాచులు పట్టడం ద్వారా ఐపీఎల్‌లో 100 క్యాచులు పట్టిన ఆటగాళ్ల లిస్ట్‌లో చేరారు. దీంతో ముంబై ప్లేయర్ రోహిత్ శర్మతో కలిసి జడేజా ఈ జాబితాలో నాలుగో స్థానంలో ఉన్నారు. ఓవరాల్‌గా ఈ లిస్ట్‌లో కోహ్లీ(110), రైనా(109), పొలార్డ్(103) ముందు వరసలో ఉన్నారు.
News April 8, 2024
దారుణం.. చిన్నారులపై ప్రధానోపాధ్యాయుడి లైంగిక వేధింపులు!
TG: పిల్లలకు పాఠాలు నేర్పాల్సిన గురువే కీచకుడిగా మారాడు. భువనగిరి జిల్లాలో ఓ స్కూల్‌లో చాక్లెట్ల ఆశచూపి 3వ తరగతి విద్యార్థినులపై ప్రధానోపాధ్యాయుడు మాధవరెడ్డి ఏడాదిగా లైంగిక దాడికి పాల్పడుతున్నాడు. ఇటీవల ఓ చిన్నారి అనారోగ్యానికి గురికావడంతో అసలు విషయం బయటపడింది. న్యాయం కోసం చిన్నారుల తల్లిదండ్రులు నిరసనకు దిగడంతో పోలీసులు ప్రధానోపాధ్యాయుడిని అదుపులోకి తీసుకుని విచారణ చేపట్టారు.
News April 8, 2024
అకౌంట్లోకి డబ్బులు ఎప్పుడంటే?
పీఎం కిసాన్ సమ్మాన్ నిధి 17వ విడత నిధులు మే ఆఖరి వారంలో విడుదలయ్యే అవకాశాలున్నాయి. ఇప్పటివరకు 16 విడతలుగా నిధులు విడుదల చేయగా.. 17వ విడత నిధులను మే ఆఖరి వారం లేదా జూన్ తొలి వారంలో అకౌంట్లో జమ చేయనున్నట్లు సమాచారం. ఈ పథకం కింద దేశ వ్యాప్తంగా అర్హులైన రైతులందరికీ కేంద్రం ఏటా 3 విడతల్లో రూ.2వేల చొప్పున రూ.6వేలు అందిస్తోంది. ఫిబ్రవరి 28న చివరి విడత నిధులు జమ అయ్యాయి.
News April 8, 2024
రాష్ట్రంలో పలువురు ఐఏఎస్‌లకు పోస్టింగ్‌లు
AP: రాష్ట్రంలో ఈసీ వేటుతో బదిలీ అయిన IASలకు ఎన్నికలతో సంబంధం లేని శాఖలకు పోస్టింగ్‌లు ఇస్తూ ప్రభుత్వం ఉత్తర్వులు జారీ చేసింది. ఆరోగ్యశ్రీ ట్రస్టు CEOగా లక్ష్మీ షా, స్కిల్ డెవలప్‌మెంట్ కార్పొరేషన్ ఎండీగా రాజాబాబు, TTD జేఈవోగా గౌతమి, మధ్యాహ్న భోజన పథకం డైరెక్టర్‌గా అంబేడ్కర్, పౌరసరఫరాల కార్పొరేషన్ ఎండీగా వెంకట్రామిరెడ్డి, CCLA కార్యదర్శిగా ప్రభాకర్ రెడ్డిని నియమించింది.
News April 8, 2024
పీఎం మోదీపై పోటీ చేస్తున్న ట్రాన్స్జెండర్
ప్రధాని మోదీ వారణాసి నియోజకవర్గం నుంచి లోక్‌సభ ఎన్నికల బరిలో ఉన్న సంగతి తెలిసిందే. అక్కడి నుంచి ఆయనపై ఓ ట్రాన్స్జెండర్ కూడా పోటీ చేస్తుండటం ఆసక్తికరం. అఖిల భారత హిందూ మహాసభ(ఏబీహెచ్ఎం)కు చెందిన హేమాంగి సఖి మాత బరిలో నిలిచారు. బరోడాలో జన్మించిన ఆమె ప్రపంచంలో భగవద్గీతను బోధిస్తున్న మొట్టమొదటి ట్రాన్స్జెండర్ కావడం విశేషం. 2019లో ఆమె ఆచార్య మహామండలేశ్వర్‌గా పట్టాభిషిక్తులయ్యారు.
Featured News
Sorry, no posts matched your criteria.