News December 20, 2024
పుణే ఎయిర్పోర్టు పేరు మార్పు
పుణే ఎయిర్ పోర్టు పేరును మారుస్తూ మహారాష్ట్ర అసెంబ్లీ గురువారం తీర్మానాన్ని ఏకగ్రీవంగా ఆమోదించింది. ఇప్పటి వరకూ దాని పేరు లోహెగావ్ ఎయిర్పోర్టుగా ఉండగా ఇకపై జగద్గురు సంత్ తుకారాం మహారాజ్ ఇంటర్నేషనల్ ఎయిర్పోర్టుగా వ్యవహరించనున్నారు. కేంద్ర పౌర విమానయాన శాఖకు ఈ తీర్మానాన్ని పంపించనున్నారు. మహారాష్ట్రలోని డెహూ గ్రామంలో జన్మించిన తుకారాం వర్కారీ సంప్రదాయ గురువు. పండరీపురంలోని విఠోబాకు అపరభక్తుడు.
Similar News
News January 10, 2026
నిజామాబాద్: రోడ్డు ప్రమాదాల్లో ముగ్గురి మృతి
నిజామాబాద్, కామారెడ్డి జిల్లాలో జరిగిన రోడ్డు ప్రమాదాలు పలు కుటుంబాల్లో విషాదాన్ని నింపాయి. పొతంగల్ (M) కొడిచర్లకు చెందిన సాయికుమార్ (18) ప్రమాదవశాత్తు ట్రాక్టర్ పై నుంచి పడి మృతి చెందాడు. జక్రాన్ పల్లి(M) పడకల్కు చెందిన తలారి నరేందర్ (35) సైతం ట్రాక్టర్ పై నుంచి పడి మృతి చెందాడు. ఆలాగే కామారెడ్డి జిల్లా మద్నూర్(M) 161 జాతీయ రహదారిపై జరిగిన రోడ్డు ప్రమాదంలో నారాయణ పవార్ (40) దుర్మరణం పాలయ్యాడు.
News January 10, 2026
జమ్మూ: సాంబా సెక్టార్లోకి పాకిస్థాన్ డ్రోన్
జమ్మూ కశ్మీర్లోని సాంబా సెక్టార్లోకి పాకిస్థాన్ డ్రోన్ ప్రవేశించడం కలకలం రేపింది. BSF బలగాలు డ్రోన్ కదలికలను గుర్తించాయి. డ్రోన్ ద్వారా పాక్ ఆయుధాలు జార విడిచినట్లు తెలుస్తోంది. ఫ్లోరా గ్రామం వద్ద భద్రతా బలగాలు ఆయుధాలను గుర్తించాయి. 2 పిస్టల్స్, గ్రెనేడ్, 16 రౌండ్ల బుల్లెట్లు, 3 పిస్టల్ మ్యాగజైన్లు స్వాధీనం చేసుకున్నాయి.
News January 10, 2026
బీపీ తగ్గాలంటే ఇవి తినాలి
హైబీపీకి ఎన్నో కారణాలుంటాయి. దాన్ని అదుపులో ఉంచుకోకపోతే అవయవాలపై తీవ్ర ప్రభావం పడుతుంది. ఇలా కాకుండా ఉండాలంటే పొట్టుతో ఉన్న గింజధాన్యాలతోపాటు ఆకుకూరలు, కాయగూరలు, అల్లం, వెల్లుల్లి వంటివి తీసుకోవాలి. రైస్బ్రాన్, నువ్వులు, ఆవ నూనెల్ని నాలుగైదు చెంచాలకు మించి వాడకూడదు. సలాడ్స్, నాటుకోడి, చేప తినొచ్చు. వీటితో పాటు ఒత్తిడినీ నియంత్రించుకోగలిగితే రక్తపోటు అదుపులో ఉంటుంది.