News July 22, 2024
కర్ణాటకకు ఫోన్ పే సీఈఓ క్షమాపణలు

తాను కర్ణాటకను ఎప్పుడూ కించపరచలేదని ఫోన్ పే <<13661162>>CEO<<>> సమీర్ నిగమ్ స్పష్టం చేశారు. ఆ రాష్ట్ర ప్రజలకు భేషరతుగా క్షమాపణలు చెబుతున్నానని ప్రకటించారు. తనకు కర్ణాటకను అవమానించే ఆలోచన, ఉద్దేశం లేదని చెప్పారు. కర్ణాటకలోనే ఫోన్ పే పుట్టిందని, అలాంటి నేలను తాను ఎందుకు కించపరుస్తానన్నారు. కాగా కర్ణాటకలోని ప్రైవేటు సంస్థల్లో స్థానిక కోటాను సమీర్ వ్యతిరేకించడంతో ఫోన్ పే పట్ల అక్కడ తీవ్ర వ్యతిరేకత వ్యక్తమైంది.
Similar News
News November 30, 2025
DEC 5న ఓటీటీలోకి ‘ది గర్ల్ఫ్రెండ్’

నేషనల్ క్రష్ రష్మిక, దీక్షిత్ శెట్టి ప్రధాన పాత్రల్లో నటించిన ‘ది గర్ల్ఫ్రెండ్’ మూవీ ఓటీటీలోకి రానుంది. నెట్ఫ్లిక్స్ వేదికగా డిసెంబర్ 5 నుంచి తెలుగు, తమిళం, కన్నడ, మలయాళం, హిందీ భాషల్లో స్ట్రీమింగ్ కానుంది. రాహుల్ రవీంద్రన్ దర్శకత్వం వహించిన ఈ సినిమా నవంబర్ 7న విడుదలై పాజిటివ్ టాక్ తెచ్చుకున్న విషయం తెలిసిందే.
News November 30, 2025
ఇమ్రాన్ ఖాన్ బతికే ఉన్నారు: పాక్ సెనేటర్

ఇమ్రాన్ ఖాన్ చనిపోయారన్న వార్తలపై ఆయన పార్టీ (పీటీఐ)కి చెందిన సెనేటర్ ఖుర్రం జీషన్ క్లారిటీ ఇచ్చారు. ఇమ్రాన్ బతికే ఉన్నారని, ప్రస్తుతం అడియాలా జైలులో ఉంచారని తెలిపారు. పాక్ నుంచి వెళ్లిపోయేలా ఒత్తిడి తెచ్చేందుకు ఆయన్ను ఒంటరిగా ఉంచారని పేర్కొన్నారు. ఇమ్రాన్కు ఉన్న ప్రజాదరణను చూసి ప్రభుత్వం భయపడుతోందని, అందుకే ఆయన ఫొటోలు, వీడియోలను రిలీజ్ చేేసేందుకు అనుమతివ్వడం లేదని ఆరోపించారు.
News November 30, 2025
రేపు ఏలూరు జిల్లాలో సీఎం పర్యటన

AP: సీఎం చంద్రబాబు రేపు ఏలూరు జిల్లాలో పర్యటించనున్నారు. ఉంగుటూరు మండలం గోపీనాథపట్నంలో ఎన్టీఆర్ భరోసా పెన్షన్లను పంపిణీ చేయనున్నారు. అనంతరం లబ్ధిదారులతో ముఖాముఖి నిర్వహిస్తారు. కాగా ‘పేదలకు సేవలో’ కార్యక్రమంలో నేతలంతా పాల్గొనాలని సీఎం పిలుపునిచ్చారు. నిరంతరం ప్రజల్లో ఉంటేనే మంచి నాయకులుగా రాణిస్తారని చెప్పారు. ఇవాళ ఆయన అందుబాటులో ఉన్న నాయకులతో టెలికాన్ఫరెన్స్లో మాట్లాడారు.


