News November 7, 2024

సందీప్ కిషన్‌తో పూరీ జగన్నాథ్ సినిమా?

లైగర్, డబుల్ ఇస్మార్ట్ డిజాస్టర్ల తర్వాత పూరీ జగన్నాథ్ కొత్త ప్రాజెక్టుపై దృష్టిసారించారు. ఇందులో హీరో సందీప్ కిషన్‌ నటిస్తారని తెలుస్తోంది. వరుస సినిమాలు చేస్తున్నప్పటికీ ఇతనికి కూడా సరైన విజయం దక్కలేదు. దీంతో సందీప్ మేనమామ శ్యామ్ కె.నాయుడు రంగంలోకి దిగినట్లు సమాచారం. స్నేహితుడు పూరీతో కలిసి మూవీని పట్టాలెక్కిస్తున్నారని టాక్. త్వరలోనే అధికారిక ప్రకటన ఉంటుందని సినీ వర్గాలు వెల్లడిస్తున్నాయి.