News November 26, 2024
రఘురామకృష్ణరాజు కేసు.. విజయ్పాల్ అరెస్ట్
AP: మాజీ MP, ప్రస్తుత Dy స్పీకర్ రఘురామకృష్ణరాజు కస్టోడియల్ కేసుకు సంబంధించి సీఐడీ మాజీ ఏఎస్పీ విజయ్ పాల్ను ఒంగోలు పోలీసులు అరెస్ట్ చేశారు. ప్రస్తుతం ఆయనను గుంటూరుకు తరలిస్తున్నట్లు తెలుస్తోంది. ఇవాళ ఉదయం నుంచి పాల్ను సుదీర్ఘంగా విచారించారు. ఆ తర్వాత అరెస్ట్ చేస్తున్నట్లు ప్రకటించారు. కాగా రఘురామను చిత్రహింసలు పెట్టిన కేసులో విజయ్ పాల్ కీలకంగా వ్యవహరించినట్లు సమాచారం.
Similar News
News December 19, 2025
TooMuch Centralisation అవుతోందా..?
UGC, AICTE, NCTEల స్థానంలో పార్లమెంటులో కేంద్రం బిల్లు పెట్టిన వికసిత్ భారత్ శిక్షా అధిష్ఠాన్(VBSA) నియంతృత్వానికి మార్గం అవుతుందని ప్రతిపక్షాల ఆరోపణ. స్టేట్స్ రైట్స్, ప్రాంతీయ విద్య ప్రాధాన్యతలకు ముప్పు కల్గుతుందని ఆందోళన వెలిబుచ్చాయి. అటు ఫండ్స్ జారీ పవర్ కేంద్ర విద్యాశాఖ వద్ద ఉంచుకోవడంతో రాజకీయ కారణాలతో నిధులు ఆపే ఛాన్సుందనేది మరో అనుమానం. ఈ తరుణంలో VBSAపై JPC 2 నెలల్లో ఏ రిపోర్టు ఇస్తుందో?
News December 19, 2025
CNAP సర్వీస్ లాంచ్ చేసిన జియో
CNAP (కాలర్ నేమ్ ప్రజెంటేషన్) సర్వీస్ను జియో స్టార్ట్ చేసింది. కొత్త నంబర్ నుంచి కాల్ వచ్చినా మొబైల్ స్క్రీన్పై సిమ్ కార్డుతో రిజిస్టర్ అయిన వ్యక్తి పేరు కనిపిస్తుంది. సిమ్ కొనుగోలు చేసే సమయంలో ఇచ్చిన కేవైసీ డాక్యుమెంట్లో ఉన్న పేరు కనిపించేలా రూపొందించింది. స్పామ్, మోసపూరిత, డిజిటల్ స్కామ్లను నియంత్రణకు ఉపయోగపడే ఈ సర్వీస్ ట్రూకాలర్ వంటి థర్డ్ పార్టీ యాప్స్కు ప్రత్యామ్నాయంగా పనిచేస్తుంది.
News December 19, 2025
గ్రీన్ కార్డ్ లాటరీని నిలిపేసిన ట్రంప్
గ్రీన్ కార్డ్ లాటరీ ప్రోగ్రామ్ను అమెరికా అధ్యక్షుడు డొనాల్డ్ ట్రంప్ సస్పెండ్ చేశారు. ఈ విషయాన్ని హోంల్యాండ్ సెక్యూరిటీ సెక్రటరీ క్రిస్టీ నోయెమ్ వెల్లడించారు. ‘బ్రౌన్ యూనివర్సిటీలో కాల్పులు జరిపిన క్లాడియో మాన్యుయెల్ 2017లో డైవర్సిటీ లాటరీ ఇమిగ్రెంట్ వీసా ప్రోగ్రామ్ ద్వారా USలోకి వచ్చాడు. తర్వాత గ్రీన్ కార్డు పొందాడు. ఇలాంటి దారుణమైన వ్యక్తులను దేశంలోకి అనుమతించకూడదు’ అని పేర్కొన్నారు.