India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 20, 2024
చిన్నారులపై లైంగికదాడులు.. కలెక్టర్ కన్నీళ్లు
AP: కాకినాడలో విద్యార్థినులను వేధించిన టీచర్, చిన్నారులపై అఘాయిత్యాలపై మాట్లాడుతూ కలెక్టర్ షాన్ మోహన్ కన్నీళ్లు పెట్టుకున్నారు. ‘కీచక టీచర్ల గురించి తెలిసికూడా చెప్పకపోతే తప్పు. చేజేతులా పిల్లల జీవితాలను నాశనం చేసినవారవుతారు. నా పేరెంట్స్ టీచర్లు. వాళ్లు కష్టపడి నన్ను ఇంతదాకా తీసుకొచ్చారు. వాళ్లు స్కూల్‌లో డ్యూటీ చేయకపోయినా, వాళ్ల వల్ల పిల్లలు చెడిపోయినా ఆ పాపం మాకు వచ్చేది’ అని పేర్కొన్నారు.
News November 20, 2024
గంభీర్ ఎక్కువ కాలం ఉండకపోవచ్చు: సైమన్ డౌల్
భారత కోచ్‌గా గంభీర్ ఎక్కువ కాలం కొనసాగకపోవచ్చని న్యూజిలాండ్ మాజీ క్రికెటర్ సైమన్ డౌల్ అభిప్రాయపడ్డారు. గ్రెగ్ చాపెల్ కంటే తక్కువ కాలంలోనే ఉద్వాసనకు గురవుతారని అన్నారు. ‘గంభీర్‌కు అసహనం ఎక్కువ. BGTలో ఎలా ఆడాలన్నదానిపై ఆటగాళ్లను కూర్చోబెట్టి మాట్లాడటం కీలకం. ఈ సిరీస్‌లో ఫలితాలు బాగుంటే ఓకే. ఒకవేళ భారత్ 1-4 లేదా 0-5 తేడాతో ఓడిపోతే ఆయన కోచ్‌గా కొనసాగేది అనుమానమే’ అని స్పష్టం చేశారు.
News November 20, 2024
రూ.6600 కోట్ల బిట్‌కాయిన్ స్కామ్.. మలుపు మలుపుకో ట్విస్ట్ (1)
‘బిట్‌కాయిన్ స్కామ్’ చిన్నదేం కాదు! దీని విలువ ఏకంగా రూ.6600 కోట్లు. మహారాష్ట్ర, పంజాబ్‌లో 40 FIRs నమోదయ్యాయి. 2018లో పుణేలో కేసు నమోదవ్వగానే మాస్టర్ మైండ్ అమిత్ భరద్వాజ్ దుబాయ్‌కు పారిపోయారు. 2022 JANలో ఆయన మరణించారు. దీంతో కుటుంబం మొత్తంపై 2024లో ED ఛార్జిషీట్ వేసింది. 2017లో ఆయన కంపెనీ వేరియబుల్ టెక్ మల్టీలెవల్ మార్కెటింగ్ విధానంలో రూ.6600 కోట్ల BTCలను కలెక్ట్ చేసింది. ఆ తర్వాతేం జరిగిందంటే..
News November 20, 2024
రూ.6600 కోట్ల బిట్‌కాయిన్ స్కామ్.. మలుపు మలుపుకో ట్విస్ట్ (2)
సాధారణంగా బిట్‌కాయిన్లను వ్యాలెట్లో స్టోర్ చేస్తారు. దర్యాప్తులో తేలిందేమిటంటే రూ.6600 కోట్ల BTCలు అసలు వ్యాలెట్ నుంచి మాయమయ్యాయి. ఇద్దరు పోలీసాఫీసర్లు వీటిని మరో వ్యాలెట్లోకి బదిలీ చేశారని తెలిసింది. మొత్తంగా ఈ స్కామ్‌లో 2 లేయర్లు ఉన్నాయి. మొదటి దాంట్లో అమిత్ వంటివాళ్లు, రెండో దాంట్లో గౌరవ్ మెహతా, సుప్రియా సూలె, నానా పటోలే వంటి నేతలు ఉన్నారని ఆరోపణ. డబ్బులున్న వ్యాలెట్ వీరికి తెలుసని సమాచారం.
News November 20, 2024
AXIS MY INDIA: ఝార్ఖండ్ ‘ఇండియా’దే
ఝార్ఖండ్ అసెంబ్లీ ఎన్నికల్లో ఇండియా కూటమి మరోసారి అధికారాన్ని నిలబెట్టుకుంటుందని AXIS MY INDIA అంచనా వేసింది. ఇండియా 53, ఎన్డీఏ 25, అదర్స్ 3 సీట్లు గెలుస్తాయని పేర్కొంది.
News November 20, 2024
టైమ్స్ నౌ JVC ఎగ్జిట్ పోల్స్: ఝార్ఖండ్‌లో హోరాహోరీ
ఝార్ఖండ్‌లో బీజేపీ, కాంగ్రెస్ కూటముల మధ్య హోరాహోరీ పోటీ నెలకొన్నట్టు టైమ్స్ నౌ జేవీసీ ఎగ్జిట్ పోల్స్ అంచనా వేసింది. బీజేపీ కూటమికి 40-45 సీట్లు, ఇండియా కూటమికి 30-40 సీట్లు రావొచ్చని తెలిపింది. ఇతరులు ఒక సీటు గెలవొచ్చని పేర్కొంది.
News November 20, 2024
జన్‌మత్ పోల్స్: రెండు రాష్ట్రాల్లో హంగ్
మహారాష్ట్ర, ఝార్ఖండ్ ఎన్నికల్లో ‘హంగ్’ పరిస్థితి రావొచ్చని జన్‌మత్ పోల్స్ అంచనా వేసింది. మహారాష్ట్రలో మహాయుతి కూటమి 130-145, MVA 125-140 సీట్లు గెలవొచ్చని తెలిపింది. పార్టీల పరంగా బీజేపీ 77-82, SS 38-42, NCP 12-15, కాంగ్రెస్ 48-52, SSUBT 37-41, NCP(SP) 38-42, ఇతరులు 15-17 సీట్లు గెలుస్తాయంది. ఝార్ఖండ్‌లో ఎన్డీఏ 41-45, ఇండియా 36-39, ఇతరులు 3-4 సీట్లు గెలవొచ్చని పేర్కొంది.
News November 20, 2024
ఝార్ఖండ్‌లో BJPదే అధికారం: చాణక్య స్ట్రాటజీస్
ఝార్ఖండ్‌లో ఎన్డీయే కూటమి ఘ‌న‌విజ‌యం సాధిస్తుంద‌ని చాణక్య స్ట్రాటజీస్ స‌ర్వే అంచనా వేసింది. మొత్తం 81 స్థానాల్లో బీజేపీ కూటమి 45-50 స్థానాల్లో విజ‌యం సాధిస్తుంద‌ని వెల్లడించింది. ఇక అధికార జేఎంఎం, కాంగ్రెస్ ఆధ్వర్యంలోని కూటమి 35-38 స్థానాల‌కు ప‌రిమిత‌మ‌వుతుంద‌ని తెలిపింది.
News November 20, 2024
యూపీ ఉప ఎన్నికల్లో హోరాహోరీ
యూపీలోని 9 అసెంబ్లీ స్థానాల‌కు జ‌రిగిన ఉప ఎన్నిక‌లు అధికార బీజేపీ, విప‌క్ష ఎస్పీ మధ్య హోరాహోరీగా జ‌రిగిన‌ట్టు ఎగ్జిట్ పోల్స్ సంస్థ‌లు అంచనా వేశాయి. అధికార బీజేపీ 4 నుంచి 6 స్థానాల్లో గెలుస్తుంద‌ని డీఎన్ఏ వెల్లడించింది. ఇక విప‌క్ష ఎస్పీ 3-5 స్థానాల్లో గెలుస్తుంద‌ని అంచనా వేసింది. SP నుంచి న‌లుగురు, BJP ముగ్గురు, RLD, నిషాద్ పార్టీ నుంచి ఒక‌రు MLAలుగా రాజీనామా చేయ‌డంతో ఉపఎన్నిక అనివార్యమైంది.
News November 20, 2024
చాణక్య, పోల్‌డైరీ EXIT POLLS: బీజేపీ కూటమికి 160 సీట్లు
మహారాష్ట్రలో బీజేపీ కూటమి అధికారంలోకి వస్తుందని చాణక్య స్ట్రాటజీస్ అంచనా వేసింది. మహాయుతికి 152-160 వస్తాయంది. మ్యాజిక్ ఫిగర్‌ను దాటేస్తుందని తెలిపింది. కాంగ్రెస్ 130-138కు పరిమితం అవుతుందని తెలిపింది. ఇతరులకు 6-8 వస్తాయంది. బీజేపీ కూటమికి 122-186, కాంగ్రెస్ కూటమికి 69-121 వస్తాయని పోల్ డైరీ అంచనా వేసింది. ఇతరులు12-29 గెలుస్తారని తెలిపింది.
Featured News
Sorry, no posts matched your criteria.