India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 20, 2024
BREAKING: పరీక్ష వాయిదా
TG: లోక్‌సభ ఎన్నికల నేపథ్యంలో రాష్ట్ర సాంకేతిక విద్యా శిక్షణ బోర్డు సెక్రటరీ పుల్లయ్య కీలక ఉత్తర్వులు జారీ చేశారు. మే 17న జరగాల్సిన పాలిటెక్నిక్ ఎంట్రన్స్ పరీక్ష(పాలీసెట్)ను వాయిదా వేస్తూ ప్రకటన విడుదల చేశారు. మే 24న పరీక్ష నిర్వహించనున్నట్లు తెలిపారు.
News March 20, 2024
ఫేక్ ప్రూఫ్‌లతో 21 లక్షల సిమ్ కార్డుల జారీ!
దేశంలో ఫేక్ ప్రూఫ్‌ల ఆధారంగా సుమారు 21 లక్షల సిమ్ కార్డులు జారీ అయ్యాయని డిపార్ట్‌మెంట్ ఆఫ్ టెలీకమ్యూనికేషన్ తెలిపింది. అనుమానాస్పద నంబర్లను గుర్తించి వాటి లిస్టును విడుదల చేసింది. వీటికి సంబంధించిన ప్రూఫ్‌లను వెంటనే రీవెరిఫై చేయాలని మొబైల్ నెట్‌వర్క్ కంపెనీలను ఆదేశించింది. ఒకవేళ అవి ఫేక్ అని తేలితే సిమ్‌లను రద్దు చేయాలని సూచించింది.
News March 20, 2024
ఫిన్‌లాండ్ ప్రజల సంతోషానికి కారణాలివే
హెల్తీ వర్క్‌-లైఫ్‌ బ్యాలెన్స్‌, సన్నిహిత సంబంధాలు, ప్రకృతితో మమేకం <<12887705>>వంటివి<<>> ఫిన్‌లాండ్ దేశ ప్రజల సంతోషానికి కారణాలని యూనివర్సిటీ ఆఫ్ హెల్సింకీ పరిశోధకురాలు జెన్నిఫర్‌ తెలిపారు. ‘ఆర్థిక ఎదుగుదలతోనే జీవితంలో విజయం సాధిస్తామని అక్కడి ప్రజలు నమ్ముతారు. అవినీతిని సహించరు. అక్కడి పాలకులపై ప్రజలకు విపరీతమైన విశ్వాసం ఉంటుంది. ఉచిత వైద్యం, విద్య కూడా ఫిన్‌లాండ్ ప్రజల సంతోషానికి కారణాలు’ అని ఆమె చెప్పారు.
News March 20, 2024
చంద్రబాబు, పవన్‌ల ఫోన్లు ట్యాప్ చేస్తున్నారు: బొండా ఉమ
AP: పోలీసు ఉన్నతాధికారులు చంద్రబాబు, పవన్ కళ్యాణ్‌ల ఫోన్లు ట్యాప్ చేస్తున్నారని టీడీపీ నేత బొండా ఉమ ఆరోపించారు. నరేందర్ రెడ్డి, రవీంద్రా రెడ్డి, వేణుగోపాల్ రెడ్డిలు నిరంతరం ప్రత్యర్థుల ఫోన్లపై నిఘా ఉంచారని తెలిపారు. సీఎం జగన్, సజ్జల, పెద్దిరెడ్డిల ఆదేశాల మేరకే పోలీసులు ఇలా చేస్తున్నారని ఫైరయ్యారు. ఆ పార్టీ అరాచకాలపై కేంద్ర, రాష్ట్ర ఎన్నికల సంఘాలకు ఫిర్యాదు చేస్తామని బొండా చెప్పారు.
News March 20, 2024
రూ.2.50 లక్షలు లంచం తీసుకుంటూ దొరికిన సబ్ రిజిస్ట్రార్
AP: శ్రీసత్యసాయి జిల్లాకు చెందిన అవినీతి అధికారిని ఏసీబీ అధికారులు పట్టుకున్నారు. మడకశిర సబ్ రిజిస్ట్రార్ దామోదర్ రూ.2.50 లక్షలు లంచం తీసుకుంటూ ఏసీబీకి చిక్కాడు. ఓ రైతు తన 6.36 ఎకరాల అసైన్డ్ భూమిని రిజిస్ట్రేషన్ చేసేందుకు సబ్ రిజిస్ట్రార్‌ను ఆశ్రయించాడు. ఎకరాకు రూ.50వేల చొప్పున ఇవ్వాలని సబ్ రిజిస్ట్రార్ డిమాండ్ చేశారు. డబ్బు తీసుకునే సమయంలో దామోదర్‌తో పాటు దస్తావేజు లేఖరిని ఏసీబీ పట్టుకుంది.
News March 20, 2024
లెక్కలు సెటిల్ చేస్తున్న అనిల్ అంబానీ!
గతంలో పీకల్లోతు కష్టాల్లో కూరుకుపోయిన ముకేశ్ అంబానీ సోదరుడు అనిల్ అంబానీ ఇప్పుడు మళ్లీ పుంజుకుంటున్నారు. ఏడాది వ్యవధిలో రిలయన్స్ పవర్ షేర్లు 120% పెరగడం ఆయనకు కలిసొచ్చింది. ఫలితంగా ఇప్పుడు ఐసీఐసీఐ, యాక్సిస్, DBS బ్యాంకులకు ఆయన చెల్లించాల్సిన బాకీలు సెటిల్ చేసేశారట. ఇప్పుడు జేసీ అసెట్ రీకన్‌స్ట్రక్షన్ కంపెనీకి కట్టాల్సిన రూ.2100 కోట్ల రుణాన్ని కూడా తీర్చేందుకు సిద్ధమయ్యారట.
News March 20, 2024
గ్రీన్ జెర్సీని రివీల్ చేసిన ఆర్సీబీ ప్లేయర్లు
రాయల్ ఛాలెంజర్స్ బెంగళూరు జట్టు 2011 నుంచి ప్రతి ఐపీఎల్ సీజన్‌లో గ్రీన్ జెర్సీలో ఒక మ్యాచ్ ఆడుతున్న విషయం తెలిసిందే. తాజాగా ఐపీఎల్-17కు సంబంధించి జెర్సీని ఆ టీమ్ రివీల్ చేసింది. చెన్నైలో జరిగిన ఓ ఈవెంట్‌కి విరాట్ కోహ్లి, ఫాఫ్ డుప్లెసిస్, గ్లెన్ మ్యాక్స్‌వెల్, రజత్ పాటీదార్, మహిపాల్ లోమ్రోర్‌ గ్రీన్ జెర్సీలో హాజరయ్యారు.
News March 20, 2024
ప్రతి మహిళకు ₹1000: DMK
తమిళనాడులో అధికార పార్టీ DMK లోక్‌సభ ఎన్నికల మేనిఫెస్టో రిలీజ్ చేసింది. NHలపై టోల్ బూత్‌ల తొలగింపు, ప్రతి మహిళకు ₹1000, విద్యార్థులకు NEET నుంచి మినహాయింపు, మహిళలకు 33% రిజర్వేషన్, పెట్రోల్, డీజిల్, గ్యాస్ సిలిండర్ ధరలను ₹75, ₹65, ₹500గా ఖరారు చేస్తామని పేర్కొంది. స్టూడెంట్స్‌కు ఫ్రీ సిమ్ కార్డు, నెలకు 1GB డేటా, స్వయం సహాయక మహిళా గ్రూపులకు ₹10లక్షల వరకు వడ్డీలేని రుణాలు ఇవ్వనున్నట్లు తెలిపింది.
News March 20, 2024
చంద్రబాబు రాజకీయ వికలాంగుడు: పెద్దిరెడ్డి
AP: టీడీపీ చీఫ్ చంద్రబాబుపై మంత్రి పెద్దిరెడ్డి రామచంద్రారెడ్డి తీవ్ర విమర్శలు చేశారు. చంద్రబాబు రాజకీయ వికలాంగుడని అన్నారు. ‘చంద్రబాబుకు బీజేపీ, జనసేన ఊతకర్రలా నిలబడ్డాయి. పొత్తులు ఉంటేనే ఆయన నిలదొక్కుంటారు. బాబుది అందితే జుట్టు.. లేకుంటే కాళ్లు అనే నైజం. ఈ మూడు పార్టీల పొత్తు ముందే ఊహించాం’ అని దుయ్యబట్టారు.
News March 20, 2024
ఆ వ్యాఖ్యలను పెద్దిరెడ్డి వెనక్కి తీసుకోవాలి: అచ్చెన్నాయుడు
AP: చంద్రబాబుపై చేసిన వ్యాఖ్యలను మంత్రి పెద్దిరెడ్డి వెనక్కి తీసుకోవాలని టీడీపీ రాష్ట్ర అధ్యక్షుడు అచ్చెన్నాయుడు డిమాండ్ చేశారు. మాఫియాలతో పొత్తులేకుండా పెద్దిరెడ్డి ఎన్నికల్లో నిలబడాలన్నారు. స్వేచ్ఛగా పోలింగ్ జరిగితే పుంగనూరులో పెద్దిరెడ్డి ఓటమి ఖాయమని చెప్పారు. టీడీపీ పొత్తులు బహిరంగమేనని.. జగన్‌వి చీకటి పొత్తులని విమర్శించారు. ఓటమి భయంతోనే పెద్దిరెడ్డి మతిభ్రమించి మాట్లాడుతున్నారన్నారు.
Featured News
Sorry, no posts matched your criteria.