News November 8, 2024
PHOTO: గుడ్ మార్నింగ్ వైజాగ్
సముద్ర చారలను చీల్చుతూ గుడ్ మార్నింగ్ అంటూ విశాఖ వాసులను సూర్యుడు పలకరిస్తాడు. బీచ్ రోడ్‌లో వాకింగ్‌కు వచ్చేవారికి ఈ అద్భుత దృశ్యం నిత్యం దర్శనమిస్తుంది. సముద్రం మధ్య నుంచి సూర్యుడు బయటకు వస్తున్నట్లుగా అనిపించే ఈ మనోహర దృశ్యం ప్రజల మనసుకు ఎంతో ఆహ్లాదాన్ని కలిగిస్తుంది. బంగారు వర్ణంతో సముద్రపు నీళ్లపై పడే సూర్యుడి కిరణాలు సముద్రాన్ని సైతం బంగారు వర్ణంతో మెరిసేలా చేస్తాయి.
Similar News
News December 8, 2024
పాడేరులో ఉద్యోగిపై పోక్సో నమోదు
పాడేరు ఏకలవ్య మోడల్ పాఠశాలలో 7వ తరగతి విద్యార్థినిపై అఘాయిత్యానికి పాల్పడిన ల్యాబ్ ఉద్యోగి అనూజ్ సింగ్ పటేల్‌పై పోక్సో కేసు నమోదు చేశామని గిరిజన సంక్షేమ శాఖ డీడీ ఎల్.రజిని శనివారం తెలియజేశారు. ఐటీడీఏ ప్రాజెక్ట్ అధికారి వి.అభిషేక్ ఆదేశాల మేరకు ప్రిన్సిపల్‌కు షోకాజ్ నోటీసులు జారీ చేశామని చెప్పారు. ఘటనపై విచారణ జరిపించి, బాధ్యులపై కఠిన చర్యలు తీసుకుంటామన్నారు.
News December 8, 2024
ఏయూకి పూర్వవైభవం తీసుకురావడానికి సహకరించాలి: లోకేశ్
ఏయూకి పూర్వ వైభవం తీసుకురావడానికి సహకరించాలని రాష్ట్ర విద్యాశాఖ మంత్రి నారా లోకేశ్ పిలుపునిచ్చారు. ఏయూ అలుమ్నీ మీట్‌లో మంత్రి పాల్గొన్నారు. ప్రపంచ ర్యాంకింగ్‌లో టాప్ 100లో ఏయూని ఒకటిగా నిలిపేందుకు కృషి చేస్తున్నట్లు పేర్కొన్నారు. ఏయూని అంతర్జాతీయ స్థాయిలో మేటిగా నిలపాలన్నదే సీఎం చంద్రబాబు ఆశయమని అన్నారు. ఈ కార్యక్రమంలో ఎల్‌అండ్‌టీ ఛైర్మన్ సుబ్రహ్మణ్యన్ పాల్గొన్నారు.
News December 7, 2024
పోలీసు స్టేషన్‌ను ప్రారంభించనున్న హోం మంత్రి అనిత
విశాఖ ఆరిలోవలో నిర్మించిన నూతన పోలీసు స్టేషన్‌ను హోం మంత్రి వంగలపూడి అనిత ఆదివారం ఉదయం 11 గంటలకు ప్రారంభించనున్నారు. కార్యక్రమంలో డీజీపీ సీహెచ్ ద్వారకా తిరుమలరావు పాల్గొనున్నారు. సుమారు ఆరేళ్ల నుంచి ఈ భవన నిర్మాణానికి మీనమేషాలు లెక్కిస్తూ నేటికి నిర్మాణాన్ని పూర్తి చేశారు. దీంతో ప్రారంభోత్సవానికి ఘనంగా ఏర్పాటు చేశారు.