News November 8, 2024
శాంతియుతంగా అధికారాన్ని బదిలీ చేస్తాం: బైడెన్
US అధ్యక్ష ఎన్నికల్లో గెలిచిన ట్రంప్కు బాధ్యతల్ని శాంతియుతంగా, సక్రమ పద్ధతిలో బదిలీ చేస్తామని అధ్యక్షుడు జో బైడెన్ తెలిపారు. ‘ప్రెసిడెంట్గా ఎన్నికైన ట్రంప్తో నిన్న మాట్లాడాను. విజయంపై ఆయనకు శుభాకాంక్షలు తెలిపాను. బాధ్యతల బదలాయింపును అత్యంత సక్రమంగా జరిగేలా చూడాలని అధికారుల్ని ఆదేశిస్తానని ఆయనకు హామీ ఇచ్చాను. ఓడినప్పటికీ, ఎన్నికల్లో గట్టి పోటీ ఇచ్చిన కమలా హారిస్ గర్వించాలి’ అని పేర్కొన్నారు.
Similar News
News January 25, 2026
లెజెండరీ మ్యూజిక్ డైరెక్టర్ కన్నుమూత
ఒడిశాకు చెందిన లెజెండరీ మ్యూజిక్ డైరెక్టర్, సింగర్ అభిజిత్ మజుందార్(54) కన్నుమూశారు. BP, లివర్ సంబంధిత అనారోగ్య కారణాలతో ఆయన భువనేశ్వర్లోని AIIMSలో ఇవాళ తుదిశ్వాస విడిచారు. 2000వ సంవత్సరంలో ఒడియా చిత్ర పరిశ్రమలోకి ఎంటరైన అభిజిత్ దాదాపు 3దశాబ్దాలుగా ఎన్నో చిత్రాలకు మ్యూజిక్ అందించారు. సుమారు 700 పాటలను కంపోజ్ చేశారు. ఆయన మృతిపట్ల CM మోహన్ చరణ్, మాజీ CM నవీన్ పట్నాయక్ దిగ్భ్రాంతి వ్యక్తం చేశారు.
News January 25, 2026
చిన్న స్టెప్.. పెద్ద లాభం!
ప్రభుత్వ ఉద్యోగం మీ లక్ష్యమా? అయితే టెక్నికల్ ఎడ్యుకేషన్ బోర్డు ఇచ్చే టైపింగ్ సర్టిఫికెట్ తప్పక పొందండి. టైపిస్ట్, స్టెనో, క్లర్క్స్ తదితర ఉద్యోగాలకు డిగ్రీలతో పాటు ఈ సర్టిఫికేషన్ తప్పనిసరి. మనకు సూపర్ ఫాస్ట్ టైపింగ్ స్కిల్స్ ఉన్నా, వాటిని గుర్తించేలా ధ్రువీకరణ పత్రం కావాలి. కాబట్టి తక్కువ సమయమే పట్టే ఈ చిన్న మైల్స్టోన్ మీ క్వాలిఫికేషన్స్ లిస్ట్లో చేరితే ఎక్కువ జాబ్ ఆప్షన్స్ ఉంటాయి.
Share It
News January 25, 2026
ఆ ఛానల్ డిబేట్లలో పాల్గొనం: BRS
TG: ఏబీఎన్ ఛానల్లో జరిగే చర్చల్లో ఇకపై తమ పార్టీ నాయకులు పాల్గొనబోరని బీఆర్ఎస్ ప్రకటించింది. తెలంగాణ ఉద్యమకారుడు, ఎమ్మెల్సీ తక్కెళ్లపల్లి రవీందర్ రావుతో ఏబీఎన్ ప్రతినిధి వెంకటకృష్ణ వ్యవహరించిన తీరుకు నిరసనగా ఈ నిర్ణయం తీసుకున్నట్లు తెలిపింది. పార్టీ కేంద్ర కార్యాలయమైన తెలంగాణ భవన్, జిల్లా ఆఫీసుల్లో జరిగే సమావేశాలకు ఏబీఎన్, ఆంధ్రజ్యోతి ఛానల్ ప్రతినిధులను ఇకపై అనుమతించబోమని ట్వీట్ చేసింది.