India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 27, 2024
వైసీపీ MLCపై అనర్హత వేటు.. హైకోర్టు కీలక ఆదేశాలు
AP: YCP ఎమ్మెల్సీ ఇందుకూరి రాజుపై అనర్హత వేటు పడిన నేపథ్యంలో ఆ స్థానం ఖాళీ అయినట్లు నోటిఫై చేయొద్దని హైకోర్టు కీలక ఆదేశాలు జారీ చేసింది. ఈ మేరకు మండలి ఛైర్మన్, విప్లకు నోటీసులు జారీ చేసింది. విచారణను జులై 10కి వాయిదా వేసింది. పిటిషనర్ రాజు సతీమణి TDPలో చేరారనే కారణంతో MLCని అనర్హుడిగా ప్రకటించారని లాయర్ కోర్టుకు వివరించారు. ఆమె నిర్ణయానికి పిటిషనర్ను బాధ్యుణ్ని చేయడం సరికాదని వాదించారు.
News June 27, 2024
మేఘాకు రూ.12,800 కోట్ల కాంట్రాక్ట్
హైదరాబాద్కు చెందిన మేఘా ఇంజినీరింగ్ అండ్ ఇన్ఫ్రాస్ట్రక్చర్ లిమిటెడ్ (MEIL) భారీ కాంట్రాక్టును దక్కించుకుని, అణు ఇంధన రంగంలోకి అడుగుపెట్టింది. కర్ణాటకలోని కైగా వద్ద 700 మెగావాట్ల కెపాసిటీ గల రెండు విద్యుత్ రియాక్టర్ల నిర్మాణానికి న్యూక్లియర్ పవర్ కార్పొరేషన్ (NPCIL) పిలిచిన టెండర్లలో MEIL అగ్రస్థానంలో నిలిచింది. రూ.12,800 కోట్ల ధరను కోట్ చేసి ఈ కాంట్రాక్టును దక్కించుకున్నట్లు MEIL తెలిపింది.
News June 27, 2024
‘కల్కి’ మూవీ పబ్లిక్ టాక్
ప్రభాస్ హీరోగా నటించిన ‘కల్కి 2898 ఏడీ’ గ్రాండ్గా విడుదలైంది. ఇప్పటికే ఓవర్సీస్లో షో పూర్తయింది. ఈ మూవీకి Xలో పాజిటివ్ రెస్పాన్స్ వస్తోంది. మూవీ ఆరంభంలో సీన్స్ అదిరిపోయాయని చెబుతున్నారు. విజువల్స్ నెక్స్ట్ లెవల్ అని, ప్రభాస్, అమితాబ్ నటన, క్లైమాక్స్ సీన్స్ ఫ్యాన్స్కు గూస్బంప్స్ తెప్పిస్తాయని పొగుడుతున్నారు. ఫస్టాఫ్లో కొన్ని సీన్స్ స్లోగా సాగాయంటున్నారు. కాసేపట్లో WAY2NEWS రివ్యూ..
News June 27, 2024
రోడ్లు సరిగా లేకుంటే టోల్ వసూలు చేయొద్దు: గడ్కరీ
నాణ్యమైన సేవలు అందించనప్పుడు టోల్ వసూలు చేస్తే ప్రజల ఆగ్రహాన్ని చూడాల్సి వస్తుందని కేంద్ర రవాణాశాఖ మంత్రి నితిన్ గడ్కరీ అన్నారు. రహదారులు సరిగా లేకుంటే టోల్ ఛార్జీలు వసూలు చేయొద్దని హైవే సంస్థలకు సూచించారు. ‘మనం టోల్ వసూలుపై చాలా ఆత్రుతతో ఉన్నాం. కానీ రోడ్లు సరిగా ఉన్న చోటే ఫీజులు వసూలు చేయాలి. గుంతలు, మట్టితో ఉండే అధ్వానమైన రోడ్లకు టోల్ వసూలు చేస్తే ప్రజల నుంచి వ్యతిరేకత వస్తుంది’ అని తెలిపారు.
News June 27, 2024
టాస్ గెలిచి బ్యాటింగ్ ఎంచుకున్న అఫ్గాన్
టీ20 వరల్డ్ కప్ తొలి సెమీఫైనల్లో సౌతాఫ్రికాతో మ్యాచ్లో అఫ్గానిస్థాన్ టాస్ గెలిచి బ్యాటింగ్ ఎంచుకుంది. జట్లు. సౌతాఫ్రికా: డికాక్, హెండ్రిక్స్, మార్క్రమ్ (C), స్టబ్స్, క్లాసెన్, మిల్లర్, జాన్సెన్, కేశవ్ మహరాజ్, రబాడ, అన్రిచ్ నోర్ట్జే, షంసీ.
అఫ్గానిస్థాన్: గుర్బాజ్, ఇబ్రహీం జద్రాన్, ఒమర్జాయ్, గుల్బాదిన్ నాయబ్, మహ్మద్ నబీ, కరీం జనత్, రషీద్ ఖాన్ (C), ఖరోటీ, నూర్ అహ్మద్, నవీన్-ఉల్-హక్, ఫారూఖీ.
News June 27, 2024
‘కల్కి’లో దుల్కర్ సల్మాన్ మాస్ ర్యాంపేజ్?
పాన్ ఇండియా స్టార్ ప్రభాస్ హీరోగా నటించిన ‘కల్కి 2898 ఏడీ’ మూవీ ఓవర్సీస్లో విడుదలైంది. ఈ సినిమాలో దుల్కర్ సల్మాన్ పాత్ర అదిరిపోయిందని నెటిజన్లు ఎక్స్లో కామెంట్లు చేస్తున్నారు. అలాగే అమితాబ్, ఆర్జీవీ పాత్రలు కూడా అదిరిపోయాయని చెబుతున్నారు. టాలీవుడ్ ఫిలిం ఇండస్ట్రీ మొత్తం సిినిమాలో ఉందని పొగుడుతున్నారు. నాగ్ అశ్విన్ తెరకెక్కించిన ఈ మూవీకి సంతోశ్ నారాయణన్ మ్యూజిక్ అందించారు.
News June 27, 2024
పిన్నెల్లికి 14 రోజుల రిమాండ్
AP: మాచర్ల మాజీ ఎమ్మెల్యే పిన్నెల్లి రామకృష్ణారెడ్డికి మాచర్ల జూనియర్ సివిల్ కోర్టు జడ్జి 14 రోజుల రిమాండ్ విధించారు. టీడీపీ ఏజెంట్ నంబూరి శేషగిరిరావు, కారంపూడి సీఐపై దాడి కేసుల్లో రిమాండ్ విధించగా.. ఈవీఎం ధ్వంసం, మహిళపై దాడి కేసుల్లో బెయిల్ మంజూరు చేశారు. పిన్నెల్లిని నెల్లూరు జైలుకు తరలించాలని జడ్జి ఆదేశించారు.
News June 27, 2024
ఎమ్మెల్సీలుగా వర్మ, ఇక్బాల్ పేర్లు ఖరారు?
AP: MLA కోటా MLC స్థానాలకు TDP అభ్యర్థులుగా SVSN వర్మ, మహమ్మద్ ఇక్బాల్ పేర్లు ఖరారైనట్లు తెలుస్తోంది. వీరి పేర్లను త్వరలోనే ప్రకటించే అవకాశం ఉంది. పిఠాపురంలో పవన్ కోసం వర్మ తన సీటును త్యాగం చేయడంతో పాటు భారీ మెజారిటీతో గెలిపించారు. దీంతో వర్మకు ఎమ్మెల్సీతోపాటు మిగిలి ఉన్న మంత్రి పదవి కూడా ఇవ్వనున్నట్లు టాక్. హిందూపురంలో బాలకృష్ణ గెలుపు కోసం కృషి చేసిన ఇక్బాల్కు సీటు ఖరారైనట్లు తెలుస్తోంది.
News June 27, 2024
తెలంగాణ పూర్తి స్థాయి గవర్నర్గా రాధాకృష్ణన్?
TG: రాష్ట్ర పూర్తి స్థాయి గవర్నర్గా ఇన్ఛార్జ్ గవర్నర్ సీపీ రాధాకృష్ణన్ను కొనసాగించే అవకాశాలు ఉన్నట్లు తెలుస్తోంది. ప్రస్తుతం రాధాకృష్ణన్ ఝార్ఖండ్ గవర్నర్గా కొనసాగుతున్నారు. పుదుచ్చేరికి కూడా ఆయన ఇన్ఛార్జ్ గవర్నర్గా ఉన్నారు. తనను తెలంగాణ పూర్తి స్థాయి గవర్నర్గా కొనసాగించాలని ఇటీవలే హోంమంత్రి అమిత్ షాను రాధాకృష్ణన్ కోరినట్లు సమాచారం. ఇందుకు ఆయన సుముఖత వ్యక్తం చేసినట్లు తెలుస్తోంది.
News June 27, 2024
గొంతులో పెరిగిన వెంట్రుక.. ఎట్టకేలకు విముక్తి!
2007 నాటి మాట. ఆస్ట్రియాకు చెందిన 52 ఏళ్ల చైన్ స్మోకర్కు గొంతులో 9 వెంట్రుకలు మొలిచాయి. వాటిని శాశ్వతంగా తొలగిస్తామని, అందుకు స్మోకింగ్ మానేయాల్సి ఉంటుందన్నారు వైద్యులు. అతడు ఒప్పుకోలేదు. ఇన్నేళ్లుగా వాటిని తాత్కాలికంగా తీయించుకుంటూ నరకం అనుభవించాడు. ఇక భరించలేక ఎట్టకేలకు స్మోకింగ్ మానేసి సర్జరీ చేయించేశాడు. సర్జరీ సక్సెస్ అని, గొంతులో ఇక వెంట్రుకలు రావని వైద్యులు చెప్పడంతో ఊపిరి పీల్చుకున్నాడు.
Featured News
Sorry, no posts matched your criteria.