News March 21, 2025
పాకిస్థాన్.. నీ ఆట ఊహాతీతం!
అంతర్జాతీయ క్రికెట్లో అత్యంత అస్థిరమైన ఆటతీరు కనబర్చే జట్టుగా పాకిస్థాన్‌కు పేరుంది. NZతో టీ20 సిరీస్‌లో ఆ పేరును మరోసారి సార్థకం చేసుకుంది. సిరీస్‌లో తొలి మ్యాచ్‌లో కేవలం 91 పరుగులకే చాప చుట్టేసిన పాక్, రెండో టీ20లో 135 పరుగులు చేసి ఓడింది. అదే జట్టు ఈరోజు జరిగిన 3వ టీ20లో 204 పరుగుల్ని 16 ఓవర్లలో ఛేదించేసింది. అంతర్జాతీయ టీ20ల చరిత్రలోనే 200 రన్స్‌ను ఇంత వేగంగా ఛేదించిన తొలి జట్టుగా నిలిచింది.
Similar News
News March 29, 2025
రెడ్‌బుక్ పేరెత్తితే కొందరికి గుండెపోటు వస్తోంది: లోకేశ్
AP: తాను ఎక్కడికి వెళ్లినా రెడ్‌బుక్ గురించి ప్రస్తావన వస్తోందని మంత్రి లోకేశ్ అన్నారు. ‘రెడ్‌బుక్ గురించి మాట్లాడాల్సిన అవసరం లేదని నేను అనుకుంటున్నా. ఎందుకంటే దాని పేరు చెప్పగానే కొందరికి గుండెపోటు వస్తోంది. కొందరు బాత్రూమ్‌లో కాలుజారి పడి చెయ్యి విరగ్గొట్టుకున్నారు. అర్థమైందా రాజా? అధికారంలో ఉన్నామని గర్వం వద్దు, ఇగోలు వద్దు. కార్యకర్తల కోసం అహర్నిశలు కష్టపడి పని చేద్దాం’ అని లోకేశ్ అన్నారు.
News March 29, 2025
పాస్టర్ ప్రవీణ్ మ‌ృతి దర్యాప్తు.. పోలీసుల హెచ్చరిక
పాస్టర్ ప్రవీణ్ మృతికి సంబంధించి విచారణ పారదర్శకంగా జరుగుతోందని తూర్పు గోదావరి ఎస్పీ నరసింహ కిశోర్ ఓ ప్రకటనలో తెలిపారు. ‘ఐదు ప్రత్యేక బృందాలు దర్యాప్తు చేస్తున్నాయి. సీసీ ఫుటేజీల పరిశీలన, సమాచార సేకరణ జరుపుతున్నాయి. సీఎం ఎప్పటికప్పుడు ఉన్నతాధికారులతో సమీక్ష నిర్వహిస్తున్నారు. శాంతి భద్రతలకు విఘాతం కలిగించేలా సోషల్ మీడియాలో ఎవరైనా పోస్టులు పెడితే చర్యలు తప్పవు’ అని హెచ్చరించారు.
News March 29, 2025
మూడు రోజులు సెలవులే!
ఐటీ ఉద్యోగులకు వరుసగా మూడు రోజులు సెలవులొచ్చాయి. ఇవాళ శనివారం, రేపు ఆదివారం (ఉగాది) వీకెండ్ కాగా రంజాన్ సందర్భంగా సోమవారం కూడా సెలవు ఉండనుంది. దీంతో హైదరాబాద్‌ను వీడి సొంతూళ్లకు వెళ్లేందుకు కొందరు సిద్ధమవుతున్నారు. మరికొందరేమో మూడు రోజులు ట్రిప్స్ లేదా దైవ దర్శనాలకు వెళ్లేందుకు బయల్దేరారు. కొందరికి రంజాన్‌కు సెలవు ఇవ్వలేదని చెబుతున్నారు. మీ ఆఫీసుల్లో సెలవుందా? ఎటైనా వెళ్తున్నారా? COMMENT