News September 18, 2024
పాక్ క్రికెట్‌ను గాడిలో పెట్టే వ్యక్తులు కావాలి: లతీఫ్
పాకిస్థాన్ క్రికెట్ అంపశయ్య మీద ఉందని మాజీ కెప్టెన్ రషీద్ లతీఫ్ అన్నారు. జట్టును గాడిలో పెట్టే వ్యక్తులు అత్యవసరమని వ్యాఖ్యానించారు. కెప్టెన్ బాబర్ ఆజం మానసిక ఒత్తిడికి గురై ఆటలో రాణించలేకపోతున్నారని చెప్పారు. ఆయన కెప్టెన్సీ వదిలేసి బ్యాటింగ్‌పై దృష్టి సారించాలని సూచించారు. ఇటీవల సొంతగడ్డపై జరిగిన టెస్టులో తొలిసారిగా బంగ్లా చేతిలో పాక్ క్లీన్‌స్వీప్‌కు గురికావడం ఆ జట్టు దుస్థితికి అద్దం పడుతోంది.
Similar News
News November 30, 2025
యూత్ సంకల్పమే ‘వికసిత్ భారత్’: మోదీ
డ్రోన్ పోటీలో పుణే యువత చూపిన పట్టుదల, ఇస్రో సైంటిస్టుల నిబద్ధత ఒక్కటేనని ప్రధాని మోదీ అన్నారు. యువతరం సంకల్పమే ‘వికసిత్ భారత్’ అని, టెక్నాలజీ అభివృద్ధిలో వారి కృషి కీలకమని చెప్పారు. ‘చంద్రయాన్-2 ఫలితంతో నిరాశ చెందిన శాస్త్రవేత్తలు అదే రోజు చంద్రయాన్-3 విజయగాథ రాయడం మొదలుపెట్టారు. వైఫల్యాలే విజయానికి తొలి అడుగు. పరిశోధన రంగంలో భారత్ దూసుకుపోతోంది’ అని 128వ ‘మన్ కీ బాత్’లో మోదీ పేర్కొన్నారు.
News November 30, 2025
BREAKING: తుఫాను ఎఫెక్ట్.. రేపు సెలవు ప్రకటన
AP: దిత్వా తుఫాను ప్రభావంతో రేపు తిరుపతి జిల్లాలో అతిభారీ వర్షాలు కురుస్తాయని వాతావరణ శాఖ వెల్లడించింది. దీంతో ముందుజాగ్రత్తగా రేపు జిల్లాలోని అన్ని స్కూళ్లు, కాలేజీలు, అంగన్వాడీలకు కలెక్టర్ వెంకటేశ్వర్లు సెలవు ప్రకటించారు. నెల్లూరు, చిత్తూరు, ప్రకాశం జిల్లాలకు కూడా తుఫాను ముప్పు ఉన్న నేపథ్యంలో సెలవు ఇవ్వాలని పేరెంట్స్ కోరుతున్నారు.
News November 30, 2025
ప్రతీ మ్యాచును డెబ్యూ‌గానే భావిస్తా: రోహిత్
తాను ఆడే ప్రతీ మ్యాచును డెబ్యూ మ్యాచ్‌గానే భావిస్తానని టీమ్ ఇండియా మాజీ కెప్టెన్ రోహిత్ శర్మ అన్నారు. ‘ఏజ్ 28 ఏళ్లయినా 38 అయినా దేశం కోసం ఆడుతున్నప్పుడు బెస్ట్ ఇవ్వాలనే ఆలోచిస్తాం. ODI అంటే టెస్ట్, టీ20ల మిక్చర్. సిచ్యుయేషన్ బట్టి రెండు విధాలుగా ఆడాలి’ అని BCCI ఇంటర్వ్యూలో పేర్కొన్నారు. కోహ్లీ మాట్లాడుతూ ‘నేనిప్పటికీ క్రికెట్‌ను ఆస్వాదిస్తున్నా. ఎప్పుడూ 100% ఎఫర్ట్‌‌తోనే ఆడతా’ అని తెలిపారు.