India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 9, 2024
98 శాతం పాసైన MBBS విద్యార్థులు
TG: ఈ ఏడాది రాష్ట్రంలో MBSS ఫైనలియర్ విద్యార్థులు రికార్డు స్థాయిలో 98 శాతం మంది పాసయ్యారు. గత ఏడాది వరకు ఉత్తీర్ణత శాతం 75-80 మధ్యే ఉండగా, ఈసారి భారీగా పెరిగింది. 6 వేల మంది విద్యార్థుల్లో కేవలం 127 మంది(2 శాతం) ఫెయిలయ్యారు. నేషనల్ మెడికల్ కమిషన్ ఎంబీబీఎస్ పరీక్షల్లో సంస్కరణలు తీసుకురావడం, ప్రశ్నలను సులభతరం చేయడంతో ఉత్తీర్ణత శాతం పెరిగినట్లు కాళోజీ హెల్త్ వర్సిటీ వర్గాలు తెలిపాయి.
News April 9, 2024
CM రేవంత్ ఇంటి దగ్గర్లోనూ వార్ రూమ్
TG: ఫోన్ ట్యాపింగ్ కేసులో మరిన్ని అక్రమాలు వెలుగులోకి వస్తున్నాయి. జూబ్లీహిల్స్‌లోని CM రేవంత్ ఇంటి సమీపంలో ప్రణీత్ రావు వార్ రూమ్ ఏర్పాటు చేశాడు. SIB మాజీ చీఫ్ ప్రభాకర్ రావు సూచనల మేరకే దీనిని నిర్వహించాడు. రేవంత్, ఆయన కుటుంబీకుల ఫోన్లను ట్యాప్ చేశారు. ఫోన్ ట్యాపింగ్ కారణంగానే ఓటుకు నోటు, ఎమ్మెల్యేలకు ఎర వంటి అంశాలు వెలుగులోకి వచ్చాయి. దుబ్బాక, హుజూరాబాద్, మునుగోడు ఉపఎన్నికల్లోనూ ట్యాప్ చేశారు.
News April 9, 2024
మేనిఫెస్టో విడుదల ఎప్పుడు?
AP: ఎన్నికలు సమీపిస్తున్నప్పటికీ వైసీపీ, టీడీపీ-బీజేపీ-జనసేన కూటమి మేనిఫెస్టో విడుదలపై మీనమేషాలు లెక్కిస్తున్నాయి. టీడీపీ సూపర్ సిక్స్ పథకాలతో ప్రచారం చేసుకుంటున్నా.. ఉమ్మడి మేనిఫెస్టోపై ఇంకా కసరత్తు చేస్తున్నట్లు కూటమి వర్గాలు వెల్లడిస్తున్నాయి. వైసీపీ నుంచి ఇంకా ఎన్నికల హామీలు బయటకు రావట్లేదు. అమలు చేసేవి మాత్రమే మేనిఫెస్టోలో పెడతామని, త్వరలోనే విడుదల చేస్తామని సీఎం జగన్ చెబుతున్నారు.
News April 9, 2024
ఒకరి కోసం 15 మంది బలి
TG: BRS మాజీ MLA షకీల్ కుమారుడు రహీల్‌ను కేసు నుంచి తప్పించేందుకు ప్రయత్నించిన 15 మంది జైలుకు వెళ్లాల్సి వచ్చింది. ప్రజాభవన్ వద్ద యాక్సిడెంట్ జరగ్గానే ట్రాఫిక్ పోలీసులు రహీల్‌తో సహా మరో ముగ్గురు యువతులను పంజాగుట్ట PSలో అప్పగించారు. కానీ అక్కడే కేసు ఎన్నో మలుపులు తిరిగింది. MLAతోపాటు ఇద్దరు CIలు, మరో 12 మంది అతడిని తప్పించేందుకు ప్రయత్నించారు. దీంతో వారిపై 19 సెక్షన్లతో కేసు రిజిస్టర్ చేశారు.
News April 9, 2024
IPL: లక్నోకు షాక్.. కీలక ఆటగాళ్లకు గాయాలు
IPLలో వరుస విజయాలతో దూసుకుపోతోన్న లక్నో సూపర్ జెయింట్స్‌కు షాక్ తగిలింది. ఆ జట్టు పేసర్లు మయాంక్ యాదవ్, మోసిన్ ఖాన్ గాయాల బారిన పడ్డారు. దీంతో వీరు ఈ నెల 12న DCతో జరిగే మ్యాచ్‌కు దూరం కానున్నట్లు సమాచారం. GTతో మ్యాచ్‌లో మయాంక్‌కు పొత్తి కడుపులో గాయమైనట్లు లక్నో యాజమాన్యం తెలిపింది. వారం పాటు వైద్యుల పర్యవేక్షణలో ఉంచనున్నట్లు పేర్కొంది. మోసిన్ ఖాన్ వెన్ను నొప్పితో బాధపడుతున్నట్లు వెల్లడించింది.
News April 9, 2024
సీఈవోల సగటు వార్షిక వేతనం రూ.13.8 కోట్లు: డెలాయిట్
మన దేశంలోని కార్పొరేట్ కంపెనీల సీఈవోల సగటు వార్షిక వేతనం రూ.13.8 కోట్లకు చేరినట్లు డెలాయిట్ నివేదిక వెల్లడించింది. కరోనాకు ముందుకంటే ఇది 40% అధికమని తెలిపింది. కంపెనీల ప్రమోటర్లు, వారి కుటుంబాలకు చెందిన సీఈవోలకు సగటున రూ.16.7 కోట్ల జీతం ఉంటోందని పేర్కొంది. ఐదేళ్లలో 45 శాతం సంస్థల్లో CEOల మార్పు జరిగిందని, ప్రతి 10 మంది CEOల్లో ఆరుగురిని సొంత కంపెనీల నుంచే ఎంపిక చేశారని చెప్పింది.
News April 9, 2024
ప్రశాంత్ కిశోర్ విశ్లేషణలన్నీ విఫలమే: విజయశాంతి
సార్వత్రిక ఎన్నికల్లో బీజేపీకి తెలంగాణలో మొదటి లేదా రెండో స్థానం వస్తుందన్న ప్రశాంత్ కిశోర్ వ్యాఖ్యలపై కాంగ్రెస్ నేత విజయశాంతి విమర్శలు గుప్పించారు. ‘ఆయన విశ్లేషణలు బిహార్, కర్ణాటక, హిమాచల్ ప్రదేశ్ వంటి రాష్ట్రాల్లో విఫలమయ్యాయి. ఇప్పుడు తెలంగాణలో కూడా అంతే. రాష్ట్రంలో కాంగ్రెస్ అనుకూల వాతావరణం ఉంది. ప్రాంతీయ ప్రాధాన్యతలు దక్షిణాది ప్రజలకు తప్పకుండా తెలుసు’ అని ట్వీట్ చేశారు.
News April 9, 2024
ఈ రేషన్ కార్డుదారులకు గుడ్ న్యూస్
TG: అంత్యోదయ అన్నయోజన(ఏఏవై) కింద రేషన్ కార్డుదారులందరికీ చక్కెర పంపిణీ చేయాలని పౌరసరఫరాల శాఖ స్పష్టం చేసింది. జిల్లాలవారీగా అవసరమైనంత చక్కెర తీసుకుని ఏఏవై కార్డుదారులకు పంపిణీ చేయాలని ఆదేశించింది. రాష్ట్రంలో 5.99 లక్షల కార్డుదారులు ఉండగా.. 599 టన్నుల చక్కెర అవసరం. మార్కెట్‌లో రూ.40-45 వరకు ధర ఉండగా.. సబ్సిడీపై రూ.13.50లకే అందించాలి.
News April 9, 2024
గురుకులాల్లో డిగ్రీ ప్రవేశాలు.. ఈనెల 28న పరీక్ష
TG: గురుకుల డిగ్రీ కాలేజీల్లో ప్రవేశాలకు ఈనెల 12వ తేదీలోగా ఆన్‌లైన్‌లో దరఖాస్తు చేసుకోవాలని గురుకుల సొసైటీలు ఓ ప్రకటనలో తెలిపాయి. అర్హత పరీక్ష నిర్వహించి డిగ్రీ ఫస్టియర్‌లో వివిధ కోర్సుల్లో అడ్మిషన్లు కల్పించనున్నట్లు పేర్కొన్నాయి. ఈనెల 28న రాత పరీక్ష ఉంటుందని, ఈనెల 21 నుంచి గురుకుల సొసైటీ వెబ్‌సైట్‌లో హాల్ టికెట్లు అందుబాటులో ఉంటాయని అధికారులు తెలిపారు.
News April 9, 2024
నేడు కోర్టు ముందుకు కవిత
లిక్కర్ స్కామ్ కేసులో అరెస్టైన బీఆర్ఎస్ ఎమ్మెల్సీ జుడీషియల్ కస్టడీ నేటితో ముగియనుంది. దీంతో ఆమెను నేడు ఈడీ అధికారులు కోర్టులో హాజరుపరచనున్నారు. ప్రస్తుతం కవిత తిహార్ జైలులో ఉన్న సంగతి తెలిసిందే. మరోవైపు తన అరెస్టును వ్యతిరేకిస్తూ సీఎం కేజ్రీవాల్ దాఖలు చేసిన పిటిషన్‌పై నేడు ఢిల్లీ హైకోర్టు విచారణ చేపట్టనుంది.
Featured News
Sorry, no posts matched your criteria.