News July 7, 2024
నార్త్ అమెరికాలో ప్రభాస్ ‘కల్కి’ ప్రభంజనం
ప్రభాస్ హీరోగా తెరకెక్కిన ‘కల్కి 2898ఏడీ’ కలెక్షన్ల సునామీ కొనసాగుతోంది. విడుదలైన 9రోజులకే 800కోట్ల గ్రాస్ దాటిన ఈ మూవీ నార్త్ అమెరికాలో మరింతగా దూసుకెళ్తోంది. అక్కడ 15మిలియన్ డాలర్ల మార్కును దాటేసి, ఇంత వేగంగా ఆ మార్కును అందుకున్న తొలి భారతీయ సినిమాగా నిలిచింది. అక్కడి మొత్తం వసూళ్లలో బాహుబలి2 అగ్రస్థానంలో ఉండగా.. లాంగ్రన్లో కల్కి దాటేస్తుందని అంచనా వేస్తున్నారు ట్రేడ్ అనలిస్టులు.
Similar News
News January 19, 2026
మా ఆట నిరాశపరిచింది: గిల్
న్యూజిలాండ్తో మూడో వన్డేలో తాము ఆడిన విధానం నిరాశపరిచిందని భారత కెప్టెన్ గిల్ అన్నారు. ‘మేం కొన్ని విషయాలను సరిచేసుకోవాలి. విరాట్ కోహ్లీ బ్యాటింగ్ చేస్తున్న తీరు మాకు సానుకూల అంశం. 8వ స్థానంలో వచ్చి హర్షిత్లా ఆడటం అంత సులభం కాదు. వచ్చే ప్రపంచకప్ను దృష్టిలో పెట్టుకొని నితీశ్కు మరిన్ని అవకాశాలు ఇవ్వాలి. ఎలాంటి కాంబినేషన్స్ పని చేస్తాయో చూడాలి’ అని <<18892634>>మ్యాచ్ అనంతరం<<>> చెప్పారు.
News January 19, 2026
UPI ద్వారా పీఎఫ్ డబ్బులు విత్డ్రా.. ఎంత తీసుకోవచ్చంటే?
ఏప్రిల్ నుంచి UPI ద్వారా PF సొమ్మును సభ్యులు విత్ డ్రా చేసుకునేందుకు EPFO ఏర్పాట్లు చేస్తోంది. ట్రాన్సాక్షన్కు గరిష్ఠంగా రూ.25 వేలు వరకు తీసుకోవచ్చని తెలుస్తోంది. విత్ డ్రాకు అర్హత ఉన్న బ్యాలెన్స్, మినిమమ్ బ్యాలెన్స్(25%)ను విడిగా చూపిస్తుందని సమాచారం. దీనిపై EPFO, C-DAC, NPCI మధ్య చర్చలు జరుగుతున్నట్లు అధికారులు తెలిపారు. ముందుగా BHIM యాప్ ద్వారా ఈ సౌకర్యాన్ని అందుబాటులోకి తెస్తుందని చెప్పారు.
News January 19, 2026
నాన్న ఎదుట ఏడ్చేవాడిని: హర్షిత్ రాణా
తన కెరీర్ మొదట్లో ఎదుర్కొన్న ఫెయిల్యూర్స్ గురించి భారత క్రికెటర్ హర్షిత్ రాణా ఓ ఇంటర్వ్యూలో వెల్లడించారు. ‘పదేళ్లపాటు నేను ఎంపిక కాలేదు. ట్రయల్స్కు వెళ్లడం, నా పేరు ఉండకపోవడం జరిగేది. ఇంటికొచ్చి నాన్న ఎదుట ఏడ్చే వాడిని. ఇప్పుడు ఆ వైఫల్యాలు పోయాయని భావిస్తున్నా. ఏం జరిగినా ఎదుర్కోగలను’ అని చెప్పారు. ఇప్పటిదాకా 14 వన్డేలు ఆడిన హర్షిత్ 26 వికెట్లు పడగొట్టారు. NZతో మూడో వన్డేలో 3 వికెట్లు తీశారు.