India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 16, 2024
BREAKING: వైసీపీ ఎమ్మెల్సీకి జైలుశిక్ష
AP:శిరోముండనం కేసులో YCP MLC తోట త్రిమూర్తులు సహా 10 మంది నిందితులకు విశాఖ కోర్టు జైలు శిక్ష విధించింది. 18 నెలల జైలు శిక్షతో పాటు ₹2.50లక్షల ఫైన్ విధించింది. ఈ కేసులో 28 ఏళ్ల తర్వాత తీర్పు వెలువడింది. కోనసీమ(D) రామచంద్రాపురం(మ) వెంకటాయపాలెంలో 1996 DEC 29న ఐదుగురు దళితులను హింసించి ఇద్దరికి శిరోముండనం చేసిన ఘటన అప్పట్లో సంచలనం రేపింది. ప్రస్తుతం మండపేట నుంచి త్రిమూర్తులు YCP నుంచి పోటీలో ఉన్నారు.
News April 16, 2024
ఆర్సీబీ ఇంటికేనా?
RCB ఫ్యాన్స్కు ఈసారీ నిరాశేనా? వారి కప్పు కల కలగానే మిగలనుందా? అంటే వరుస ఓటములు అవుననే అంటున్నాయి. హైదరాబాద్పై ఓటమితో ఆ టీమ్ ప్లేఆఫ్స్ అవకాశాలు సంక్లిష్టంగా (0%) మారాయని క్రికెట్ విశ్లేషకులు చెబుతున్నారు. ఇప్పటివరకు 7 మ్యాచ్లు ఆడిన బెంగళూరు ఒకదాంట్లోనే విజయం సాధించింది. ఇక ఆ టీమ్ ప్లే ఆఫ్స్కు చేరాలంటే మిగిలిన 7 మ్యాచుల్లోనూ తప్పక గెలవాలి. దాంతోపాటు ఇతర జట్ల గెలుపోటములపై ఆధారపడాల్సి ఉంటుంది.
News April 16, 2024
దిగ్గజ క్రికెటర్ కన్నుమూత
ఇంగ్లండ్ స్పిన్ దిగ్గజం డెరెక్ అండర్వుడ్(78) కన్నుమూశారు. అనారోగ్య సమస్యలతో తుదిశ్వాస విడిచినట్లు కుటుంబసభ్యులు తెలిపారు. 1966-82 మధ్య ఇంగ్లండ్ తరఫున 86 టెస్టుల్లో 297, 26 వన్డేల్లో 32 వికెట్లు తీశారు. ఇప్పటికీ ఆ జట్టు తరఫున అత్యధిక వికెట్లు తీసిన స్పిన్నర్గా రికార్డు ఆయన పేరిటే ఉంది. కాగా కౌంటీల్లో 900కు పైగా మ్యాచులు ఆడిన డెరెక్ 2,523 వికెట్లు తీశారు.
News April 16, 2024
ఫేక్ న్యూస్ను కట్టడి చేద్దాం
Way2News పేరుతో కొందరు చేసే అసత్య ప్రచారాలపై అప్రమత్తంగా ఉండండి. ఈ ఫేక్ న్యూస్ గుర్తించడం చాలా సులువు. మా ప్రతి ఆర్టికల్కు యునిక్ కోడ్ ఉంటుంది. మీకు వచ్చే స్క్రీన్షాట్పై కోడ్ను fc.way2news.comలో ఎంటర్ చేయండి. సెర్చ్లో సేమ్ ఆర్టికల్ వస్తే అది మేము పబ్లిష్ చేసిన వార్త. వేరే కంటెంట్ వచ్చినా, ఏ వార్త రాకపోయినా అది మా లోగో వాడి రూపొందించిన ఫేక్ న్యూస్. వీటిని grievance@way2news.comకు పంపండి.
News April 16, 2024
‘అఖండ-2’పై బోయపాటి అప్డేట్
బాలకృష్ణ-బోయపాటి శ్రీనివాస్ కాంబినేషన్లో తెరకెక్కిన ‘అఖండ’ మూవీ బాక్సాఫీస్ వద్ద భారీ విజయాన్ని సొంతం చేసుకుంది. ఈ మూవీకి సీక్వెల్ ఉంటుందన్న బోయపాటి లేటెస్ట్ అప్డేట్ ఇచ్చారు. ‘ప్రస్తుతం ఎన్నికల హడావిడి ఉంది. అది పూర్తయ్యాక ‘అఖండ-2’ ఉంటుంది. ఈ సీక్వెల్లో సమాజానికి కావాల్సిన ఓ మంచి విషయం ఉంటుంది’ అని బోయపాటి చెప్పారు. ఇప్పటికే స్క్రిప్ట్ వర్క్ పూర్తైనట్లు తెలిపారు.
News April 16, 2024
ఎన్నికల తర్వాత తెలంగాణ రాజకీయాల్లో పెనుమార్పులు: అరవింద్
TG: లోక్సభ ఎన్నికల తర్వాత రాష్ట్ర రాజకీయాల్లో పెనుమార్పులు సంభవిస్తాయని బీజేపీ ఎంపీ ధర్మపురి అరవింద్ ఆసక్తికర వ్యాఖ్యలు చేశారు. నిజామాబాద్లో ఇంటింటి ప్రచారం ప్రారంభించిన ఆయన.. ‘రాష్ట్రంలో BJPకి 12 MP సీట్లు వస్తాయని కాంగ్రెస్ నేతలే చెబుతున్నారు. ఇప్పటికే అధికార పార్టీలో రాజకీయాలు మొదలయ్యాయి. వంద రోజుల్లో అమలు కాని కాంగ్రెస్ పార్టీ గ్యారంటీలు.. ఆగస్టు తర్వాత ఎలా అమలవుతాయి?’ అని ప్రశ్నించారు.
News April 16, 2024
CSKకి గుడ్న్యూస్
IPL ప్లేఆఫ్స్ బెర్తుల కోసం పోటీ నెలకొన్న నేపథ్యంలో CSKకు బంగ్లాదేశ్ శుభవార్త చెప్పింది. CSK కీలక బౌలర్ ముస్తాఫిజుర్ NOCని పొడిగించింది. దీంతో అతడు మే 1న పంజాబ్తో జరిగే మ్యాచ్ వరకు అందుబాటులో ఉండనున్నారు. జింబాబ్వేతో T20 సిరీస్ (మే 3-12) కోసం అతడిని BCB ఏప్రిల్ 30నే స్వదేశానికి రమ్మంది. అయితే CSK కోరిక మేరకు ఆ గడువును తాజాగా పొడిగించింది. CSKలో ఇతడు టాప్ వికెట్ టేకర్(10)గా ఉన్నారు.
News April 16, 2024
తిరుమల శ్రీవారి భక్తులకు అలర్ట్
జులై నెల తిరుమల శ్రీవారి ఆర్జిత సేవా టికెట్లను ఈ నెల 18న ఉదయం 10 గంటలకు విడుదల చేయనున్నట్లు టీటీడీ వెల్లడించింది. ఈ నెల 20న ఉదయం 10 గంటల వరకు లక్కీ డిప్ నమోదు ప్రక్రియ కొనసాగుతుందని పేర్కొంది. 22న మ.3 గంటలకు వర్చువల్ సేవా టికెట్లు అందుబాటులో ఉంటాయి. ఈ నెల 23న మ.3 గంటలకు వయోవృద్ధులు, దివ్యాంగుల టోకెన్లు.. 24న ఉ.10 గంటలకు రూ.300 ప్రత్యేక ప్రవేశ దర్శన టికెట్లను TTD విడుదల చేయనుంది.
News April 16, 2024
‘ఆమె’ అనుకొని లవ్ చేశాడు.. కానీ!
అమ్మాయితో 20సం. రిలేషన్ తర్వాత ఆమె ‘అతడు’గా తెలిస్తే? ఫ్రెంచ్ మాజీ దౌత్యవేత్త బెర్నార్డ్ బౌర్సీకాట్ విషయంలో ఇదే జరిగింది. చైనా స్పై షీ పెయిపూతో బెర్నార్డ్కు 1964లో పరిచయం ఏర్పడింది. నటుడైన షీ మహిళగా శరీరాకృతి మార్చుకోగా బెర్నార్డ్ ప్రేమించాడు. ఇద్దరి రిలేషన్ గుర్తించిన చైనా బెర్నార్డ్ను బెదిరించి కీలక సమాచారం సేకరించింది. 1983లో ఇది గ్రహించిన ఫ్రెంచ్ రక్షణ శాఖ ఇద్దరికీ 6సం. శిక్ష విధించింది.
News April 16, 2024
BREAKING: భారీగా పెరిగిన ధరలు
బంగారం ధరలు ఆకాశమే హద్దు అన్నట్లు పెరిగిపోతున్నాయి. హైదరాబాద్ మార్కెట్లో 24 క్యారెట్ల బంగారం 10 గ్రాముల ధర రూ.980 పెరిగి రూ.74,130కి చేరింది. 22 క్యారెట్ల పసిడి 10 గ్రాముల ధర రూ.900 పెరిగి రూ.67,950గా నమోదైంది. అటు సిల్వర్ కూడా కేజీ రూ.1000 పెరిగి రూ.90,500గా ఉంది. తెలుగు రాష్ట్రాల్లో దాదాపు ఇవే ధరలు ఉన్నాయి.
Featured News
Sorry, no posts matched your criteria.