News October 19, 2025
PDPL: ‘మట్టి మనుషులకు’ దీపావళి ‘కాంతినిద్దాం’
కుమ్మరులు.. వీరు లేనిదే ఏ ఇంట్లో శుభకార్యం జరగదనడంలో అతిశయోక్తి లేదు. వీరుచేసే ప్రమిదలు, రంజన్లు, ముఖ్యంగా పెళ్లి కుండలు హైందవుల పండగల్లో ముఖ్యపాత్ర పోషిస్తాయి. అయితే ప్రస్తుతం ఆన్లైన్లో, సూపర్ మార్కెట్లలో వీటిని కొంటున్నారు. ఈసారైనా అక్కడ కాకుండా మన ఇంటి పరిసరాల్లో షాపులు ఏర్పాటు చేసుకునే చిన్న వ్యాపారులు, కుమ్మరుల వద్ద కొందాం. వారికి ఉపాధిని కల్పించి నిజమైన దీపావళి కాంతిని అందిద్దాం. SHARE IT.
Similar News
News October 19, 2025
ఘనంగా పైడిమాంబ కలశ జ్యోతి ఊరేగింపు
ఉత్తరాంధ్ర కల్పవల్లి శ్రీ పైడితల్లి అమ్మవారి కలశ జ్యోతి ఊరేగింపు కార్యక్రమం అత్యంత ఘనంగా జరిగింది. ఆలయ అధికారుల ఆధ్వర్యంలో, వేద పండితులు పైడిమాంబ దీక్ష దారులు పెద్ద సంఖ్యలో ఆదివారం సాయంత్రం పైడితల్లి అమ్మవారి వనంగుడి నుండి చదురగుడి వరకు కలశ జ్యోతి ఊరేగింపు నిర్వహించారు. ఈ కార్యక్రమంలో భక్తులు పెద్ద సంఖ్యలో పాల్గొన్నారు.
News October 19, 2025
గజ్వేల్: పీహెచ్‌సీ తనిఖీ చేసిన కలెక్టర్.. సీరియస్
గజ్వేల్ మండలం అహ్మదీపూర్ పీహెచ్‌సీని జిల్లా కలెక్టర్ కె.హైమావతి ఆకస్మికంగా తనిఖీ చేశారు. అటెండెన్స్ రిజిస్టర్‌ను పరిశీలించిన కలెక్టర్, సంతకాల్లో తేడాలు గుర్తించి తీవ్ర ఆగ్రహం వ్యక్తం చేశారు. ఆసుపత్రికి రాకుండానే సంతకాలు చేసినట్లు గుర్తించి, సంబంధిత ఉద్యోగులపై చర్యలు తీసుకోవాలని కలెక్టర్ డీఎంహెచ్ఓను ఆదేశించారు.
News October 19, 2025
భువనగిరి: ఎక్స్‌పైరీ ఇంజెక్షన్ ఇచ్చిన ఇద్దరు సస్పెండ్
తుర్కపల్లి ప్రాథమిక ఆరోగ్య కేంద్రంలో గడువు ముగిసిన ఇంజెక్షన్ ఇచ్చిన ఘటనపై కలెక్టర్ హనుమంతరావు కఠిన చర్యలు తీసుకున్నారు. విచారణలో నిర్లక్ష్యం రుజువు కావడంతో NHM రజిత, ఫార్మసీ ఆఫీసర్ మహేశ్వరిని తక్షణమే సస్పెండ్ చేస్తూ ఉత్తర్వులు జారీ చేశారు. వైద్య సిబ్బంది నిర్లక్ష్యంపై కలెక్టర్ తీవ్ర ఆగ్రహం వ్యక్తం చేశారు.