News April 9, 2025
సచిన్ తర్వాత మరో అద్భుతం ప్రియాంశ్: సిద్ధూ

CSKపై సంచలన ఇన్నింగ్స్ ఆడిన PBKS బ్యాటర్ ప్రియాంశ్ ఆర్యపై మాజీ క్రికెటర్ నవజ్యోత్ సింగ్ సిద్ధూ ప్రశంసలు కురిపించారు. ‘సచిన్ తర్వాత మరో అద్భుతాన్ని ఇప్పుడే చూస్తున్నా. CSK బౌలర్లను ఊచకోత కోయడం అమోఘం. ఇండియాకు సుదీర్ఘకాలం ఆడే సత్తా ప్రియాంశ్కు ఉంది. ఓడిపోతుందనుకున్న పంజాబ్ను ఒంటి చేత్తో గెలిపించాడు. వరల్డ్ క్లాస్ బౌలర్లను ఎదుర్కొని ఫాస్టెస్ట్ సెంచరీ చేయడం సాధారణ విషయం కాదు’ అని ఆయన కొనియాడారు.
Similar News
News November 29, 2025
నల్గొండ: తెలంగాణలో అతి చిన్న పంచాయతీ ఇదే!

నల్గొండ జిల్లా త్రిపురారం(M) బృందావనపురం రాష్ట్రంలోనే చిన్న గ్రామ పంచాయతీగా కొనసాగుతోంది. గతంలో పెద్దదేవులపల్లి GP పరిధిలో 2 వార్డుల్లో ఉన్న బృందావనపురం 1978లో గ్రామ పంచాయతీగా ఏర్పడింది. అప్పట్లో సుమారు 70కి పైగా ఓట్లు ఉండగా ప్రస్తుతం గ్రామంలో 98 మంది ఓటర్లు ఉన్నారు. వీరిలో పురుషులు 42, మహిళలు 56 మంది ఉన్నారు. ఈగ్రామస్థులు చాలా మంది MLG, NLG తదితర పట్టణాల్లో స్థిరపడినా అక్కడే ఓటర్లుగా ఉంటున్నారు.
News November 29, 2025
విష్ణుమూర్తి కూడా శాపానికి గురయ్యాడని తెలుసా?

చరాచర సృష్టికి అధినాయకుడైన విష్ణుమూర్తి కూడా శాపానికి గురయ్యారు. జలంధరుడు అనే రాక్షసుడికి భార్య బృంద పాతివ్రత్యం కారణంగా మరణం ఉండదు. దీంతో విష్ణుమూర్తి జలంధరుడి రూపం ధరించి, బృందా పాతివ్రత్యాన్ని భంగం చేశారు. ఫలితంగా జలంధరుడు మరణించాడు. కోపించిన బృందాదేవి విష్ణువును తన శాపంతో శిలలా మార్చేసింది. లక్ష్మీదేవి వేడుకోగా శాపాన్ని ఉపసంహరించుకుంది. ఈ వృత్తాంతం నేపాల్లోని ముక్తినాథ్ ధామ్లో జరిగింది.
News November 29, 2025
వెండే బంగారమాయేనా…

బంగారం కొనలేనివారు వెండితో సరిపెట్టుకునేవారు. కానీ ఇప్పుడు వెండి.. బంగారంతో పోటీపడుతోంది. కేజీ సిల్వర్ రేట్ రూ.2 లక్షల వైపు శరవేగంగా దూసుకెళ్తోంది. కేవలం 5 రోజుల్లోనే రూ.21 వేలు పెరగడం గమనార్హం. HYD బులియన్ మార్కెట్లో ఈ వారం మొదట్లో రూ.1,74,000గా ఉన్న కేజీ సిల్వర్ రేట్ ఇవాళ రూ.1,92,000కు చేరింది. రేట్ల పెరుగుదల పెట్టుబడిదారులకు ఆనందం కలిగిస్తున్నా అవసరానికి కొనాలనుకునేవారికి ఆందోళన కలిగిస్తోంది.


