India's largestHyperlocal short
news App
Get daily news updates that are tailored for you based on your preferred language & location.
download Way2News app now
News January 29, 2026
మేడారం జాతర సిత్రాలు (Photo Gallery)
TG: మేడారం సమ్మక్క-సారలమ్మ జాతర వైభవంగా జరుగుతోంది. లక్షలాదిగా తరలివచ్చిన భక్తులతో సందడి వాతావరణం నెలకొంది. సమ్మక్క గద్దెపైకి రావడంతో భక్తుల కోలాహలం మరింత పెరిగింది. చిన్నాపెద్దా తేడా లేకుండా అందరూ వనదేవతలకు బంగారం (బెల్లం) సమర్పిస్తున్నారు. మేడారం జనజాతర, విశేషాలను పైన ఫొటో గ్యాలరీలో చూడండి.
News January 29, 2026
పోలీసు సేవకు సలాం చెప్పాల్సిందే!
అందరూ కుటుంబంతో మేడారం జాతరకు వెళ్తే పోలీసులు మాత్రం మన కోసం కుటుంబాన్ని వదిలి పహారా కాస్తున్నారు. నేడు సమ్మక్క తల్లి గద్దెపైకి రానున్న తరుణంలో భక్తుల రద్దీ భారీగా ఉంటుంది. ఒక్క చిన్న ప్రమాదం, పొరపాటు కూడా జరగకుండా వారు అత్యంత జాగ్రత్తగా చర్యలు తీసుకుంటున్నారు. ఈ క్రమంలో క్రమశిక్షణతో మహాజాతరను శాంతియుతంగా పూర్తి చేసుకుందాం. పోలీసులకు కృతజ్ఞతలు తెలుపుదాం.
News January 29, 2026
కేసీఆర్కు సమయం ఇవ్వాలని సిట్ నిర్ణయం!
TG: ఫోన్ ట్యాపింగ్ కేసులో రేపు విచారణకు హాజరుకాలేనని మాజీ సీఎం కేసీఆర్ రాసిన లేఖపై సిట్ స్పందించింది. ఆయనకు సమయం ఇవ్వాలని నిర్ణయించినట్లు తెలుస్తోంది. ఈ క్రమంలో తదుపరి విచారణ తేదీపై సస్పెన్స్ కొనసాగుతోంది. సిట్ మరోసారి నోటీసులు ఇస్తుందా? ఎప్పుడు, ఎక్కడ విచారిస్తుంది? అనేది ఆసక్తికరంగా మారింది. తనను ఎర్రవల్లిలోనే <<18996095>>ప్రశ్నించాలని<<>> కేసీఆర్ కోరిన విషయం తెలిసిందే.
News January 29, 2026
నెలకు ₹5 లక్షల మేకప్.. పోలీసులకే షాకిచ్చిన ‘గ్లామరస్’ దొంగ
బెంగళూరులో ఓ ‘గ్లామరస్’ దొంగ ఉదంతం ఇప్పుడు సంచలనంగా మారింది. భక్తి ముసుగులో గుళ్లు, రద్దీ ప్రదేశాల్లో బంగారాన్ని కాజేస్తున్న గాయత్రి, ఆమె భర్త శ్రీకాంత్ను పోలీసులు అరెస్ట్ చేశారు. వీరి నుంచి ₹60 లక్షల విలువైన గోల్డ్ స్వాధీనం చేసుకున్నారు. సంపన్న మహిళగా కనిపిస్తే ఎవరూ గుర్తించరని.. అందుకోసం నెలకు ₹4-5 లక్షలు కేవలం మేకప్ కోసమే ఖర్చు చేస్తానని ఆమె అంగీకరించడం పోలీసులను షాక్కు గురిచేసింది.
News January 29, 2026
సహాయం చేయడంలోనే సంతోషం: విజయ్ సేతుపతి
ఇతరులకు సహాయం చేయడంలో, తను చేసే పనిలోనే సంతోషం ఉంటుందని యాక్టర్ విజయ్ సేతుపతి తెలిపారు. ఉపాధి లేని వారికి ఉద్యోగ అవకాశాలు కల్పించడానికి ప్రతినెలా రూ.లక్షన్నర ఖర్చు చేస్తున్నానని చెప్పారు. డబ్బు సంపాదిస్తేనే ఇవన్నీ చేయగలుగుతానని అప్పుడే సంతోషంగా ఉంటానన్నారు. సినిమాల్లోకి రాకముందు అకౌంటెంట్గా పనిచేశానని, ఆ పనిలోనూ ఆనందాన్ని పొందానని చెప్పారు. ఆయన నటించిన ‘గాంధీ టాక్స్’ రేపు విడుదల కానుంది.
News January 29, 2026
రసాయనాలతో లడ్డూ చేసి భక్తుల మనోభావాలు దెబ్బతీశారు: పవన్
AP: నెయ్యి పేరుతో రసాయనాల మిశ్రమాన్ని తిరుమలకు సరఫరా చేశారని డిప్యూటీ సీఎం పవన్ కళ్యాణ్ ఆరోపించారు. రసాయనాలతో లడ్డూ చేసి భక్తుల మనోభావాలు దెబ్బతీశారని మండిపడ్డారు. వైసీపీ అరాచకాలను ప్రజలకు చెబుదామని జనసేన ఎమ్మెల్యేలతో సమావేశంలో అన్నారు. శ్రీవారి లడ్డూ కల్తీ వ్యవహారంపై శాసనసభలో చర్చిద్దామని చెప్పారు. ఈ మీటింగ్లో ఎమ్మెల్యే <<18982020>>అరవ శ్రీధర్<<>> గురించీ చర్చించారని సమాచారం.
News January 29, 2026
BC జాబితా నుంచి TG తొలగించిన కులాలు ఇవే 1/2
TG: ఉమ్మడి APలోని BC జాబితా నుంచి మినహాయించిన 26 కులాలను రానున్న ఎన్నికల్లో బీసీ స్థానాల్లో పోటీకి అనుమతించరాదని GO ఇవ్వడం తెలిసిందే. బీసీ కమిషన్ నోటిఫికేషన్ ప్రకారం బీసీ జాబితా నుంచి తొలగించిన కులాలు ఇలా ఉన్నాయి. బండార, కోర్చ, కళింగ, కూరాకుల, పొండార, సామంతుల/సమంత/సౌంతియా/సౌంటియా, ఆసాదుల/అసదుల, కెయుట/కెవుటో/కెవిటి, అచ్చుకట్లవాండ్లు, నాగవడ్డీలు, కుంచిటి/వక్కలిగ/వక్కలిగర/కుంచిటిగ.
News January 29, 2026
BC జాబితా నుంచి TG తొలగించిన కులాలు ఇవే 2/2
తెలంగాణలో BC జాబితా నుంచి తొలగించిన కులాల్లో ఇంకా… గుడియా, ఆగరు,అతగార, గవర, గోడబా, జక్కల, కాండ్ర, కొప్పులవెలమ, నాగవాసం (నాగవంశం), పోలినాటి వెలమ, తూర్పుకాపులు/గాజులకాపులు, సదర/సదరు, అరవ, బేరి వైశ్య/ బేరి చెట్టి, అతిరస కులాలున్నాయి. కాగా కొత్త రాష్ట్రంగా ఆవిర్భవించాక తెలంగాణ సామాజిక, సాంస్కృతిక మూలాలను అనుసరించి AP BC జాబితాలోని 112 కులాలను TG అడాప్ట్ చేసుకుంది. కొత్తగా 17 కులాలను చేర్చింది.
News January 29, 2026
తక్కువ తిన్నా బరువు పెరుగుతున్నారా? అసలు కారణమిదే..
ఎంత తింటున్నాం అనేదాని కంటే శరీరం దాన్ని ఎలా ఖర్చు చేస్తోందనేదే ముఖ్యం. పని చేయకుండా ఖాళీగా ఉన్నప్పుడు ఖర్చయ్యే శక్తిని Basal Metabolic Rate (BMR) అంటారు. కొందరికి ఇది పుట్టుకతోనే వేగంగా ఉంటుంది. మరికొందరికి నెమ్మదిగా ఉంటుంది. మజిల్ మాస్ ఎక్కువగా ఉన్నవాళ్లలో రెస్ట్ తీసుకుంటున్నప్పుడు కూడా ఎక్కువ క్యాలరీలు ఖర్చవుతాయి. నిద్రలేమి, స్ట్రెస్, హార్మోన్ల ఇమ్బ్యాలెన్స్ వల్ల కూడా బరువు పెరుగుతారు.
News January 29, 2026
కొత్తగా ఇల్లు కడుతున్నారా? ఈ నియమం పాటించండి..
కొత్తగా గృహ నిర్మాణం చేస్తున్నవారు పునాదిని ఎత్తుగా నిర్మించుకోవాలని వాస్తు నిపుణులు కృష్ణాదిశేషు సూచిస్తున్నారు. ప్రధాన రహదారి కంటే ఇంటి అడుగు భాగం 3-5 అడుగుల ఎత్తులో ఉండాలంటున్నారు. ‘రాబోయే రోజుల్లో రోడ్లు ఎత్తు పెరిగి, వర్షపు నీరు, మురుగు నీరు ఇంట్లోకి వచ్చే ప్రమాదం ఉంది. వాస్తు రీత్యా కూడా ఇల్లు రోడ్డు కంటే పల్లంలో ఉండకూడదు. అందుకే దూరదృష్టితో పునాదిని ఎత్తుగా నిర్మించాలి’ అంటున్నారు. <<-se>>#Vasthu<<>>
Featured News
Sorry, no posts matched your criteria.