India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 16, 2024
అమర్నాథ్ యాత్రకు భారీ భద్రత
జమ్మూకశ్మీర్‌లో ఇటీవల వరుసగా ఉగ్రదాడులు జరుగుతుండటంతో ఈ నెల 29 నుంచి ప్రారంభమయ్యే అమర్నాథ్ యాత్రకు భారీ భద్రత కల్పించాలని కేంద్రం నిర్ణయించింది. యాత్రికులకు RFID కార్డ్స్ ఇవ్వాలని భావిస్తోంది. J&Kపై ఉన్నతాధికారులతో కేంద్ర హోంమంత్రి అమిత్‌షా ఇవాళ సమీక్షించారు. ఉగ్రవాదుల ఏరివేతకు అదనపు బలగాలు తరలించి కూంబింగ్ వేగవంతం చేయాలని ఉన్నతాధికారులను ఆదేశించారు.
News June 16, 2024
ముస్లిం సోదరులకు బక్రీద్ శుభాకాంక్షలు: సీఎం చంద్రబాబు
AP: స్వార్థం, అసూయ, రాగద్వేషాలను విడిచిపెట్టి మానవుల్లో త్యాగనిరతిని వ్యాపింపచేయడమే బక్రీద్ పండుగ ఉద్దేశమని సీఎం చంద్రబాబు అన్నారు. ‘అన్ని గుణాల కన్నా దానగుణమే ఉత్తమమన్నది బక్రీద్ సారాంశం. హజ్రత్ ఇబ్రహీం త్యాగాన్ని స్మరించుకుంటూ పండుగను జరుపుకుంటున్న ముస్లిం సోదర సోదరీమణులకు శుభాకాంక్షలు. త్యాగగుణాన్ని ప్రబోధించే బక్రీద్ పండుగ స్ఫూర్తిగా సమైక్యతను, సమానత్వాన్ని సాధిద్దాం’ అని CM పిలుపునిచ్చారు.
News June 16, 2024
ప్రభాస్ అభిమానులకు బ్యాడ్‌న్యూస్
పాన్ ఇండియా స్టార్ ప్రభాస్ ‘కల్కి’ మూవీలోని ‘భైరవ ఆంథమ్’ ఫుల్ వీడియో కోసం ఎదురుచూస్తున్న అభిమానులకు నిరాశే ఎదురైంది. ఇవాళ రాత్రి 8 గంటలకు విడుదల చేయాల్సిన ఈ పాటను రేపు ఉదయం 11 గంటలకు విడుదల చేస్తామని చిత్ర యూనిట్ తాజాగా ప్రకటించింది. కొంచెం ఓపిక పట్టాలని అభిమానులను కోరింది. ప్రముఖ సింగర్ దిల్జీత్ దోసాంజ్ ఆలపించగా, సంతోష్ నారాయణ్ సంగీతం అందించారు.
News June 16, 2024
టికెటింగ్ బిజినెస్‌లోకి జొమాటో?
పేటీఎం సినిమా, ఈవెంట్స్ టికెట్ సేల్స్ కోసం జొమాటోను వేదికగా చేసుకునేందుకు సిద్ధమైంది. ఈమేరకు టికెటింగ్ బిజినెస్‌లోకి జొమాటోను ఆహ్వానించిందట. గత నెలలో పేటీఎం సేల్స్ క్షీణించిన నేపథ్యంలో ఈ నిర్ణయం తీసుకున్నట్లు సమాచారం. ఈ డీల్ విలువ రూ.1,500కోట్లు అని తెలుస్తోంది. ఇది సక్సెస్ అయితే జొమాటో చరిత్రలో రెండో అతి పెద్ద డీల్‌గా నిలుస్తుంది. 2021లో బ్లింకిట్‌ను రూ. 4,447 కోట్లకు కొనుగోలు చేసింది.
News June 16, 2024
సౌతాఫ్రికాను చిత్తు చేసిన భారత్
తొలి వన్డేలో సౌతాఫ్రికా మహిళల జట్టును భారత మహిళల జట్టు చిత్తుగా ఓడించింది. ఫస్ట్ బ్యాటింగ్ చేసిన భారత్ ప్రత్యర్థి ముందు 266 రన్స్ లక్ష్యాన్ని నిర్దేశించింది. ఛేదనకు దిగిన సఫారీ జట్టు 37.4ఓవర్లలోనే కేవలం 122 పరుగులకే ఆలౌట్ అయ్యింది. బ్యాటింగ్‌లో స్మృతి మంధాన (117) సెంచరీతో చెలరేగగా, బౌలింగ్‌లో ఆశా శోభన 4 వికెట్లతో పర్యాటక సౌతాఫ్రికా నడ్డి విరిచారు. దీంతో 143 పరుగుల భారీ తేడాతో భారత్ గెలిచింది.
News June 16, 2024
ఐపీఎస్ బిందుమాధవ్‌పై సస్పెన్షన్ ఎత్తివేత
AP: ఐపీఎస్ అధికారి బిందు మాధవ్‌పై సస్పెన్షన్‌ను ఎత్తివేస్తూ ప్రభుత్వం ఉత్తర్వులు జారీ చేసింది. తక్షణమే ఆయనను విధుల్లోకి తీసుకోవాలని ఉన్నతాధికారులను ఆదేశించింది. కాగా ఎన్నికల పోలింగ్ సమయంలో పల్నాడు జిల్లాలో అల్లర్లు చెలరేగాయి. ఆ సమయంలో పల్నాడు SPగా ఉన్న బిందుమాధవ్‌‌ను ఎన్నికల సంఘం సస్పెండ్ చేసింది. దీనిపై ఆయన ఇచ్చిన వివరణతో సంతృప్తి చెందిన ప్రభుత్వం సస్పెన్షన్‌ను ఎత్తివేస్తూ ఆదేశాలు జారీ చేసింది.
News June 16, 2024
ALERT.. రేపు ఈ జిల్లాల్లో వర్షాలు
ఏపీలోని పలు ప్రాంతాల్లో రేపు పిడుగులతో కూడిన వర్షాలు పడతాయని విపత్తుల నిర్వహణ సంస్థ హెచ్చరించింది. అల్లూరి, అనకాపల్లి, కాకినాడ, తూ.గో, ప.గో, ఏలూరు, కృష్ణా, NTR, GNT, బాపట్ల, పల్నాడు, ప్రకాశం, NLR, నంద్యాల, శ్రీసత్యసాయి, YSR, అన్నమయ్య, చిత్తూరు, TPTY జిల్లాల్లో తేలికపాటి వర్షాలు కురుస్తాయంది. పొలాల్లో పనిచేసే రైతులు, వ్యవసాయ కూలీలు, పశు-గొర్రెల కాపరులు చెట్లు, టవర్స్ కింద ఉండరాదని హెచ్చరించింది.
News June 16, 2024
టాస్ గెలిచి బౌలింగ్ ఎంచుకున్న పాకిస్థాన్
టీ20 వరల్డ్ కప్‌లో భాగంగా ఐర్లాండ్‌తో మ్యాచ్‌లో టాస్ గెలిచిన పాకిస్థాన్ బౌలింగ్ ఎంచుకుంది.
ఐర్లాండ్: పాల్ స్టిర్లింగ్(C), ఆండ్రూ బల్బిర్నీ, టక్కర్, టెక్టర్, కాంఫర్, జార్జ్ డాక్రెల్, గారెత్ డెలానీ, మార్క్ అడైర్, బారీ మెక్‌కార్తీ, జాషువా లిటిల్, బెంజమిన్ వైట్.
పాకిస్థాన్: రిజ్వాన్, సైమ్ అయూబ్, బాబర్(C), ఫఖర్ జమాన్, ఉస్మాన్ ఖాన్, షాదాబ్ ఖాన్, ఇమాద్ వసీం, షాహీన్ అఫ్రిది, హరీస్ రవూఫ్, అమీర్.
News June 16, 2024
గంభీర్ డిమాండ్‌కు ఓకే చెప్పిన BCCI?
భారత క్రికెట్ జట్టు హెడ్ కోచ్‌గా గంభీర్ ఎంపిక దాదాపుగా ఖాయమైంది. అయితే కోచ్‌గా ఉండటానికి BCCI ముందు గంభీర్ ఓ డిమాండ్ ఉంచినట్లు వార్తలొస్తున్నాయి. సపోర్టింగ్ స్టాఫ్ నియామకంలో పూర్తి స్వేచ్ఛనివ్వాలని కోరారట. ఇందుకు BCCI ఓకే చెప్పినట్లు సమాచారం. దీంతో బ్యాటింగ్, బౌలింగ్, ఫీల్డింగ్ కోచ్‌‌లు విక్రమ్, పరాస్, దిలీప్ తప్పుకోవాల్సి రావొచ్చు. అలాగే జట్టులోనూ గంభీర్ మార్పులు చేస్తారనే ప్రచారం సాగుతోంది.
News June 16, 2024
ట్రాన్స్‌జెండర్లకు 1శాతం రిజర్వేషన్ అమలుచేయండి: హైకోర్టు
ట్రాన్స్‌జెండర్లను కేవలం సమానంగా చూస్తే సరిపోదని, అన్ని ప్రభుత్వ ఉద్యోగాల్లోనూ వారికి ఒకశాతం రిజర్వేషన్‌ను అమలుచేయాలని కలకత్తా హైకోర్టు పశ్చిమ బెంగాల్ ప్రభుత్వానికి తేల్చిచెప్పింది. థర్డ్ జెండర్‌‌గా పరిగణిస్తూ వారి హక్కుల్ని కాపాడాలని 2014లో సుప్రీం కోర్టు చెప్పిందని స్పష్టం చేసింది. ట్రాన్స్‌జెండర్లను వెనుకబడినవర్గంగా గుర్తించి అన్నిరంగాల్లోనూ చేయూతనివ్వాలని సూచించిందని గుర్తుచేసింది.
Featured News
Sorry, no posts matched your criteria.