News May 16, 2024

చివరి నిమిషంలో ఫ్లైట్ టికెట్స్ రద్దు చేస్తున్న ప్రజ్వల్

కర్ణాటక MP ప్రజ్వల్ నిన్న బెంగళూరు వచ్చేందుకు టికెట్ బుక్ చేసుకుని చివరి క్షణంలో రద్దు చేసుకున్నారు. లైంగిక వేధింపుల కేసులో నిందితుడిగా ఉన్న ప్రజ్వల్ విదేశాలకు పారిపోయారు. ఆయన తండ్రి రేవణ్ణకు బెయిల్ రావడంతో ప్రజ్వల్ తిరిగి బెంగళూరు వస్తారని సిట్ అధికారులు భావించారు. బుధవారం విమానాశ్రయం వద్ద వారు కాపు కాయగా ఆయన టికెట్ రద్దు చేసుకున్నట్లు గుర్తించారు. ఇలా ఆయన 4సార్లు ప్రయాణాన్ని వాయిదా వేసుకున్నారు.