News May 2, 2024
జాబిల్లిపైకి పాక్ మూన్ మిషన్.. రేపే ప్రయోగం
చంద్రుడిపై ప్రయోగానికి పాకిస్థాన్ సిద్ధమైంది. ICUBE-Q పేరుతో చేపడుతున్న ఈ మూన్ మిషన్‌ను రేపు మ.12.50 గంటలకు చైనాలోని హైనాన్ నుంచి చాంగ్’ఈ-6 మిషన్‌తో ప్రయోగించనున్నారు. చైనా సహకారంతో చేపడుతున్న ఈ ప్రయోగంలో ఆర్బిటర్ చంద్రుడిపైకి ల్యాండ్ అవ్వదు. తన కక్ష్యలో ఉంటూనే పరిశోధనలు చేస్తుంది. ఈ మూన్ మిషన్ విజయవంతమైతే సౌత్ ఆసియాలో రెండో ఘనత సాధించిన దేశంగా పాకిస్థాన్‌కు గుర్తింపు లభిస్తుంది.
Similar News
News November 29, 2025
‘కుర్చీ’లాట పక్కన పెట్టి పాలనపై దృష్టి పెడతారా?
మా మధ్య ఎలాంటి విభేదాలు లేవు.. అధిష్ఠానం నిర్ణయానికి కట్టుబడి ఉంటాం.. ఇవీ కర్ణాటక సీఎం సిద్దరామయ్య, Dy.CM డీకే శివకుమార్ తాజా కామెంట్స్. సీఎం కుర్చీ సమరం వేళ ఇద్దరు నేతలు మరోసారి పాత పాటే పాడారు. అయితే ఇప్పటికైనా కుర్చీలాట పక్కనపెట్టి పాలనపై దృష్టి సారిస్తారా? అని కాంగ్రెస్ క్యాడర్ చర్చించుకుంటోంది. అటు ఈ వివాదానికి పుల్‌స్టాప్ పెట్టాల్సిన హైకమాండ్ చోద్యం చూస్తోందనే విమర్శలు వినిపిస్తున్నాయి.
News November 29, 2025
రాష్ట్రంలో జోరుగా ధాన్యం కొనుగోళ్లు
తెలంగాణ వ్యాప్తంగా ధాన్యం కొనుగోళ్ల ప్రక్రియ వేగంగా సాగుతోంది. అన్ని జిల్లాల్లో వరి కోతలు ముమ్మరం సాగుతున్న తరుణంలో కొనుగోలు కేంద్రాలకు భారీగా ధాన్యం తరలివస్తోంది. రాష్ట్రంలో 8,361 ధాన్యం కేంద్రాలను ఏర్పాటు చేశారు. వీటికి ఇప్పటి వరకు 41.52 లక్షల టన్నుల ధాన్యం రాగా.. 35.96 లక్షల టన్నుల కొనుగోళ్లు జరిగాయి. ఈ ధాన్యానికి మద్దతు ధర, బోనస్ కలిపి రూ.6,688.63 కోట్లను విడుదల చేసినట్లు ప్రభుత్వం పేర్కోంది.
News November 29, 2025
నాలుగు సార్లు ఎమ్మెల్యే.. ఆ తర్వాత సర్పంచ్
TG: పంచాయతీ ఎన్నికల సందడి నెలకొన్న వేళ మాజీ ఎమ్మెల్యే ఉప్పల మల్సూర్ గురించి చర్చ జరుగుతోంది. సూర్యాపేట(D) సిరికొండకు చెందిన ఆయన ఉమ్మడి ఏపీలో నాలుగు సార్లు సూర్యాపేట MLAగా గెలిచారు. అనంతరం 1995లో తన సొంతూరులో సర్పంచ్‌గా ఏకగ్రీవంగా ఎన్నికయ్యారు. గ్రామస్థులంతా కలిసి ఒప్పించి మరీ ఆయనను సర్పంచ్‌ను చేశారు. 4 సార్లు MLAగా చేసిన తర్వాత సర్పంచ్‌గా సేవలందించిన వ్యక్తిగా మల్సూర్ చరిత్రలో నిలిచారు.