News April 5, 2024
సుభాష్ చంద్రబోస్ ప్రధాని అంటున్నారు: KTR
లోక్‌సభ ఎన్నికల్లో పోటీ చేస్తోన్న BJP అభ్యర్థులపై మాజీ మంత్రి KTR ట్విటర్ వేదికగా విమర్శలకు దిగారు. ‘సుభాష్ చంద్రబోస్ మన మొదటి ప్రధాని అని ఉత్తరాదికి చెందిన ఒక BJP అభ్యర్థి చెప్పారు. దక్షిణాదికి చెందిన మరో BJP నాయకుడు మహాత్మా గాంధీ మన ప్రధాని అని చెప్పారు. వీళ్లంతా ఎక్కడి నుంచి పట్టభద్రులయ్యారు?’ అని వ్యంగ్యంగా ప్రశ్నించారు. ‘వీరిదంతా వాట్సాప్ యూనివర్సిటీ’ అని నెటిజన్లు కామెంట్స్ చేస్తున్నారు.
Similar News
News November 29, 2025
బుడిబుడి అడుగులు భద్రంగా ఉండాలంటే..
పిల్లలు తప్పటడుగులు వేసేటప్పుడు పడిపోవడం సహజం. అయితే ఇలాంటప్పుడు వారు సేఫ్‌గా ఉండాలంటే పేరెంట్స్ కొన్ని జాగ్రత్తలు తీసుకోవాలంటున్నారు నిపుణులు. ఈ సమయంలో వారికి పొడవైన డ్రెస్‌లు వేయకూడదు. పాదాలకు సాక్స్‌, బయటికి వెళ్తే మెత్తని షూస్‌ వేయాలి. దెబ్బలు తగలకుండా చేతులకు గ్లౌజ్‌లు వేయాలి. వాకర్‌లో ఎక్కువసేపు ఉంచితే నడుమునొప్పి వస్తుంది కాబట్టి తక్కువ సమయమే ఉంచాలి. వారిని ఎప్పటికప్పుడు గమనిస్తూ ఉండాలి.
News November 29, 2025
iBOMMA అంటే ఇంటర్నెట్ బొమ్మ: రవి
TG: రెండో విడత కస్టడీలో iBOMMA రవి కీలక విషయాలను వెల్లడించాడు. పైరసీ వెబ్‌సైట్లు, OTTలు, టెలిగ్రామ్ నుంచి సినిమాలను రికార్డు చేసి, వాటి క్వాలిటీ పెంచేందుకు కరీబియన్ దీవుల్లోని వ్యక్తులతో ఒప్పందం చేసుకున్నట్లు తెలిపాడు. ‘iBOMMA అంటే ఇంటర్నెట్ బొమ్మ. విశాఖలో సినిమాను బొమ్మ అంటాం. అందుకే ఆ పేరు పెట్టా. రెండో వెబ్‌సైట్‌కు బలపం అని పేరు అనుకున్నా. సాంకేతిక సమస్యతో బప్పంగా మార్చా’ అని చెప్పాడు.
News November 29, 2025
ట్రంప్ షాక్‌తో భారీగా పడిపోయిన ఎగుమతులు
అమెరికా అధ్యక్షుడు డొనాల్డ్ ట్రంప్ విధించిన భారీ టారిఫ్‌లతో 2025 మే నుంచి అక్టోబర్ మధ్య భారత ఎగుమతులు 28.5% క్షీణించాయని GTRI వెల్లడించింది. ముఖ్యంగా రత్నాలు, నగలు, టెక్స్‌టైల్‌ , కెమికల్స్, సముద్ర ఆహారం వంటి రంగాలు 31% వరకూ నష్టపోయాయి. స్మార్ట్‌ఫోన్ ఎగుమతులు 36% పడిపోయాయి. సుంకాలు తగ్గించేందుకు ప్రభుత్వం నుంచి చర్యలు ఆలస్యం కావడం పరిస్థితిని మరింత కఠినతరం చేస్తోందని GTRI హెచ్చరించింది.