News April 9, 2025

పంచాయతీ కార్యదర్శి ఆస్తి రూ.85 కోట్లు!

image

AP: తిరుపతి జిల్లా చంద్రగిరి పంచాయతీ EOగా పని చేసిన మహేశ్వరయ్య ఆస్తులు చూసి ACB అధికారులే షాక్ అయ్యారు. గత FEBలో అతడు రూ.50వేలు లంచం తీసుకుంటూ పట్టుబడ్డాడు. తాజాగా తిరుపతి పేరూరులోని మహేశ్వరయ్య ఇంట్లో ACB సోదాలు జరిపింది. బెంగళూరులో రూ.10 కోట్ల విలువైన అపార్ట్‌మెంట్, పలమనేరులో 3 అంతస్తుల ఇల్లు, ఫాంహౌస్, బద్వేలులో భూములు, బంగారం ఉన్నట్లు గుర్తించారు. వాటి విలువ రూ.85 కోట్లకు పైగా ఉంటుందని అంచనా.

Similar News

News November 30, 2025

ఏపీలోనూ SIR చేపట్టాలి: ఎంపీ లావు

image

AP: కేంద్ర ఎన్నికల సంఘం చేపడుతున్న ఓటరు జాబితా స్పెషల్ ఇంటెన్సివ్ రివిజన్ (SIR)ను స్వాగతిస్తున్నామని ఎంపీ లావు శ్రీకృష్ణదేవరాయలు అన్నారు. ఏపీలో కూడా SIR చేపట్టాలని ఆయన కోరారు. పార్లమెంట్ శీతాకాల సమావేశాల నేపథ్యంలో ఢిల్లీలో జరిగిన అఖిలపక్ష భేటీకి ఆయన హాజరయ్యారు. ఆక్వా, కాటన్ రైతులు, జీఎస్టీ తదితర ఏడు విషయాలపై చర్చించాలని మీటింగ్‌లో కోరామని మీడియాతో చెప్పారు.

News November 30, 2025

ఇవాళ, రేపు జాగ్రత్త: అనిత

image

AP: దిత్వా తుఫాను దూసుకొస్తున్న నేపథ్యంలో ఇవాళ, రేపు అధికారులు అప్రమత్తంగా ఉండాలని హోంమంత్రి అనిత సూచించారు. తుఫానుపై RTGS సెంటర్ నుంచి నెల్లూరు, తిరుపతి, కడప, చిత్తూరు, అన్నమయ్య జిల్లాల కలెక్టర్లతో ఆమె వీడియో కాన్ఫరెన్స్ నిర్వహించారు. క్షేత్రస్థాయిలో ప్రజలను ఎప్పటికప్పుడు అప్రమత్తం చేయాలని, ప్రాణనష్టం లేకుండా చర్యలు తీసుకోవాలని ఆదేశించారు. విద్యుత్ అంతరాయం కలిగితే వెంటనే పునరుద్ధరించాలన్నారు.

News November 30, 2025

సచిన్-ద్రవిడ్ రికార్డు బ్రేక్!

image

టీమ్ ఇండియా, సౌతాఫ్రికా మధ్య తొలి వన్డేలో రోహిత్ శర్మ-విరాట్ కోహ్లీ జోడీ అరుదైన ఘనత సాధించింది. లెజెండ్స్ సచిన్-ద్రవిడ్ నెలకొల్పిన రికార్డును బ్రేక్ చేసింది. వీళ్లిద్దరూ 391 అంతర్జాతీయ మ్యాచులు కలిసి ఆడగా, తాజా మ్యాచ్‌తో రోహిత్-కోహ్లీ దాన్ని అధిగమించారు. రాంచీ వేదికగా జరుగుతున్న మ్యాచ్‌లో 25 పరుగులకే జైస్వాల్(18) వికెట్‌ను టీమ్ ఇండియా కోల్పోయింది. క్రీజులో రోహిత్(3), కోహ్లీ(6) ఉన్నారు.