News November 23, 2024
తొలి రౌండ్‌లో ప్రియాంకకు 3వేల ఓట్ల ఆధిక్యం
వయనాడ్ ఉపఎన్నికలో ప్రియాంకా గాంధీ దూసుకెళ్తున్నారు. తొలి రౌండ్‌లో ఆమె సమీప ప్రత్యర్థి నవ్య హరిదాస్(బీజేపీ)పై 3వేల ఓట్ల ఆధిక్యంలో ఉన్నారు. పోస్టల్ బ్యాలెట్‌‌లో ప్రియాంకకు 600 ఓట్ల లీడింగ్ వచ్చింది. మరోవైపు విజయంపై నవ్య ధీమా వ్యక్తం చేశారు. గతంలో ఇక్కడ ఎంపీగా ఉన్న రాహుల్ గాంధీ ప్రజా సమస్యలను పట్టించుకోలేదని ఆరోపించారు.
Similar News
News November 23, 2024
CM పోస్ట్: మెట్టు దిగని షిండే, బెట్టు వీడని బీజేపీ
మహారాష్ట్ర ఫలితాలపై దాదాపు క్లారిటీ రాగా CM పదవిపై మాత్రం సస్పెన్స్ నెలకొంది. ప్రస్తుత ముఖ్యమంత్రి ఏక్‌నాథ్ షిండేకే తిరిగి పదవి ఇవ్వాలని శివసేన (శిండే) డిమాండ్ చేస్తోంది. 55 స్థానాలు (2019తో పోలిస్తే 14 సీట్లు+) గెలిచిన తమ పార్టీ ప్రభుత్వంలో కింగ్ మేకర్ అని శివసైనికులు అంటున్నారు. అయితే ప్రస్తుత డిప్యూటీ సీఎం ఫడణవీస్ తదుపరి రాష్ట్ర నేతగా ఉంటారని 126 సీట్ల లీడ్‌లోని BJP (2019లో 105) చెబుతోంది.
News November 23, 2024
రేవంత్ ప్రచారం చేసిన అన్ని స్థానాల్లో కాంగ్రెస్ ఓడింది: బండి సంజయ్
TG: మహారాష్ట్రలో సీఎం రేవంత్ ప్రచారం చేసిన అన్ని స్థానాల్లోనూ కాంగ్రెస్ పార్టీ ఓడిపోయిందని BJP MP, కేంద్ర సహాయమంత్రి బండి సంజయ్ ఎద్దేవా చేశారు. ఆ పార్టీ ఓటమికి తెలంగాణ, కర్ణాటకలోని కాంగ్రెస్ ప్రభుత్వాల వైఖరే ప్రధాన కారణమని ఆయన ఆరోపించారు. ఇచ్చిన హామీలను అమలు చేయాలనే ఆలోచన లేకపోవడం వల్లే ఆ పార్టీకి ఓటమి ఎదురైందని ఆయన చెప్పుకొచ్చారు.
News November 23, 2024
మహారాష్ట్రలో MVAను ముంచేసిన కాంగ్రెస్
మహారాష్ట్ర ఎన్నికల్లో MVA ఘోర పరాజయంలో కాంగ్రెస్‌దే ఎక్కువ బాధ్యత. ఎందుకంటే 288 స్థానాలున్న ఇక్కడ హస్తం పార్టీ 101 చోట్ల పోటీచేస్తే కేవలం 22 నియోజకవర్గాల్లోనే ఆధిక్యం ప్రదర్శిస్తోంది. కూటమి గెలవాలంటే ఎక్కువ సీట్లలో పోటీచేసిన పార్టీయే మరిన్ని విజయాలు అందుకోవాలి. అలాంటిది కాంగ్రెస్ స్ట్రైక్‌రేట్ ఇక్కడ 22కే పరిమితమైంది. ఇక శివసేన యూబీటీ 20/95, NCP SP 12/86తో చతికిలపడ్డాయి.