India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 20, 2024
ఏపీ క్యాబినెట్ కీలక నిర్ణయాలు
* టూరిజానికి పరిశ్రమ హోదా
* విశాఖ, విజయవాడ మెట్రో డీపీఆర్‌కు ఆమోదం
* ల్యాండ్ గ్రాబింగ్ యాక్ట్-2024కు ఆమోదం
* సీఎన్‌జీపై వ్యాట్ 5శాతానికి తగ్గింపు
News November 20, 2024
ఏఆర్ రెహమాన్ శిష్యురాలు కూడా విడాకులు
రెహమాన్-సైరా బాను దంపతులు <<14657136>>విడాకులు<<>> ప్రకటించిన కొన్ని గంటల్లోనే ఆయన మ్యూజిక్ టీమ్‌లోని గిటారిస్ట్ మోహిని డే(29) కూడా భర్త మార్క్‌‌కు డివోర్స్ ఇచ్చారు. పరస్పర అంగీకారంతోనే విడిపోతున్నామని తెలిపారు. బెస్ట్ ఫ్రెండ్స్‌గా ఉంటామని, కలిసే ప్రాజెక్టులు చేస్తామని ప్రకటించారు. రెహమాన్‌తో కలిసి మోహిని 40+ షోలలో ప్రదర్శన ఇచ్చారు. ఒకేసారి ఇద్దరూ తమ భాగస్వాముల నుంచి వేరుపడటం అనుమానాలకు తావిస్తోంది.
News November 20, 2024
ఝార్ఖండ్ EXIT POLLS: యాక్సిస్ మై ఇండియా కాన్ఫిడెన్స్ ఏంటి?
ఝార్ఖండ్‌పై ఇప్పటి వరకు 5 సంస్థలు ఎగ్జిట్ పోల్స్ అంచనాలు విడుదల చేశాయి. 81 సీట్లున్న ఈ రాష్ట్రంలో BJP కూటమి మ్యాజిక్ ఫిగర్ 41ని దాటేస్తుందని మ్యాట్రిజ్, పీపుల్స్ పల్స్, టైమ్స్ నౌ ఎగ్జిట్ పోల్స్ అంచనా వేశాయి. యాక్సిస్ మై ఇండియా ఒక్కటే BJP 25కు పరిమితం అవుతుందని, ఇండియా కూటమి 53 సీట్లతో అధికారం చేపడుతుందని పేర్కొంది. అటూ ఇటూ కాకుండా పక్కాగా సీట్లు అంచనా వేయడంపై నెటిజన్లు సర్‌ప్రైజ్ అవుతున్నారు.
News November 20, 2024
1000మంది ఉద్యోగుల్ని స్పెయిన్‌ పంపించిన చెన్నై కంపెనీ!
చెన్నైకు చెందిన రియల్ ఎస్టేట్ సంస్థ కాసాగ్రాండ్ తమ ఉద్యోగులు 1000 మందికి బంపరాఫర్ ఇచ్చింది. అన్ని ఖర్చుల్నీ భరిస్తూ స్పెయిన్‌కు వారం రోజుల టూర్‌కు పంపించింది. ఉద్యోగులకు ప్రోత్సాహాన్నిచ్చేందుకు 2013లో తొలిసారిగా ఈ కార్యక్రమాన్ని ప్రారంభించినట్లు సంస్థ ఓ ప్రకటనలో తెలిపింది. అప్పటి నుంచి అనేక దేశాలకు ఉద్యోగుల్ని పంపించామని తెలిపింది. కరోనా సమయంలోనూ ఈ సంప్రదాయాన్ని కొనసాగించడం గమనార్హం.
News November 20, 2024
టాలీవుడ్‌లోకి క్రికెటర్ చాహల్ భార్య ఎంట్రీ?
భారత స్టార్ క్రికెటర్ యుజ్వేంద్ర చాహల్ భార్య ధనశ్రీ వర్మ తెలుగు సినిమాలో నటించనున్నట్లు తెలుస్తోంది. టాలీవుడ్ సర్కిళ్లలో ఈ విషయం చక్కర్లు కొడుతోంది. త్వరలో షూటింగ్ ప్రారంభమయ్యే ఓ పెద్ద సినిమాలో ఆమె కీలక పాత్ర పోషించనున్నట్లు సమాచారం. రియాల్టీ, డాన్స్ షోల ద్వారా ధనశ్రీ పాపులర్ అయ్యారు.
News November 20, 2024
ఇన్వెస్టర్లకు నితిన్ కామత్ హెచ్చరిక
ట్రేడింగ్ పేరుతో న‌కిలీ యాప్‌, వెబ్‌సైట్‌ల ఆగ‌డాలు పెరుగుతుండ‌డంతో జాగ్ర‌త్త‌గా ఉండాలని ఇన్వెస్ట‌ర్లను జిరోదా కో-ఫౌండ‌ర్ నితిన్ కామత్ హెచ్చ‌రించారు. ఇలాంటి ఉదంతాల గురించి చ‌ద‌వ‌ని, విన‌ని రోజ‌ంటూ లేద‌ని పేర్కొన్నారు. అందువ‌ల్ల పెట్టుబ‌డులు పెట్టేట‌ప్పుడు ఆత్రుతపడకుండా ఆయా వేదికలను ధ్రువీకరించుకోవాలని సూచించారు. మరీ ఆక‌ర్ష‌ణీయ ప్ర‌క‌ట‌న‌లు క‌చ్చితంగా న‌కిలీవి అయ్యుంటాయ‌ని హెచ్చ‌రించారు.
News November 20, 2024
TIMES NOW-JVC: మహాయుతిదే మహారాష్ట్ర
మహారాష్ట్రలో మహాయుతి 150-167 స్థానాలతో మరోసారి అధికారం చేపడుతుందని టైమ్స్ నౌ-JVC సర్వే అంచనా వేసింది. MVA 107-125, ఇతరులు 13-14 సీట్లకు పరిమితం అవుతారని వెల్లడించింది. మరోవైపు దైనిక్ భాస్క‌ర్ MVAకి అత్యధిక సీట్లు వస్తాయని పేర్కొంది. MVA 135-150 సీట్లు, మ‌హాయుతికి 125-140 సీట్లు ద‌క్కుతాయ‌ని వెల్లడించింది. ఇతరులు 20 నుంచి 25 స్థానాల్లో గెలిచే అవకాశం ఉంద‌ని తెలిపింది.
News November 20, 2024
ఏపీ క్యాబినెట్ కీలక నిర్ణయాలు
✒ అమరావతి పనులకు కొత్తగా టెండర్లు
✒ రూ.85వేల కోట్ల పెట్టుబడులకు సంబంధించి SIPB నిర్ణయాలకు ఆమోదం
✒ పీడీ యాక్ట్ పటిష్ఠం చేసే సవరణ బిల్లు, లోకాయుక్త సవరణ బిల్లు, ఆలయ కమిటీల్లో ఇద్దరు సభ్యులకు చోటు కల్పించే చట్టసవరణ బిల్లుకు ఆమోదం
✒ కర్నూలులో హైకోర్టు బెంచ్ ఏర్పాటు
✒ ఈగల్ పేరుతో యాంటీ నార్కోటిక్స్ విభాగం
✒ కాంట్రాక్టర్లకు మొబిలైజేషన్ అడ్వాన్స్‌ల పునరుద్ధరణ
News November 20, 2024
చిన్నారులపై లైంగికదాడులు.. కలెక్టర్ కన్నీళ్లు
AP: కాకినాడలో విద్యార్థినులను వేధించిన టీచర్, చిన్నారులపై అఘాయిత్యాలపై మాట్లాడుతూ కలెక్టర్ షాన్ మోహన్ కన్నీళ్లు పెట్టుకున్నారు. ‘కీచక టీచర్ల గురించి తెలిసికూడా చెప్పకపోతే తప్పు. చేజేతులా పిల్లల జీవితాలను నాశనం చేసినవారవుతారు. నా పేరెంట్స్ టీచర్లు. వాళ్లు కష్టపడి నన్ను ఇంతదాకా తీసుకొచ్చారు. వాళ్లు స్కూల్‌లో డ్యూటీ చేయకపోయినా, వాళ్ల వల్ల పిల్లలు చెడిపోయినా ఆ పాపం మాకు వచ్చేది’ అని పేర్కొన్నారు.
News November 20, 2024
గంభీర్ ఎక్కువ కాలం ఉండకపోవచ్చు: సైమన్ డౌల్
భారత కోచ్‌గా గంభీర్ ఎక్కువ కాలం కొనసాగకపోవచ్చని న్యూజిలాండ్ మాజీ క్రికెటర్ సైమన్ డౌల్ అభిప్రాయపడ్డారు. గ్రెగ్ చాపెల్ కంటే తక్కువ కాలంలోనే ఉద్వాసనకు గురవుతారని అన్నారు. ‘గంభీర్‌కు అసహనం ఎక్కువ. BGTలో ఎలా ఆడాలన్నదానిపై ఆటగాళ్లను కూర్చోబెట్టి మాట్లాడటం కీలకం. ఈ సిరీస్‌లో ఫలితాలు బాగుంటే ఓకే. ఒకవేళ భారత్ 1-4 లేదా 0-5 తేడాతో ఓడిపోతే ఆయన కోచ్‌గా కొనసాగేది అనుమానమే’ అని స్పష్టం చేశారు.
Featured News
Sorry, no posts matched your criteria.