News December 13, 2024
పాకిస్థాన్ క్రికెట్ టెస్ట్ జట్టు కోచ్ రాజీనామా
పాక్ క్రికెట్ టెస్ట్ జట్టు కోచ్ గిలెస్పీ రాజీనామా చేశారని క్రిక్బజ్ తెలిపింది. కొద్దిగంటల్లో పాక్ జట్టు సౌతాఫ్రికాకు టెస్ట్ సిరీస్ కోసం వెళ్లాల్సి ఉండగా ఆయన పాక్ క్రికెట్ బోర్డ్(PCB)కి ఈ విషయం తెలియజేసినట్లు పేర్కొంది. ‘గిలెస్పీ రాజీనామా చేశారు’ అని PCB అధికార ప్రతినిధి ఒకరు చెప్పారని వివరించింది. దీంతో వన్డే జట్టు తాత్కాలిక కోచ్ ఆకిబ్ జావెద్నే టెస్టు జట్టుకూ తాత్కాలికంగా PCB నియమించింది.
Similar News
News January 10, 2026
పసుపు ఉడకబెట్టే ప్రక్రియలో కీలక సూచనలు
పసుపు దుంపలను తవ్విన 2 నుంచి 3 రోజుల్లోపలే దుంపలను ఉడికించాలి. దీనివల్ల మంచి నాణ్యత ఉంటుంది. ఆలస్యమైతే నాణ్యత తగ్గుతుంది. పసుపు దుంపలు, కొమ్ములను వేరుగావేరుగా ఉడకబెట్టాలి. మరీ ఎక్కువ ఉడకబెడితే రంగు చెడిపోతుంది. తక్కువగా ఉడకబెడితే దుంపలు పెళుసుగా మారి మెరుగు పెట్టేటప్పుడు ముక్కలుగా విరిగిపోతాయి. స్టీమ్ బాయిలర్లలో తక్కువ సమయంలో ఎక్కువ పసుపును ఉడికించి, నాణ్యతతో కూడిన పసుపు పొందవచ్చు.
News January 10, 2026
వీసా ప్రీమియం ప్రాసెసింగ్ ఫీజులను పెంచిన US
వీసా ప్రీమియం ప్రాసెసింగ్ ఫీజును పెంచుతున్నట్లు US ప్రకటించింది. పెంచిన ధరలు మార్చి 1 నుంచి అమల్లోకి రానున్నాయి. H-1B, L-1, O-1, P-1, TN వంటి ఫామ్ I-129 వీసాలకు $2,805 (₹2.53L) నుంచి $2,965 (₹2.67L)కి పెంచింది. ఫామ్ I-140 ఇమ్మిగ్రంట్ పిటిషన్లకూ $2,965గా నిర్ణయించింది. ఫామ్ I-765, I-129 అప్లికేషన్స్కు $1,685 నుంచి $1,780కి పెంచింది. ఫామ్ I-539 అప్లికేషన్లకు $1,965 నుంచి $2,075గా నిర్ణయించింది.
News January 10, 2026
బహు భర్తలు గల పురాణ స్త్రీలు
పురాణాల్లో కొందరు స్త్రీలకు బహు భర్తలున్నారు. శుక మహర్షి కోడలు ‘కీర్తిమతి’, నితంతుని కుమార్తె ‘అజిత’ ఐదుగురు అన్నదమ్ములను వివాహం చేసుకున్నారు. ‘మారిష’ 11 మంది ప్రచేతసులను, గౌతమ వంశానికి చెందిన ‘జటిల’ ఏడుగురు ఋషులను పతిగా పొందింది. ఈ గాథల వెనుక ఆధ్యాత్మిక రహస్యాలు, ధర్మ సూక్ష్మాలు దాగి ఉన్నాయి. వీటిని కేవలం ప్రాపంచిక కోణంలో కాకుండా, ఆయా యుగ ధర్మాలు, భగవంతుని లీలావిశేషాలుగా అర్థం చేసుకోవాలి.