News September 11, 2024
రాహుల్ వ్యాఖ్యలు: సోనియా ఇంటి ముందు సిక్కుల ధర్నా
అమెరికాలో రాహుల్ గాంధీ చేసిన వ్యాఖ్యలపై కొన్ని సిక్కు సంఘాలు భగ్గుమన్నాయి. బుధవారం సోనియా గాంధీ ఇంటిముందు ఆందోళన చేపట్టాయి. ఆయన మాటలు సరికాదంటూ నిరసన వ్యక్తం చేశాయి. మత స్వేచ్ఛ గురించి మాట్లాడుతూ భారత్‌లో సిక్కుల ఉనికికి ముప్పు ఉందంటూ రాహుల్ పేర్కొన్న సంగతి తెలిసిందే. దేశంలో సిక్కులు తలపాగా ధరించేందుకు అనుమతించే పరిస్థితి ఉందా అన్నారు. RSS, BJPతో తాము సైద్ధాంతిక పోరాటం చేస్తున్నామని పేర్కొన్నారు.
Similar News
News November 29, 2025
పార్వతీపురం: ‘ప్రభుత్వ పథకాల సమగ్ర సమాచారం ఉండాలి’
కేంద్ర, రాష్ట్ర ప్రభుత్వాలు జిల్లాలో అమలుచేస్తున్న వివిధ సంక్షేమ పథకాల పట్ల అధికారులకు పూర్తి అవగాహన ఉండాలని కలెక్టర్ డా.ఎన్.ప్రభాకర రెడ్డి పేర్కొన్నారు. పథకాల పురోగతిపై ఆయా శాఖల అధికారులతో కలెక్టర్ సమీక్షా సమావేశాన్ని శనివారం కలెక్టర్ కార్యాలయ సమావేశ మందిరంలో నిర్వహించారు. పథకాలకు సంబందించిన సమగ్ర సమాచారం అధికారుల వద్ద ఉండాలని తేల్చిచెప్పారు.
News November 29, 2025
బిర్యానీ ₹150.. సమోసా ₹10: స్థానిక ఎన్నికల్లో ధరలు ఖరారు
TG: స్థానిక ఎన్నికల ప్రచారంలో అభ్యర్థులు చేసే ఖర్చుకు సంబంధించి పలు వస్తువుల ధరలను SEC విడుదల చేసింది. సమోసా ₹10, టీ ₹5, కాఫీ ₹10, బిర్యానీ ₹150గా నిర్ణయించింది. వాహనాలు, కండువాలు, ప్లెక్సీలు తదితర వస్తువులకూ ధరలను ప్రకటించింది. దీని ప్రకారం ప్రచారంలో వినియోగించిన వస్తువుల ఖర్చును లెక్కిస్తారు. అభ్యర్థులు తమ ఖర్చు లెక్కల్లో వీటిని చూపించాలి. లేకుంటే వ్యయ పరిశీలకులే ఈ ఖర్చును లెక్కలో వేస్తారు.
News November 29, 2025
ఐపీఎల్‌కు స్టార్ ప్లేయర్ గుడ్ బై
స్టార్ ప్లేయర్ డుప్లెసిస్ IPLకు వీడ్కోలు పలికారు. 14 సీజన్ల తర్వాత ఈ ఏడాది వేలంలో పాల్గొనట్లేదని పోస్ట్ చేశారు. తన ప్రయాణంలో మద్దతుగా నిలిచిన ప్రతీ కోచ్, తోటి ప్లేయర్లు, సపోర్ట్ స్టాఫ్, ఫ్యాన్స్‌కు ధన్యవాదాలు తెలియజేశారు. వచ్చే PSL సీజన్‌లో ఆడనున్నట్లు పేర్కొన్నారు. డుప్లెసిస్ IPL కెరీర్‌లో సీఎస్కే, పుణే(RPS), RCB, ఢిల్లీ జట్లకు ప్రాతినిధ్యం వహించగా 154 మ్యాచుల్లో 4,773 పరుగులు చేశారు.