India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 22, 2024
కేజ్రీవాల్‌కు కస్టడీ తప్పదా?
లిక్కర్ కేసులో అరెస్టైన ఢిల్లీ CM కేజ్రీవాల్‌ను కాసేపట్లో ED అధికారులు రౌస్ అవెన్యూ కోర్టులో హాజరుపర్చనున్నారు. ఆయనను 10రోజుల కస్టడీకి ఇవ్వాలని ED కోరుతోంది. ఇటీవల కవితకు కోర్టు వారం రోజుల కస్టడీ విధించింది. దీంతో కేజ్రీవాల్‌కూ కస్టడీ తప్పదని రాజకీయ విశ్లేషకులు భావిస్తున్నారు. ఈ కేసులో కీలక నిందితులుగా పేర్కొంటున్న సిసోడియా, కవిత, కేజ్రీవాల్‌ను కలిపి విచారించేందుకు ఇదే సరైన సమయమని ED భావిస్తోంది.
News March 22, 2024
యాపిల్‌కు షాక్.. ఒక్క రోజులో రూ.9.41 లక్షల కోట్లు నష్టం
ఏకపక్ష విధానాలతో పోటీ సంస్థల మనుగడను ‘యాపిల్’ ప్రశ్నార్థకం చేస్తోందని, ధరలను కృత్రిమంగా పెంచుతోందని అమెరికా ప్రభుత్వం దావా వేసింది. దీంతో యాపిల్ షేర్లు 4.1 శాతం నష్టాల్లోకి వెళ్లిపోయాయి. కంపెనీ మార్కెట్ విలువ ఒక్క రోజులోనే 113 బిలియన్ డాలర్లు(రూ.9.41 లక్షల కోట్లు) తగ్గిపోయింది. మొత్తంగా కంపెనీ షేరు విలువ ఈ ఏడాది 11 శాతం వరకు తగ్గడం గమనార్హం. మరోవైపు ప్రభుత్వ ఆరోపణలను యాపిల్ కొట్టిపారేసింది.
News March 22, 2024
వైద్య శాస్త్రంలో అద్భుతం.. HIV ఎయిడ్స్‌కి చికిత్స రాబోతోంది
చికిత్స లేని వ్యాధుల్లో HIV ఎయిడ్స్ ఒకటి. తాజాగా సైంటిస్టులు CRISPR(క్లస్టర్డ్ రెగ్యులర్లీ ఇంటర్‌స్పేస్‌డ్ షార్ట్ పాలిండ్రోమిక్ రిపీట్స్) సాంకేతికతతో కణాల నుంచి HIVని తొలగించే వీలుందని గుర్తించారు. జీన్ ఎడిటింగ్ టెక్నాలజీతో వైరస్ సోకిన జన్యువులను కత్తిరించి తీసేస్తారు. దీనిపై పరిశోధనలు జరుగుతున్నాయని, ఇప్పటికిప్పుడు కాకపోయినా దీర్ఘకాలంలో HIVకి చికిత్స సాధ్యమవుతుందని పరిశోధకులు తెలిపారు.
News March 22, 2024
పెళ్లిలో మటన్ కోసం గొడవ.. తీవ్ర గాయాలు
TG: ఆనందంగా జరుగుతోన్న వివాహ వేడుకలో మటన్ ముక్క చిచ్చుపెట్టింది. జగిత్యాల జిల్లా ఆత్మకూరులో ఈ ఘటన జరిగింది. తమకు మటన్ కూర వేయలేదంటూ పెళ్లి కొడుకు బంధువులు వడ్డిస్తోన్న వారిపై వంట సామగ్రి, టేబుళ్లతో దాడి చేశారు. ఆగ్రహంతో పెళ్లి కూతురు బంధువులు ఎదురుదాడి చేయడంతో ఆ ప్రాంతం రణరంగంగా మారింది. దీంతో పలువురికి తీవ్ర గాయాలయ్యాయి. పోలీసులు 16 మందిపై కేసు నమోదు చేశారు.
News March 22, 2024
BREAKING: కేజ్రీవాల్ అనూహ్య నిర్ణయం
లిక్కర్ స్కాం కేసులో అరెస్టైన ఢిల్లీ సీఎం అరవింద్ కేజ్రీవాల్ కీలక నిర్ణయం తీసుకున్నారు. ఈడీ అరెస్టును సవాల్ చేస్తూ సుప్రీంకోర్టులో వేసిన పిటిషన్‌ను వెనక్కి తీసుకున్నారు. రౌస్ అవెన్యూ కోర్టులో రిమాండ్ పిటిషన్‌పై విచారణ దృష్ట్యా ఈ నిర్ణయం తీసుకున్నట్లు ఆయన తరఫు లాయర్లు సుప్రీంకు తెలిపారు. కాగా నిన్న కేజ్రీవాల్ వేసిన పిటిషన్‌ను విచారించేందుకు ఇవాళ అత్యున్నత ధర్మాసనం స్పెషల్ బెంచిని ఏర్పాటు చేసింది.
News March 22, 2024
పెరగనున్న కియా కార్ల ధరలు
ఏప్రిల్ 1 నుంచి తమ కార్ల ధరలను 3% వరకు పెంచనున్నట్లు కియా ఇండియా ప్రకటించింది. సెల్టోస్, సొనెట్, కారెన్స్ వంటి పలు పాపులర్ మోడళ్ల ధరలను వేరియంట్ ఆధారంగా పెంచబోతున్నట్లు తెలిపింది. ముడి పదార్థాల ధరలు, సరఫరా సంబంధిత ఖర్చులు పెరగడమే ఇందుకు కారణమని పేర్కొంది. ఇండియాలో అమ్మకాలు ప్రారంభించినప్పటి నుంచి ఓవర్సీస్, డొమెస్టిక్ మార్కెట్‌లో ఈ కంపెనీ ఇప్పటివరకు 1.16 మిలియన్ కార్లను విక్రయించింది.
News March 22, 2024
అందుకోసం మూడేళ్లు పనిచేసినా సాధ్యం కాలేదు: యాపిల్
యాపిల్ వాచ్‌లు ఆండ్రాయిడ్‌తో పనిచేయవు. ఇది గుత్తాధిపత్యమే అంటూ ఓ సంస్థ USలో దావా వేసింది. ‘ఎవరైనా ఐఫోన్ నుంచి ఆండ్రాయిడ్‌కు మారాలనుకుంటే, వారు తమ యాపిల్ వాచ్‌ను వదిలివేసి ఆండ్రాయిడ్‌ స్మార్ట్‌వాచ్‌ని కొనుగోలు చేయాలి. ఇది యూజర్లపై విపరీతమైన భారాన్ని వేస్తోంది’ అని వాదించింది. అయితే ఆండ్రాయిడ్‌తోనూ పనిచేసేలా రూపొందించేందుకు తాము మూడేళ్లు ప్రయత్నించినప్పటికీ సాధ్యం కాలేదని యాపిల్ వెల్లడించింది.
News March 22, 2024
భోజ్‌శాలలో ASI సర్వే
మధ్యప్రదేశ్‌లోని ధార్ జిల్లాలో ఉన్న భోజ్‌శాల/కమల్ మౌలా మసీదులో ఆర్కియలాజికల్ సర్వే ఆఫ్ ఇండియా(ASI) సర్వే చేపట్టింది. కోర్టు ఆదేశాల మేరకు 12 మంది సభ్యులతో కూడిన ASI బృందం సర్వే చేస్తోంది. వాగ్దేవి దేవత ఆలయమని హిందువులు విశ్వసించే ఈ భోజ్‌శాల కాంప్లెక్స్‌పై సర్వే నిర్వహించి ఆరు వారాల్లోగా నివేదిక సమర్పించాలని మధ్యప్రదేశ్ హైకోర్టు మార్చి 11న ఆదేశాలు జారీ చేసింది.
News March 22, 2024
కోయంబత్తూరు నుంచి అన్నామలై పోటీకి కారణాలేంటి?
లోక్‌సభ ఎన్నికల్లో తమిళనాడు BJP చీఫ్ అన్నామలై గెలుపు ఖాయమని ఆ పార్టీ నేతలు చెబుతున్నారు. ఆయన పోటీ చేస్తున్న కోయంబత్తూరులో ఉత్తరాది నుండి వలస వచ్చిన వారు ఎక్కువగా ఉండటం, ఇదే ప్రాంతానికి చెందిన ఆధ్యాత్మిక గురువు సద్గురు ఆశీస్సులు అన్నామలైకు ఉండటం పార్టీకి కలిసొస్తుందని అంటున్నారు. ఇటీవల ఇక్కడ PM పర్యటించడం, 1998 బాంబు బ్లాస్ట్‌లో చనిపోయిన వారిని గుర్తుచేసుకోవడం కూడా ప్లస్ అవ్వొచ్చని భావిస్తున్నారు.
News March 22, 2024
‘దేవర’ షూట్‌లో NTR.. లుక్ వైరల్
యంగ్ టైగర్ ఎన్టీఆర్ హీరోగా కొరటాల శివ తెరకెక్కిస్తోన్న ‘దేవర’ సినిమా షూటింగ్ గోవాలో జరుగుతోంది. ఈ సందర్భంగా షూటింగ్ సెట్‌లో ఉన్న ఎన్టీఆర్ ఫొటోను మేకర్స్ షేర్ చేశారు. రెండ్రోజులుగా ఓ సాంగ్ షూట్ జరుగుతుండగా.. ఈరోజు ఉదయమే ఎన్టీఆర్‌కు సంబంధించిన వీడియో నెట్టింట్లో ప్రత్యక్షమైంది. రింగుల జుట్టుతో మెరున్ షర్టు ధరించిన తారక్ లుక్ ఆకట్టుకుంటోందని ఫ్యాన్స్ కామెంట్స్ చేస్తున్నారు.
Featured News
Sorry, no posts matched your criteria.