News March 16, 2024
ఎన్నికలకు ముందే ప్రజలు ఫలితాలు ప్రకటించారు: మోదీ
TG: ఎన్నికల సంఘం షెడ్యూల్ ఇవ్వకముందే ప్రజలు ఫలితాలు ప్రకటించారని ప్రధాని మోదీ అన్నారు. బీజేపీకి 400 సీట్లు ఇస్తామని తేల్చారని ఆయన పేర్కొన్నారు. నాగర్‌కర్నూల్‌లో ఏర్పాటు చేసిన విజయ సంకల్ప సభలో మోదీ మాట్లాడారు. మూడోసారి బీజేపీ అధికారంలోకి రావడం ఖాయం అని ధీమా వ్యక్తం చేశారు.
Similar News
News November 23, 2024
ప్రియాంకపై జాతీయ జనసేన అభ్యర్థి పోటీ
కేరళ వయనాడ్‌ ఉప ఎన్నిక ఫలితాల్లో కాంగ్రెస్ అభ్యర్థి ప్రియాంకా గాంధీ గెలుపు దిశగా సాగుతున్నారు. అయితే ఈమెపై ఓ తెలుగు వ్యక్తి జాతీయ జనసేన పార్టీ తరఫున పోటీ చేశారు. తిరుపతికి చెందిన ఆయన పేరు దుగ్గిరాల నాగేశ్వరరావు. ఈయన పార్టీకి అధ్యక్షుడు కూడా. AP ప్రత్యేక హోదా అంశాన్ని ఎవరూ పట్టించుకోవడం లేదని, జాతీయ స్థాయిలో వినిపించాలనే పోటీ చేస్తున్నానన్నారు. ఆయనకు ప్రస్తుతానికి 273 ఓట్లు వచ్చాయి.
News November 23, 2024
26న మహారాష్ట్ర సీఎంగా ఫడణవీస్ ప్రమాణం?
మహారాష్ట్ర సీఎంగా ఫడణవీస్ ఖరారైనట్లు వార్తలొస్తున్నాయి. ఆయన ఈనెల 26న ప్రమాణ స్వీకారం చేస్తారని ప్రచారం జరుగుతోంది. ఫడణవీస్ నాగ్‌పూర్ సౌత్ వెస్ట్ నుంచి ఆధిక్యంలో ఉండగా ఇప్పటికే ఆయన ఇంట్లో సంబరాలు మొదలయ్యాయి. ఆయనతో మహారాష్ట్ర బీజేపీ రాష్ట్రాధ్యక్షుడు చంద్రశేఖర్‌ తాజాగా భేటీ అయ్యారు.
News November 23, 2024
3.1 లక్షలు దాటిన ప్రియాంక మెజార్టీ
వయనాడ్‌లో ప్రియాంక గాంధీ మెజార్టీ 3 లక్షలు దాటింది. కాసేపటి క్రితం ఆమె 3.1 లక్షల మెజార్టీలో ఉన్నట్లు కాంగ్రెస్ వర్గాలు పేర్కొన్నాయి. తన సోదరుడు రాహుల్ ఇదే స్థానంలో గతంలో 4 లక్షల మెజార్టీ సాధించగా ఆ రికార్డును ప్రియాంక బ్రేక్ చేస్తారని హస్తం నేతలు చెబుతున్నారు.