India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 11, 2025
నేడు ఈ జిల్లాల్లో భారీ వర్షాలు
TG: నేడు పలు జిల్లాల్లో భారీవర్షం కురిసే అవకాశముందని HYD వాతావరణ కేంద్రం హెచ్చరించింది. HYD, రంగారెడ్డి, మేడ్చల్, మెదక్, వికారాబాద్, సంగారెడ్డి, కామారెడ్డి, ఆసిఫాబాద్, యాదాద్రి, సిద్దిపేట, ఆదిలాబాద్ జిల్లాల్లో వర్షాలు పడే అవకాశముందని పేర్కొంది. పలు జిల్లాలకు ఎల్లో అలర్ట్ జారీ చేసింది. ఈనెల 13న పశ్చిమ మధ్య బంగాళాఖాతంలో అల్పపీడనం ఏర్పడితే 4 రోజులు రాష్ట్రంలో అతి భారీ వర్షాలు కురుస్తాయని తెలిపింది.
News August 11, 2025
AIIMSలో 3,500 జాబ్స్.. ఇవాళే లాస్ట్
AIIMSలో 3500 నర్సింగ్ ఆఫీసర్ పోస్టులకు దరఖాస్తు చేసుకునేందుకు నేడే చివరి తేదీ. 18 నుంచి 30 ఏళ్ల లోపు వారు rrp.aiimsexams.ac.inలో అప్లై చేసుకోవచ్చు. ఎస్సీ, ఎస్టీలు, EX సర్వీస్‌మెన్లకు ఐదేళ్లు, OBCలకు మూడేళ్లు, దివ్యాంగులకు పదేళ్ల సడలింపు ఉంటుంది. బీఎస్సీ నర్సింగ్ లేదా జీఎన్‌ఎం డిప్లొమా పూర్తి చేసి రెండేళ్ల అనుభవం ఉన్నవారు అర్హులు. సెప్టెంబర్ 14న ప్రిలిమినరీ, 27న మెయిన్ పరీక్షలు జరగనున్నాయి.
News August 11, 2025
టబు-రమ్యకృష్ణలో ఎవరు బెస్ట్.. నాగార్జున ఏం చెప్పారంటే?
జగపతిబాబు హోస్టుగా ఓ టాక్ షో రాబోతోంది. తొలి గెస్టుగా నాగార్జున హాజరయ్యారు. అందుకు సంబంధించిన ప్రోమో వైరలవుతోంది. ‘బెస్ట్ కో-యాక్ట్రెస్ ఎవరు రమ్యకృష్ణ, టబు?’ అని జగపతిబాబు అడగ్గా.. ‘కొన్ని చెప్పకూడదు, నేను చెప్పను’ అని నాగార్జున సమాధానం చెప్పారు. రివర్స్‌లో ‘రమ్యకృష్ణ, సౌందర్యలో నీ ఫేవరెట్ ఎవరు?’ అని జగపతిబాబును అడిగారు. ‘ఇది నా ఇంటర్వ్యూ కాదు. నేను ఆన్సర్ చెప్పను’ అంటూ ఆయన తప్పించుకున్నారు.
News August 11, 2025
గాజా విషయంలో మరో ఆప్షన్ లేదు: నెతన్యాహు
గాజాలో మొదలు పెట్టింది పూర్తి చేయడం తప్ప మరో మార్గంలేదని ఇజ్రాయెల్ ప్రధాని నెతన్యాహు పేర్కొన్నారు. ఇజ్రాయెల్‌పై అంతర్జాతీయంగా వస్తున్న విమర్శలపై ఆయన స్పందించారు. ‘హమాస్ చర్యలతోనే గాజాలో మరణాలు, వినాశనం జరుగుతోంది. గాజాను ఆక్రమించడం కాదు.. దానికి విముక్తి కలిగించడమే మా లక్ష్యం. ఆ ప్రాంతాన్ని సైనికరహితంగా మార్చడం, అక్కడి భద్రతా బాధ్యతలు ఇజ్రాయెల్ సైన్యం తీసుకోవడమే మా ఉద్దేశం’ అని స్పష్టం చేశారు.
News August 11, 2025
స్కూళ్లకు వరుసగా మూడ్రోజులు సెలవులు
తెలుగు రాష్ట్రాల్లో విద్యార్థులకు వరుసగా మూడ్రోజులు సెలవులు రానున్నాయి. స్వాతంత్ర్య దినోత్సవం(ఆగస్టు 15), శ్రీకృష్ణ జన్మాష్టమి(ఆగస్టు 16), ఆదివారం(ఆగస్టు17) ఇలా వరుసగా మూడ్రోజులు సెలవులు వచ్చాయి. పుస్తకాలు, హోంవర్కులతో బిజీగా ఉండే పిల్లలకు కాస్త బ్రేక్ దొరికినట్లు అయ్యింది. ఆగస్టు 15 పబ్లిక్ హాలిడే కావడంతో.. సాఫ్ట్‌వేర్ ఉద్యోగులకు కూడా లాంగ్ వీకెండ్ దొరికినట్లు అయ్యింది.
News August 11, 2025
బంగారం ధరలు మరింత పెరుగుతాయ్?
ఈవారం కూడా బంగారం ధరలు పెరిగే అవకాశముందని ఆర్థిక నిపుణులు అంచనా వేస్తున్నారు. స్థూల ఆర్థిక అనిశ్చితి, టారిఫ్స్‌తో జరుగుతున్న వాణిజ్య యుద్ధం, సెంట్రల్ బ్యాంక్స్ బంగారం కొనుగోళ్లు కొనసాగించడమే కారణమని అభిప్రాయ పడుతున్నారు. అందుకే ఇన్వెస్టర్స్ గోల్డ్‌పై పెట్టుబడి పెడుతున్నారని, తద్వారా ధరలు పెరుగుతున్నాయని తెలిపారు. ఈ పరిస్థితులు ఇలాగే కొనసాగితే గోల్డ్ రేట్లు ఆకాశాన్ని అంటుతాయని అంచనా వేస్తున్నారు.
News August 11, 2025
నేడు ED విచారణకు రానా
బెట్టింగ్ యాప్స్ ప్రమోషన్‌ కేసులో నేడు హీరో రానా ఈడీ విచారణకు హాజరుకానున్నారు. ఆగస్టు 11న విచారణకు హాజరుకావాలని రానాకు ఈడీ నోటీసులు ఇచ్చిన విషయం తెలిసిందే. జులై 23న రావాలని కోరగా మరో తేదీ కావాలన్నారు. దాంతో కచ్చితంగా ఆగస్టు 11న హాజరవ్వాలన్నారు నగదు లావాదేవీలు, బెట్టింగ్ యాప్స్ నిర్వాహకులతో సంబంధాలపై ప్రశ్నించనున్నట్లు తెలుస్తోంది. ఇప్పటికే ED విచారణకు ప్రకాశ్‌రాజ్‌, విజయ్‌ దేవరకొండ హాజరయ్యారు.
News August 11, 2025
కొడుకు కోసం.. 90 ఏళ్ల వయసులో తల్లి పోరాటం
జైలుకెళ్లిన కొడుకు కోసం 90 ఏళ్ల ఓ తల్లి పోరాడుతోంది. చైనాలోని జెఝియాంగ్‌కు చెందిన లిన్(57) జైలులో ఉన్నారు. కుమారుడికి దూరంగా ఉండలేక.. ఆ తల్లి కేసు వాదించే ప్రయత్నిస్తోంది. ‘లా’ పుస్తకాలు తిరగేస్తోంది. ఏం జరిగందంటే.. హువాంగ్ అనే వ్యాపారవేత్తతో కలిసి లిన్ గ్యాస్ ప్రొడక్షన్ చేశాడు. హువాంగ్ పేమెంట్స్ చేయలేదని, అతని అవినీతి బయటపెడతానని లిన్ బెదిరించాడు. వ్యాపారి ఫిర్యాదుతో లిన్ 2023లో అరెస్టయ్యాడు.
News August 11, 2025
ఆగస్టు 11: చరిత్రలో ఈ రోజు
1908: స్వాతంత్య్ర సమరవీరుడు ఖుదీరాం బోస్(ఫొటోలో) మరణం
1943: పాకిస్థాన్ మాజీ అధ్యక్షుడు పర్వేజ్ ముషారఫ్ జననం
1949: ఆర్బీఐ మాజీ గవర్నర్‌ దువ్వూరి సుబ్బారావు జననం
1960: చాద్ స్వాతంత్ర్య దినోత్సవం
1961: నటుడు సునీల్ శెట్టి జననం
2000: నటుడు, నిర్మాత పైడి జైరాజ్ మరణం
2008: ఒలింపిక్స్‌లో స్వర్ణ పతకం గెలిచిన అభినవ్ బింద్రా
News August 11, 2025
పుట్టినరోజు శుభాకాంక్షలు
ఈ రోజు పుట్టినరోజు జరుపుకుంటున్న అందరికీ శుభాకాంక్షలు. పరిమితుల దృష్ట్యా ఫొటో ఎంపిక కాని వారు మన్నించగలరు. > ఫొటో, పేరు, ఊరు, పుట్టిన తేదీ వివరాలతో.. teluguteam@way2news.comకు SUBJECT: BIRTHDAYతో ముందురోజు (ex: MAY 1న పుట్టినరోజు అయితే APR 30న) ఉదయం గం.8:00-08:05 లోపు మెయిల్ చేయండి. పుట్టినరోజున మీ సన్నిహితులను ఆశ్చర్యపర్చండి.
Featured News
Sorry, no posts matched your criteria.