News January 31, 2025
విమాన ప్రమాదం PHOTOS
అమెరికాలోని వాషింగ్టన్ డీసీలో జరిగిన <<15306564>>ఫ్లైట్ యాక్సిడెంట్<<>> ఫొటోలను అధికారులు విడుదల చేశారు. రీగన్ విమానాశ్రయంలో బంబార్డియర్ CRJ-701 విమానం ల్యాండ్ అవుతుండగా సైనిక హెలికాప్టర్ గాల్లో ఢీకొట్టింది. దీంతో విమానం మూడు చోట్ల ముక్కలుగా విరిగిపోయి పోటోమాక్ నదిలో పడిపోయింది. ఈ ప్రమాదంలో విమానంలోని మొత్తం 64 మంది, హెలికాప్టర్‌లోని ముగ్గురు ప్రాణాలు వదిలారు.
Similar News
News January 31, 2025
వాల్యూలో యాపిల్.. యునిట్స్‌లో వివో టాప్!
ఇండియన్ మొబైల్ మార్కెట్‌లో 2024లో ఏయే కంపెనీలు ఎంత శాతం షేర్‌ను కలిగి ఉన్నాయో ‘Counterpoint’ నివేదించింది. వాల్యూలో ఐఫోన్ 23%, శామ్‌సంగ్ 22%, వివో 16%, ఒప్పో 16%, షావోమీ 9%, మిగిలిన కంపెనీలు 14 శాతం షేర్‌ను కలిగి ఉన్నాయి. అయితే, అత్యధిక మొబైల్స్ దిగుమతి చేసిన కంపెనీగా ‘వివో’ (19%) నిలిచింది. ఆ తర్వాతి స్థానాల్లో షావోమీ 17%, శామ్‌సంగ్ 16%, ఒప్పో 15% ఉన్నాయి.
News January 31, 2025
సరిహద్దులో ఎదురుకాల్పులు.. ఇద్దరు టెర్రరిస్టులు హతం
J&Kలో పెద్దఎత్తున చొరబాట్లకు కుట్ర పన్నిన ఉగ్రవాదులను భద్రతా బలగాలు హతమార్చాయి. పూంఛ్ సెక్టార్‌లోని సరిహద్దు నియంత్రణ రేఖ నుంచి మన దేశంలోకి చొరబడేందుకు నిన్న రాత్రి టెర్రరిస్టులు కుట్ర పన్నారు. విషయం తెలుసుకున్న భద్రతా బలగాలు కాల్పులు ప్రారంభించాయి. రాత్రంతా భారీ స్థాయిలో ఎదురుకాల్పులు కొనసాగాయి. ఇందులో ఇద్దరు టెర్రరిస్టులు హతమయ్యారు. పెద్దఎత్తున ఆయుధాలు సీజ్ చేశారు.
News January 31, 2025
రిటైర్మెంట్ పరేడ్.. డీజీపీ ఎమోషనల్
AP: డీజీపీ తిరుమలరావుకు రిటైర్మెంట్ పరేడ్‌ను మంగళగిరిలోని పోలీస్ గ్రౌండ్‌లో ఘనంగా నిర్వహించారు. ఈ సందర్భంగా ఆయన మాట్లాడుతూ ఎమోషనల్ అయ్యారు. సర్వీసులో చేరినప్పటి నుంచి ఎన్నో సవాళ్లను ఎదుర్కొన్నానని, ఇకపై యూనిఫామ్ ఉండదంటేనే భావోద్వేగంగా ఉందన్నారు. ఉద్యోగ జీవితంలో ఎంతో మంది తనకు సహకరించారని గుర్తు చేసుకున్నారు. సంప్రదాయ పోలీసింగ్‌ను టెక్నాలజీ వైపు నడిపించి ప్రొఫెషనలిజం తీసుకొచ్చామని పేర్కొన్నారు.