News November 30, 2024
ఎల్లుండి హైదరాబాద్‌లో పుష్ప వైల్డ్ ఫైర్ జాతర
దేశ వ్యాప్తంగా పలు నగరాల్లో నిర్వహించిన ‘పుష్ప వైల్డ్ ఫైర్ జాతర’ హైదరాబాద్‌లోనూ నిర్వహిస్తున్నట్లు చిత్ర యూనిట్ తెలిపింది. డిసెంబర్ 2న హైదరాబాద్ యూసుఫ్‌గూడ పోలీస్ గ్రౌండ్స్‌లో సాయంత్రం 6 గంటలకు జాతర మొదలవుతుందని తెలిపింది. అభిమానులు సిద్ధంగా ఉండాలని పిలుపునిచ్చింది.
Similar News
News November 30, 2025
జపం ఇలా చేస్తే ఎక్కువ ప్రయోజనం
జపం చేసేటప్పుడు చాలామంది మనసులోనే భగవంతుడిని మననం చేసుకుంటారు. అలా కాకుండా.. ఇతరులకు వినిపించేలా నామస్మరణ చేసినా కూడా శుభ ఫలితాలుంటాయని పండితులు చెబుతున్నారు. ‘రుద్రాక్ష మాల ద్వారా జపం చేస్తే అనంతమైన ఫలం లభిస్తుందని లింగ పురాణం చెబుతోంది. దర్భముడి, రత్నమాల, పగడాల మాల కూడా జపానికి శ్రేష్ఠమైనవి. ఏ మాలతో జపం చేసినా.. ఏకాగ్రతతో చేస్తేనే ఫలం ఉంటుంది’ అంటున్నారు.
News November 30, 2025
ఉత్తగొడ్డుకు అరుపులు మెండు
ఈ సామెతలో ఉత్తగొడ్డు అంటే పాలివ్వని, పాలు లేని ఆవు (గొడ్డు ఆవు) అని అర్థం. పాలు ఇచ్చే ఆవు ఎప్పుడూ నిశ్శబ్దంగానే ఉంటుంది, కానీ పాలు లేని గొడ్డు ఆవు తరచుగా అరుస్తుంటుంది. అలాగే నిజమైన సామర్థ్యం గల వ్యక్తులు తమ పని తాము చేసుకుపోతారని.. పనికిరాని, పనితీరు సరిగాలేని అసమర్థులే ఎక్కువగా మాట్లాడుతూ తమ గొప్పలు చెప్పుకుంటారని ఈ సామెత తెలియజేస్తుంది.
News November 30, 2025
ఇవాళ భారీ నుంచి అతిభారీ వర్షాలు: APSDMA
AP: ‘దిత్వా’ తుఫాను ప్రభావంతో నేడు పలు జిల్లాలకు APSDMA భారీ వర్షసూచన చేసింది. ప్రకాశం, NLR, KDP, అన్నమయ్య, చిత్తూరు, TPT జిల్లాల్లో భారీ నుంచి అతిభారీ వర్షాలు కురిసే అవకాశం ఉందని చెప్పింది. GNT, బాపట్ల, పల్నాడు, KNL, NDL, అనంతపురం, సత్యసాయి జిల్లాల్లో మోస్తరు నుంచి భారీ.. అనకాపల్లి, కాకినాడ, కోనసీమ, తూ.గో., ప.గో., ఏలూరు, కృష్ణా, NTR జిల్లాల్లో మోస్తరు వర్షాలు కురిసే అవకాశం ఉందని పేర్కొంది.